Heilbrigðismál - 01.06.1981, Side 4

Þrítugsafmœli
Krabbameinsfélagsins
Hinn 27. júní árið 1951 komu sjö fulltrúar þriggja
krabbameinsfélaga saman til fundar í húsi Rann-
sóknastofu Háskólans. Þar var Krabbameinsfélag ís-
lands stofnað.
Fyrstu árin voru verkefnin þess eðlis að ekki var þörf
á launuðu starfsfólki en umsvifin hafa stöðugt aukist
og nú eru tugir manna á launaskrá í störfum sem jafn-
gilda meira en tuttugu heils dags stöðum.
Þess vegna er eðlilegt að stjórnendur félagsins hafi
velt því fyrir sér í alvöru hvort réttmætt væri að slíkt
áhugamannafélag hefði mikinn rekstur með höndum.
1 vor hafa þessi mál verið rædd á nokkrum fundum
með fulltrúum aðila frá ríki og borg. Niðurstaðan
hefur orðið afdráttarlaus: Öll starfsemi Krabbameins-
félagsins hefur sannað gildi sitt, aðrir aðilar eru ekki
tilbúnir að taka við henni og því verður að gera félaginu
kleift fjárhagslega að sinna þessum verkefnum áfram.
Sú staðfesting sem þannig hefur fengist á stefnu
stjórnar félagsins undanfarin ár er mikilvæg nú þegar
horft er til framtíðarinnar. Á hátíðarfundi í tilefni af
þrítugsafmælinu kom fram að stefnt er að stóraukn-
ingu á leitarstarfinu jafnframt því sem aðrir þættir eru í
örum vexti. En núverandi húsnæði setur starfseminni
takmörk. Nú hefur félagið fengið lóð í nýja miðbænum
í Reykjavík og er stefnt að því að hefja framkvæmdir af
fullum krafti næsta vor. En að sjálfsögðu er bygginga-
hraðinn háður fjárhagsstuðningi stjórnvalda og alls
almennings.
Núverandi aðsetur Krahhameinsfélagsins er í fógru um-
hverfi við Suðurgötuna í Reykjavík.
Minni tóbakssala
Samkvæmt tölum um sölu á tóbaki hér á landi síð-
ustu tvo áratugi sést að meðalsala á hvern íbúa 15 ára
og eldri hefur verið 2557 g árlega 1961—65, jókst síðan
um 9,0% í 2787 g árin 1966—70, jókst enn um 5,8% í
2948 g árin 1971—75 en minnkaði um 2,1% í 2887 g
síðustu fimm ár (1976—80). Eflaust má þakka þetta
þeirri baráttu sem undanfarin ár hefur verið háð gegn
reykingum, en betur má ef duga skal.
Fagna ber því að í haust verður lagt fram á Alþingi
frumvarp til laga um tóbaksvarnir. Er þess að vænta að
með samþykkt þess verði mörkuð ný og afdráttarlaus-
ari stefna í þessum málum.
Víðtœk heilbrígðisfrœðsla
Fréttabréf um heilbrigðismál er komið í röð út-
breiddustu tímarita hér á landi. Samkvæmt fjölmiðla-
könnun sem Hagvangur gerði fyrir Samband íslenskra
auglýsingastofa er þetta tímarit hið níunda mest lesna.
Um 16% þeirra sem svöruðu sögðust lesa Fréttabréf um
heilbrigðismál reglulega. Könnunin var gerð í febrúar
og mars 1981 en í fyrri könnun þessara aðila, í október
1978, varð þetta tímarit í 13, —15. sæti.
Þessi breyting er í fullu samræmi við fjölgun áskrif-
enda Fréttabréfs um heilbrigðismál. Árið 1976 voru þeir
3600 en eru nú 5200, og auk þess er önnur dreifing
allmikil þannig að lítið er eftir af sjö þúsund ein-
tökunum sem prentuð eru. Allt bendir til að það form
sem hefur verið á útgáfunni síðustu fjögur til fimm árin
falli lesendum vel í geð. En þrátt fyrir það að sjötti hver
landsmaður lesi þetta blað nú, þá setjum við markið
hærra og reynum að ná því í áföngum. Þannig
þjónum við best tilganginum með útgáfunni, sem er að
fræða sem flesta um heilbrigðismál, þar á meðal um
krabbamein.

4 Fréttabréf um HEILBRIGÐISMAL 2/1981