Búnaðarrit - 01.01.1984, Page 99
SKÝRSLUR STARFSMANNA
71
að þeir þurfi lítið hingað að sækja og hvað þá? Nokkur
úrvals kynbótahross á ári fyrir gott verð segir lítið fyrir alla
framleiðendur í landinu. Svo er það nú kappsmál þeirra,
sem þessum málum stjórna, að hrossin skuli seld á sem
vægustu verði, já góðhjartaðir verslunarmenn íslendingar.
— Sama er mér þótt útflutningsverslun hrossa stöðvist nú,
þar er engu að tapa eins og staðan er, en allt að vinna, ef
hreyfing kæmist á aftur og gætilega er farið með verslun
kynbótahrossa, en aðalatriðið verði að flytja geldinga sem
reiðhesta við hvers hæfi. í mörgum héruðum landsins á
hrossaræktarstarfið mjög í vök að verjast, rétt skrimtir, þótt
aðstoð sé veitt og byggist mest á ódrepandi áhuga fárra
manna og að félagslegri samstöðu er beitt og sum minnstu
samböndin þola ekki að aðstendum þeirra fækki. Ég vona
hið besta og treysti á að hinir dugmestu ræktunarmenn
sinni starfinu og glæði áhuga í umhverfi sínu. Stóðhesta-
stöðin á að að vera bakhjarl við ræktunarstarfið og einkum
gæti hún komið sér vel fyrir hin smærri hrossaræktarsam-
bönd og verið þeim nokkur trygging í starfseminni.
Hornfirðingar hafa komið sér upp stórri og góðri girðingu,
sem nú er fullfrágengin. Þeir hafa ekki formlega komð á fót
hrossaræktarsambandi með Búnaðarsambandinu sem meg-
inaðila, eins og þeim stendur opið.
Austfirðingar, Freyfaxamenn, stefna að góðri stóðhesta-
girðingu á næsta ári. Þar eru nú ágætir stóðhestar, Verð-
andi 937 frá Gullberastöðum og Máni 949 frá Ketilsstöðum,
sem var afkvæmarannsakaður s. 1. vetur og hlaut góða
útkomu.
Vestlendingar fækkuðu sínum stóðhestum um Fáfni 847 frá
Svignaskarði, Klaka 914 frá Gullberastöðum og Eilíf frá
Sveinatungu. Nýir hestar hafa ekki bæst í hópinn. Á
svæðinu voru þrír stóðhestar afkvæmarannsakaðir s. 1.
vetur, einn þeirra í eigu sambandsins, Klaki 914. Hinir í
einkaeign, en aldir upp á Stóðhestastöð, þeir Úi 939 frá
Nýjabæ, Borg. og Brimblesi 943 frá Hoftúnum, Snæf.