Búnaðarrit - 01.01.1984, Page 176
148
BÚNAÐARRIT
efnagreininganna reiknast mér til að næringagildi heyfengs-
ins 1982 hafi numið 187,4 milljónum F.E. Til viðbótar
komu svo um 8,8 milljónir F.E. í grasmjöli og kögglum.
Samtals hefur þá eftirtekja til vetrarfóðurs af þessu tagi
numið um 196 milljónum F.E. Er það nokkru meira en árið
áður, en þá metið um 185 milljónir F.E.
Öllum er ljóst, að árferðið mótar að verulegu leyti
eftirtekju bóndans. Sveiflur í eftirtekju milli ára eru því
afleiðingar mismunandi veðurfars, stundum að mestu leyti.
Eftirtekjan árið 1982 getur ekki talist hafa verið í meðal-
lagi.
Landið, nýting þess og eftirtekja, búféð, meðferð þess og
afurðasemi, þessir tveir þættir samofnir eru meginstoðir í
hagsýslu íslenska bóndans. Hagrænar athafnir hans í allri
búsýslu koma til viðbótar. Þessir þrír þættir móta svo
afkomu búskaparins. Hagsýni bóndans snýst um þessi atriði
og arðurinn er árangur hennar.
Talning búfjár og birgða er því höfuðnauðsyn til þess að
þekkja forsendur nauðsynlegra athafna. Þessi atriði eru
meðal þeirra áhugaverðustu, sem ég hef sinnt um tvo
áratugi. Nú taka aðrir við starfinu.
Grænlenskir fjárræktarnemar
Grænlensku fjárræktarnemarnir, sem hingað komu haustið
1982, er síðasti hópur þeirra, er ég hef veitt fyrirgreiðslu og
verið tengiliður milli Tilraunastöðvarinnar í Upernaviars-
suq og aðila þeirra, sem hafa þá hér í verklegu námi. Föst
hlutverk í þessum efnum hef ég annast um 14 ára skeið, en
áður voru hér nokkrir án kerfaðra fyrirætlana af hálfu
Grænlendinga. Dvölin hér á landi, á nefndu skeiði, er
þáttur í skipulögðu námi grænlenskra ungmenna og hafa á
nefndu tímabili komið hingað til ársdvalar milli 40 og 50
piltar, með fyrirgreiðslu Búnaðarfélags íslands. Auk þess
hef ég á ýmsum tímum nefnds tímabils aðstoðað grænlenska