Búnaðarrit - 01.01.1984, Page 79
SKÝRSLUR STARFSMANNA
51
rannsóknarstofu fyrir landið allt. Auk mjólkurfitu er nú
ákvarðað eggjahvítumagn, fitusnautt þurrefni og frumu-
fjöldi. Er því um mikla framför að ræða, sem kemur að
gagni í kynbótastarfinu, er frá líður, en strax í baráttunni
gegn júgurbólgu. Þessi starfsemi hófst á miðju ári eftir
undirbúnings prófanir og var tekin upp í októberbyrjun á
viðskiptasvæðum allra samlaga, sem aðild eiga að stofunni.
Má segja, að þar séu nær allar kýr, sem skýrslur eru haldnar
yfir á vegum nautgriparæktarfélaga.
Stjórnin hélt 4 fundi á árinu, en þar fyrir utan áttum við
Pétur Sigurðsson, stjórnarnefndarmaður, ásamt dr. Ólafi
Oddgeirssyni, forstöðumanni stofunnar, viðtöl við ýmsa
aðila vegna fjármála rannsóknarstofunnar, en reynt hefur
verið að dreifa greiðslu stofnkostnaðar á nokkur ár. Hafa
þær stofnanir, er næst standa, reynzt vel í þeim málum.
Júgurbólgurannsóknir eru viðamikill þáttur í starfi
rannsóknarstofunnar. Hefur áfram verið unnið að því að fá
ríkið til að taka meiri þátt í kostnaði við þær, en fremur lítið
orðið ágengt, þótt skilningur sé á málinu. Sem bráðabirgða-
lausn ákvað stjórnin á fundi í nóvember að leita eftir
fjárhagsstuðningi úr kjarnfóðursjóði hjá Framleiðsluráði
landbúnaðarins. Þá var einnig ákveðið að snúa sér til
landbúnaðarráðherra um undirbúning frumvarps um júgur-
bólgurannsóknir með tilliti til þess, að kostnaður við þær
greiðist úr ríkissjóði. Akveðið var í ársbyrjun 1983 í
sambandi við bókhald að halda aðgreindum kostnaði við
júgurbólgurannsóknir.
Kjörtímabili stjórnar var lokið á s. 1. hausti. Var stjórnin
endurkjörin, og gegni ég áfram formennsku í henni,
tilnefndur af Framleiðsluráði landbúnaðarins.
N0K — Samband nautgriparœktarmanna á Norðurlöndum
— og íslandsdeildin. Eins og ég gat um í síðustu starfs-
skýrslu, verður N0K-mót að Laugarvatni næsta sumar, en
þau eru haldin 2. hvert ár. Stjórn N0K kom saman til
fundar í Reykjavík helgina 10,—11. september til að