Búnaðarrit - 01.01.1984, Page 174
146
BÚNAÐARRIT
Var þá til mín leitað og margra annarra um hversu leysa
skyldi ýmis efni, m. a. fóðrun fjárins uns það kæmist til
eigenda. Sýkingarviðhorfin fléttuðust í málin, svo að um
þessi efni fjölluðu sýslumenn umræddra sýslna, dýralækn-
ar, oddvitar og fleiri. Lyktir mála urðu þær, að fénu var
slátrað á Bíldudal eftir mikið þvarg og stapp. Annar vandi í
forðamálum barst í hendur mér á vordögum, þegar útvega
þurfti fóður og flytja um langvegu. Eftir það var hlutverk-
um mínum lokið.
Umfjölda búfjár og eftirtekju frá sumrinu 1982 er annars
að segja, að sauðfé fækkaði, mjólkurkúm fjölgaði aðeins,
en í öðrum greinum var nokkur aukning frá fyrra ári. A
þurrkasumri 1982 varð eftirtekja takmörkuð, en hey
reyndust næringarauðug. Eftirfarandi tölur sýna búfjár-
fjölda á fóðrum við árslok.
1981 1982
Nautgripir............................... 60 366 64 435
Þarafkýr ............................. 32 769 32 845
Sauðfé samtals ......................... 794 644 747 701
Hross.................................... 52 999 53 650
Svín ..................................... 1 494 1 923
Hænsni samtals ......................... 270 695 292 621
Til viðbótar því, sem taflan greinir, ber að geta þess, að
geitur á fóðrum voru 245, og einnig er rétt og sjálfsagt að
nefna loðdýrin, sem nú er lögð sérleg rækt við, en þau voru
um 6000 refir og 8420 minkar samkvæmt talningu loðdýra-
ræktarráðunautar.
Sundurliðað yfirlit yfir fjölda búfjár í hinum ýmsu sýslum
og landshlutum geta áhugaaðilar annars lesið í Hagtíðind-
um, aprílhefti 1982, en samstarf um þessi hagfræðiatriði
hefur um tvo tugi ára verið mjög náið milli Búnaðarfélags
Islands og Hagstofu íslands og oftast hefur Freyr einnig birt
þá sundurliðun árlega.