Búnaðarrit - 01.01.1984, Page 121

SKÝRSLUR STARFSMANNA
93
Um kjötframleiðsluna er það að segja, að þar hafa
bændur einnig verið í erfiðleikum vegna mikils framboðs og
þar af leiðandi hefur verðið verið óhagstæðara en oftast
áður. Þar kemur ýmislegt til, en tína má til ýmis atriði.
Fóður hækkaði mjög fyrri hluta ársins án þess að kjúklingar
hækkuðu nokkuð að marki. Ennfremur voru hækkanir á
kjúklingum á árinu miklu minni en hækkanir á öllum
aðföngum til rekstursins og leiddi það því af sjálfu sér, að
afkoma búanna versnaði mjög. Sér ekki fyrir endann á
þessu enn.
Gæsarækt breiðist nú nokkuð út og var nóg framboð á
aligæsum í haust. Er það vel. Ýmsir erfiðleikar hafa skotið
upp kollinum varðandi gæsaræktina, en ég hygg að þeir
verði óðum að baki eftir því sem reynsla bænda eykst á
meðferð þessara fugla.
Kanínuræktin er komin á góðan rekspöl og er ekki annað
að sjá en margir séu að ná sæmilegum tökum á að búa með
þessi dýr. Skiptir fjöldi þeirra í landinu nú orðið hundr-
uðum og eru angórakanínur komnar í flestar sýslur. Al-
gengast er, að menn fái sér fáeinar kanínur til að byrja með
og fjölgi þeim síðan smám saman eftir því sem tök eru á og
efni og aðstæður leyfa. Álít ég þetta skynsamlega leið og
áhættuminnsta. Afurðasala virðist vera nokkuð trygg og
kaupir Álafoss hf. alla þá ull sem þeir geta fengið. Einhver
kjötframleiðsla verður einnig af þessum dýrum og virðist
ekki erfitt að koma því í verð. Segja má að velta á fjármagni
sé ekki mikil í búgreininni sjálfri en þó má benda á, að hér
er um að ræða framleiðslu á mjög verðmætu iðnaðarhrá-
efni, sem nýtist hér innanlands til framleiðslu.
Eg hætti störfum 1. nóvember s.l. og var ég þá búinn að
vera í þessu starfi rúmlega 3 ár. Þegar ég lít yfir farinn veg
held ég að segja megi, að framfarir hafi orðið allnokkrar í
sumu tilliti. Innflutningur á nýjum stofnum hefur verið all-
mikill á þessum tíma og haft í för með sér miklar framfarir.
Má í því sambandi benda á, að nú er hægt að framleiða