Búnaðarrit - 01.01.1984, Page 72
44
BÚNAÐARRIT
yfirleitt náöu sæmilegum þroska. Blómkál og hvítkál kom
afar misjafnlega út og brást sums staðar svo til alveg.
Gulrætur voru sæmilegar á stöku stað í heitum görðum.
Ræktun kínakáls tókst eftir vonum, en þess ber að gæta, að
það er að verulegu leyti ræktað undir plasthlífum.
Tómatar voru ræktaðar í u. þ. b. 41 000 m2 á árinu.
Framan af vaxtaskeiði var sólríkt og frjóvgun og setning
góð. Var uppskera framan af vaxtaskeiði mjög góð og
magn í apríl og maí með því mesta, sem komið hefur á þeim
tíma.
I júní nam magn um 123 tonnum í S.F.G., sem er mesta
magn, sem þangað hefir borist á einum mánuði fram að
þessu. Heldur dró úr uppskeru þegar á leið sökum langvar-
andi sólarleysis, en eigi að síður mun uppskera yfirleitt hafa
verið vel í meðallagi. Sökum hins mikla framboðs var verð
lækkað mikið um tíma. Þannig fór heildsöluverð á tómötum
í 35 kr/kg í alllangan tíma í júní og júlí. Hins vegar svaraði
markaður þessari lækkun vel og var um mjög verulega
söluaukningu að ræða.
Hver hefir verið heildaruppskera er erfitt um að segja,
bæði vegna þess að hluti framleiðenda selur ekki um S.F.G.
svo og vegna allmikillar heimasölu, sem kemur mjög óljóst
fram. Ekki mun fjarri lagi að áætla heildaruppskeru um 670
tonn. Innflutt magn á þeim tíma, er innlend framleiðsla var
ekki fyrir hendi, nam um 120 tonnum. Neysla svarar til um
3,3 kg á mann á ári. Gúrkur voru ræktaðar í u. þ. b. 19 000
m2 á árinu, sem er nokkru meira en á fyrra ári. Mikið magn
barst að í seinni hluta apríl og í maí mánuði og urðu þá
veruleg afföll þrátt fyrir verðlækkun. Utkoma síðari hluta
sumars var betri og má vera, að hve lítið var af káli á
markaði hafi e. t. v. liðkað fyrir sölu á gúrkum. Heildar-
magn var um 460 tonn og í S.F.G. barst mest magn í maí
eða 80,4 tonn, sem er mesta magn, sem borist hefur í einum
mánuði. Ræktun papriku var ívið minni en 1982 eða um
7 700 m2 undir gleri. Hins vegar tókst yfirleitt bærilega til