Búnaðarrit - 01.01.1984, Page 305
Landbúnaðurinn 1983
Árferði. Árið 1983 var landbúnaðinum mjög erfitt. Vetur-
inn var langur og vorharðindi mikil. Óþurrkar voru lengi
sumars um mikinn hluta landsins og kuldar miklir, svo að
illa spratt bæði tún, grænfóður og grænmeti. Verst urðu þó
kartöfluræktendur úti, þar sem heita mátti að alger upp-
skerubrestur yrði um sunnanvert landið.
Árið var með köldustu árum aldarinnar í Reykjavík,
jafnkalt og 1981. Aðeins árið 1979 var kaldara. Meðalhit-
inn varð nú 3,4°C (sami og 1981), en 1979 var hann aðeins
2,9°C. Þetta ár var hitinn 1,6°C undir meðallagi áranna
1931 — ’60 og 1,1° undir meðallagi áranna 1961—1981.
Á Akureyri varð árshitinn 2,8°C, sem er 1,1° kaldara en
meðaltalið 1931 — ’60 og 0,4° kaldara en meðaltalið 1961—
1981. Þar hefur oft orðið kaldara á öldinni bæði fyrir 1920
og eftir 1965.
Þó árið í heild væri þannig mjög kalt, munar þó enn
meiru á sumarhitanum hér um sunnanvert landið. Meðal-
hiti sumarmánaðanna júní, júlí og ágúst var aðeins 8,2° í
Reykjavík og hefur hann ekki orðið svo lágur síðan 1886 og
sólskinsstundir þessa mánuði urðu aðeins 278 og er það 50
stundum minna sólskin sumarmánuðina en nokkru sinni
hefur mælst og aðeins helntingur þess, sem er í meðalári.
Árið var í heild úrkomusamt þó ekki svo mjög umfram
meðaltal á sunnanverðu landinu eða aðeins 7% í Reykjavík
en 37% á Akureyri. Enn má lýsa árinu með því, að hiti var
undir meðallagi alla mánuði ársins nema febrúar á öllum
veðurathugunarstöðum á landinu.
Árið byrjaði með illviðrum, frosti og snjókomu, svo að
mikla ófærð gerði víða um landið. Asahláku gerði um 20.