Búnaðarrit - 01.01.1984, Page 246
218
BÚNAÐARRIT
Mál nr. 15
Frumvarp til laga um land í þjóðareign, 61. mál 106.
löggjafarþings.
Málið afgreitt með eftirfarandi ályktun, sem samþykkt var
með 24 samhljóða atkvæðum:
Búnaðarþing hefur kynnt sér Frumvarp til laga um land í
þjóðareign, 61. mál Alþingis, 106. löggjafarþings. Búnaðar-
þing hefur ætíð mótmælt þeim sjónarmiðum, sem liggja að
baki þessa frumvarps.
Eignaupptaka án bóta og málatilbúnaður, sem frumvarp-
ið mælir fyrir um, samrýmist ekki almennri siðgæðis- og
réttarfarsvitund íslendinga. Með hliðsjón af landvernd og
landnýtingu verður heldur ekki séð, að eignarhald ríkisins
og umsjá fjármálaráðherra með landinu tryggi á nokkurn
hátt betri meðferð og varðveizlu landsins en nú er. Heldur
Iúta að því öllu rök, að eignarhald og varðveisla landsins, í
bráð og lengd, sé bezt komin hjá þeim, sem landið nytja og
byggja afkomu sína á, að landið rýrni hvorki né spillist.
Því leggur Búnaðarþing til, að frumvarpið verði fellt.
Greinargerð:
Frumvarpið gerir ráð fyrir, að þau landsvæði, sem
eignarheimildir lögaðila finnast ekki fyrir, skuli teljast
þjóðareign og falli undir umsjá og eftirlit fjármálaráðu-
neytis.
Jafnframt skal fjármálaráðuneytið láta kanna eignarrétt
á öllu landi og landgæðum utan heimalanda lögbýla, og skal
því verki lokið að fullu 1995.
Þar, sem óvissa þætti ríkja um eignarrétt á landi eða
landgæðum, skal ráðuneytið leita úrskurðar dómstóla um
eignarréttinn. Ekki er gert ráð fyrir, að bætur komi fyrir
eignatöku. Hér er um að ræða lönd einstakra jarða og
afréttir sveitarfélaga. Ásælni í þessa átt er ekki ný, og áður
hafa komið fram á Alþingi hugmyndir, sem gengið hafa