Búnaðarrit - 01.01.1984, Page 124
96
BÚNAÐARRIT
haldi og skýrslum sláturleyfishafa, sem sýna hversu bágbor-
ið ástandið í íslenskri svínarækt er í dag.
Hve mikil svínakjötsneysla er hér á landi veit enginn með
vissu, því að innlend svínakjötsframleiðsla hefur í áratugi
staðið í harðri samkeppni við ólöglegan innflutning á
erlendu svínakjöti.
Ymsar getgátur hafa verið um, hversu umfangsmikill
þessi ólöglegi innflutningur sé á svínakjöti, og margir telja
að hann sé allt að 25-30% af svínakjötsneyslunni í landinu.
Auk þessa er flutt inn reglulega allverulegt magn af
svínakjöti til varnarliðsins á Keflavíkurflugvelli.
Hvort sem þessar getgátur hér að framan eru réttar eða
ekki, þá er það staðreynd, að hér á landi er allverulega
mikil neysla á svínakjöti og kjötiðnaðarvörum, þar sem
svínakjöt eða svínafita er verulegur hluti af hráefninu.
Rétt er einnig að benda á, að kjötiðnaðarmenn telja að
illmögulegt sé að nota t. d. ærkjöt og kýrkjöt í ýmsar
kjötiðnaðarvörur, ef svínakjöt eða svínafita er ekki notuð
með. Fyrir kjötiðnaðinn í landinu er því nauðsynlegt að
allveruleg svínarækt sé í landinu, ef nýta á til fullnustu kjöt
frá hinum svokölluðu hefðbundnu búgreinum, það er að
segja nautgriparækt og sauðfjárrækt.
Núna þegar fyrirsjáanlegt er, að draga verður mikið úr
framleiðslu sauðfjárafurða vegna óhagstæðs verðs og sölu-
tregðu á erlendum mörkuðum, er það nauðsynlegt fyrir
bændastéttina að notfæra sér alla hagstæða markaði fyrir
landbúnaðarvörur og bæta rekstur búvöruframleiðslunnar.
Hvað svínaræktina varðar, þá ætti það að vera tiltölulega
auðvelt hér á landi, að auka hlutdeild íslensks svínakjöts og
jafnvel útiloka ólöglegan innflutning á svínakjöti og kjöt-
iðnaðarvörum úr svínakjöti með því að stórauka þekkingu
svínabænda á svínarækt, koma á almennu skýrsluhaldi og
skipulögðum kynbótum og flytja síðan inn í landið kynbóta-
dýr, sem gefa af sér afurðir, sem eru í samræmi við þær
kröfur, sem neytendur gera í dag.