Búnaðarrit - 01.01.1984, Page 105
SKÝRSLUR STARFSMANNA 77
fullnaðardóm. Það eina sem er óeðlilegt í þessu máli er það,
hve fádæma fátæklegt var í flokkum stóðhesta.
Ættbók o. fl.
í ættbók voru skráðir 30 stóðhestar og um 215 hryssur.
Óvenju margir hestar komu inn vegna nýrra reglna og var
því farið yfir dóma síðustu ára til samræmingar og jöfnuðar,
þótt sumir hestanna væru þegar vanaðir. Þá voru nokkrir
stóðhestar frá Stóðhestastöð, sem náð höfðu lágmarks-
einkunn, teknir í ættbók. Samkvæmt samþykkt sýningar-
nefndar frá 9. maí 1983 eru helstu ákvæði þannig til
ættbókarfærslu:
Stóðhestar fái hið minnsta 7.75 stig í aðaleinkunn og
ekki minna en 7.60 stig fyrir byggingu eða hæfileika,
né lægra en 7.0 stig fyrir einstök atriði í byggingu.
Hryssur fái hið minnsta 7.50 stig í aðaleinkunn og
ekki lægra en 7.30 stig fyrir byggingu eða hæfileika.
Auk þess leggur nefndin til að tekið verði upp
númerakerfi fyrir öll hross, sem dæmd eru af kyn-
bótadómnefndum, vegna úrvinnslu í tölvu.
Til útlanda voru fluttir 16 stóðhestar, eftir því sem ég
kemst næst, en ég sé ekki betur en það mál sé allt að riðlast,
ráðuneytið að taka þetta í sínar hendur, hvað sem ræktun-
armenn segja, meira að segja fór 1. verðlauna stóðhestur til
útlanda án vitundar stjórna hrossaræktarsambanda lands-
ins. Meðalverð á útfluttum stóðhestum var aðeins kr. 88
þús. Þvílík háðung!
Stofnverndarsjóður
Fundir voru haldnir í stjórninni 25.05. og 29.11. Sjóðurinn
veitti aðstoð við kaup á eftirtöldum stóðhestum:
Vinur 953, Kotlaugum, til Hrs. Suðurlands
Hervar 961, Sauðárkróki, til Hrs. Skagfirðinga
Sörli 653, Sauðárkróki, til sama
Feykir 962, Hafsteinsstöðum, til Hrs. Skagfirðinga og
Hrs. Suðurlands
Eiðfaxi 958, Stykkishólmi, til Hrs. Vesturlands og
Hrs. Dalamanna