Búnaðarrit - 01.01.1984, Page 71
SKÝRSLUR STARFSMANNA
43
Á árinu voru haldnir margir fundir og samþykkt drög að
nýjum flokkunarreglum fyrir kartöflur svo og nýjar reglur
fyrir grænmeti og hvers konar ávexti. Ég sat ýmsa fundi og
fylgdist með framkvæmd flokkunar samkvæmt hinum nýju
reglum.
Þá var ég ritari Búnaðarþings, sem sat að störfum frá
febr.—mars 1983.
Einnig sat ég nokkra fundi í Eiturefnanefnd og fékk til
umsagnar ýmis efni varðandi leyfi til notkunar eiturefna í X
og A flokkum, svo og efni varðandi nýskráningu.
Ég teiknaði allmörg gróðurhús á árinu og gerði efnis- og
kostnaðaráætlun varðandi þau. Hins vegar var meginhluti
þessara húsa gömul hús, sem nauðsynlega þurfti að endur-
byggja. Ný hús eru fá og veldur þar einkum, að heita má
undantekning að Stofnlánadeild landbúnaðarins hafi lánað
til nýbygginga gróðurhúsa í ár. Man ég eftir tveim tilvikum,
þar sem svo var. Hætt er við, að ef þetta á að verða
framtíðarstefna, þá byggi fyrst og fremst þeir sem fjármagn
hafa, burtséð frá því hvort þörfin er fyrir hendi.
Mjög skipti í tvö horn með ræktun á árinu. Heita mátti að
ræktun í gróðurhúsum gengi yfirleitt allvel, en útirækt öll
var með allra versta móti. Töldu gamalgrónir garðyrkju-
bændur að þetta sumar væri hið erfiðasta til útiræktar, sem
þeir myndu eftir.
Kartöfluuppskera brást að mestu og ræktun á káli og
skyldum tegundum gekk afar illa. Eini ljósi punkturinn var
sá, að þær útiræktuðu tegundir, sem náðu þroska, seldust á
góðu verði. Hins vegar er ljóst, að afkoma þeirra, sem að
mestu leyti áttu allt undir útiræktun grænmetis, er afar veik
og tekjur sumra í algjöru lágmarki. Vann ég m. a. að
samantekt yfirlits um tekjur þessara rnanna árin 1982 og
1983.
í nokkrum tilvikum er ljóst, að brýn þörf er á einhverri
fjárhagslegri lausn til bráðabirgða.
Skást mun afkoma hafa orðið á forræktuðum rófum, sem