Heilbrigðismál - 01.06.1981, Síða 11

Teikning: Teikmstofa
IMeð nýjum löf’um um fram-
kvœmdasjóÖ aldraöra veróur sluölað
að bygf’ingu dvalarheimila, hjúkrun-
arheimila, sjúkradeilda og ihúöa
fyrir aldraóa. Þessi teikning sýnir
útlit Hrafnistu DAS í Hafnarfiröi.
Þar er risið vistheimili aldraðra meó
íbúöum fyrir 84 og í byggingu er
hjúkrunarlieimili með rými fyrir 75
vistmenn. Ekki hefur verió tekin
úkvöröun um þriója áfangann. Á
Hrafnistu í Reykjavík eru 407
manns.
slys á mönnum vegna þessa og
dæmi eru um dauða húsdýra sem
sleikt hafa fúavarið hús.
BYGGINGAR ALDRAÐRA.
Lög um framkvœmdasjóð aldraðra,
nr. 49/1981. f mars var lagt fram
stjórnarfrumvarp um heilbrigðis-
og vistunarþjónustu fyrir aldraða.
Ekki náðist samstaða um afgreiðslu
þessa viðamikla frumvarps, en
nauðsyn aðgerða þótti mjög brýn.
Var því sá kafli laganna sem fjall-
aði um framkvæmdasjóð aldraðra
afgreiddur sérstaklega og sam-
þykktur sem lög. Skal setja á stofn
sérstakan sjóð til að stuðla að
byggingu húsnæðis og dvalarstofn-
ana fyrir aldraða og skal hann heita
framkvæmdasjóður aldraðra.
Tekjur sjóðsins skulu vera sérstakt
gjald sem lagt verður á alla skatt-
skylda menn. Skal gjaldið nema
100 nýkr. á hvern mann, en þó
skulu börn innan 16 ára aldurs vera
undanþegin gjaldinu og þeim sem
hafa tekjuskattsstofn undir 250.000
gömlum krónum. Auk þess skal
ríkissjóður leggja fram ákveðna
fjárhæð á fjárlögum hverju sinni.
Dvalarstofnanir eru samkvæmt
þessum lögum:
a) Hjúkrunarheimili til langdvalar
og/eða dagvistar fyrir aldraða.
b) Sjúkradcild með aðstöðu fyrir
öldrunarlækningar og göngudeildir
sem eru hannaðar á hliðstæðan
hátt og almennar sjúkradeildir.
c) íbúðir, sérhannaðar fyrir þarfir
aldraðra, byggðar á félagslegum
grundvelli.
d) Dvalarheimili aldraðra með
íbúðarherbergjum og snyrtingu
ásamt aðstöðu fyrir tómstunda- og
félagsstarfsemi fyrir vistmenn.
Ráðherra skipar þrjá menn í stjórn
sjóðsins til fjögurra ára í senn og
skal einn tilnefndur af öldrunar-
fræðafélagi íslands, einn af félags-
málaráðuneytinu (eftir tilnefningu
Sambands íslenskra sveitarfélaga)
og einn frá heilbrigðis- og trygg-
ingamálaráðuneytinu. Hlutverk
sjóðsins er að fjármagna byggingar
rikisins vegna stofnana fyrir aldr-
aða (sbr. a) og b) liði) og veita
sveitarfélögum og öðrum framlög
til að kaupa eða byggja húsnæði
fyrir aldraða (skv. c) og d) liðum).
Er þess vænst að með stofnun þessa
sjóðs verði hægt að bæta úr heil-
brigðis- og vistunarþjónustu fyrir
aldraða, að svo miklu leyti sem slíkt
er bundið byggingarframkvæmd-
um.
AÐSTOÐARLÆKNAR. Eitt
þingmannafrumvarp var samþykkt
á nýafstöðnu alþingi. Það eru lög
um breyting á lögum um heil-
brigðisþjónustu, nr. 57/1978, nr.
42/1981, en þau fjalla um að
heimilt sé að ráða aðstoðarlækni að
heilsugæslustöð H1 hluta úr ári.
Samkvæmt áður gildandi laga-
ákvæðum átti aðeins einn læknir að
starfa við H 1 stöð.
LYFJADREIFING. Auk þeirra
laga sem hér hafa verið nefnd skal
þess getið að í apríl var lagt fram
frumvarp til laga um lyfjadreif-
ingu, en það náði ekki fram að
ganga. Um var að ræða frumvarp
sem fjallar um alla lyfjadreifingu
og var því ætlað að koma í stað
þeirra ákvæða sem enn eru 1 gildi af
lyfsölulögunum frá 1963.
BÍLBELTI. Hér má einnig nefna
lög um breyting á umferðarlögum,
nr. 40/1968, sbr. lög nr. 55/1970 og
lög nr. 30/1977, nr. 55/1981. Þau
kveða á um skyldunotkun öryggis-
belta í bifreiðum frá og með 1.
október næstkomandi. Þessi lög
voru sett að tilstuðlan dóms- og
kirkjumálaráðherra.
ÞINGSÁLYKTANIR. Af 47
þingsályktunartillögum sem sam-
þykktar voru á Alþingi má nefna
þrjár:
1. Þingsályktun um mörkun opin-
berrar stefnu í áfengismálum.
2. Þingsályktun um geðheil-
brigðismál, skipulag og úrbætur.
3. Þingsályktun um eflingu inn-
lends lyfjaiðnaðar.
Er nú að hefjast undirbúningsvinna
í ráðuneytinu 1 kjölfar ofan-
greindra tillagna.
Ingimar Sigurðsson er deildarlög-
frœðingur í heilbrígðis- og trygginga-
málaráðuneytinu.
Fróttabrél um HEILBRIGÐISMÁL 2/1981 11