Búnaðarrit - 01.01.1984, Side 90

62 BÚNAÐARRIT
inn á stöðina, þannig að mæður kálfanna eru að jafnaði
betri en áður.
Eftir landshlutum skiptast nautin þannig: Af Norður-
landi komu 27, 5 af Vesturlandi, 14 af Suðurlandi og 2 af
Austurlandi. Flutningur kálfanna að stöðinni gekk á
köflum heldur hægt, en þó áfallalaust. 4 kálfar voru drepnir
fljótlega eftir komu, 2 þeirra vegna kviðslita, 1 vegna gruns
um garnaveiki og 1 vegna þess að hann var hyrndur.
Nautsfeður voru þessir á árinu (í sviga fjöldi sona):
Frami 72012 (5), Bergur 74003 (1), Bratti 75007 (18),
Birtingur 75011 (11) og Álmur 76003 (3).
Vöxtur nautanna var svipaður og undanfarin ár. Meðal
þynging varð 810 g/dag og meðal þungi ársgamalla nauta
311 kg. Hey var keypt frá Ásólfsstöðum II í Gnúpverja-
hreppi, 500 hestburðir, megnið af því úrvals fóður.
Störf mín á stöðinni voru svipuð og áður. Hirðing
nautanna og þrif taka ævinlega drýgstan hluta vinnutímans,
en auk þess sá ég um vigtanir á nautunum og fóðrinu í þau
og tilheyrandi skýrsluhald. Pá tók ég saman ýmsar upplýs-
ingar um afurðir og ætterni mæðra þeirra nauta, er
kynbótanefnd tók til umfjöllunar á árinu. Fundi kynbóta-
nefndar sat ég að mestu leyti.
Auk mín vann á stöðinni Þórfríður Haraldsdóttir og
þakka ég henni prýðilegt samstarf á árinu. Þar sem ég hef
nú látið af störfum hjá Uppeldisstöðinni vil ég nota
tækifærið og þakka öllum þeim, sem ég hef haft samskipti
við starfsins vegna, samstarfið. Þá óska ég eftirmanni
mínum, Sigurmundi Guðbjörnssyni, velfarnaðar í starfi.
Janúar 1984,
Jón Gíslason.