Búnaðarrit - 01.01.1984, Page 139
SKÝRSLURSTARFSMANNA
111
norðurhveli, sem ráðgert er að halda sumarið 1985. Síðla
árs kaus Sameinað Alþingi mig varamann í Vísindasjóð og
félagsmálaráðherra skipaði mig í nefnd til að semja frum-
varp til laga um umhverfismál.
Ferðalög. A árinu ferðaðist ég um ýmsa hluta Suður- og
Suðvesturlands, Vesturlands og Norðurlands, oft með
starfsmönnum Landgræðslu ríkisins, sem ég átti mikið
samstarf við eins og áður. Auk gróðurskoðunar í afréttuni
fór ég í nokkur heimalönd jarða og kom í fáeinar réttir.
Samtals voru ferðadagar í þessu skyni nokkuð á þriðja tug,
þ. e. a. s. nokkru færri en árið áður, enda viðleitni til
sparnaðar í samræmi við óskir búnaðarmálastjóra. Utan-
landsferðir voru engar.
Úthagi spratt seint vegna kulda, en veðrátta seinni hluta
sumars og fram á haust var gróðri og fénaði hagstæð. Þótt
spretta væri með lélegra móti nýttist gróður vel, enda var fé
óvenju vel dreift í högum, minnti helst á haustið 1978.
Fallþungi dilka var sums staðar allgóður, en í heildina var
hann lakari en í meðallagi. Grænfóður- og háarbeit var af
mjög skornum skammti. Það er áhyggjuefni hve kuldi hefur
háð sprettu í úthaga allt frá sumrinu 1979. Að því leyti
kemur sér sums staðar vel að sauðfé hefur fækkað þessi ár,
og að mínum dómi mætti að skaðlausu grisja hrossastofninn
töluvert og draga þannig úr beitarálagi, þar sem þröngt er í
högum.
Fundir og ráðstefnur. Auk funda vegna nefndarstarfa, sem
áður var vikið að, sat ég m. a. fundi í Landbúnaðarráðu-
neytinu um beitarmál, í Rannsóknastofnun landbúnaðarins
um tilraunamál, hjá Landsvirkjun í Reykjavík og með
samráðsnefnd á Blönduósi vegna uppgræðslu á Blöndu-
virkjunarsvæðinu, í Bændahöllinni um hrossaeign og
hrossabúskap, og á Akureyri sat ég fund í Tilraunaráði
landbúnaðarins. Síðla árs sat ég fund í Rannsóknarráði
ríkisins og var einn þriggja fulltrúa Búnaðarfélags íslands á