Samtíðin - 01.02.1953, Qupperneq 19

SAMTÍÐIN
15
urt skeið. Skólinn hóf starf eftir
sænskri fyrirmynd, en mörg erlend
samvinnufélög reka bréfaskóla, sum í
samvinnu við önnur almannasam-
tök“, segir skólastjóri.
„Á hvaða námsgreinum byrjaði
Bréfaskóli S. 1. S.?“
„Byrjað var að kenna bókfærslu,
ensku, fundarstjórn og skipulag sam-
vinnufélaga“.
„Er það ekki aðallega fólk í dreif-
býlinu, sem nytfærir sér fræðsl-
una ?“
„Miðað við fólksfjölda eru að
sjálfsögðu flestir nemendur okkar i
dreifbýli, en að tölunni til eru þeir
flestir í Reykjavík. Annars eigum við
nemendur í öllum byggðarlögum
landsins og áberandi marga á Vest-
fjörðum, Suðurlandsundirlendinu og
í Vestmannaeyjum“.
„Á hvaða aldri eru nemendurnir
yfirleitt?“
„Meiri bluti þeirra er á aldrinum
15—30 ára, en annars eru þeir á
öllum aldri að heita má. Árið 1951
var t. d. yngsti nemandi skólans 11
ára, en sá elzti 73 ára, og lagði hann
stund á ensku. Nemendurnir eru úr
þvi nær öllum stéttum og starfs-
greinum þjóðfélagsins, en athyglis-
vert má þykja, að 78% þeirra er
fólk, sem vinnur líkamlega erfið-
isvinnu“,-
„Gefast margir upp við námið?“
„Nokkrir heltast alltaf úr lestinni,
eins og gengur, áður en þeir hafa
lokið þeim námsgreinum, sem þeir
hafa innritazt í, en gleðilega margir
ljúka meiri hluta námsefnis sins eða
öllu því, sem tilskilið er“.
„Mér skilst, að bréfaskólar séu
einkum við hæfi skynsamra nemenda
og áhugasamra“.
„Það er alveg rétt, að þeir eru
fyrst og fremst við hæfi þess fólks,
sem vill og getur lært. Eins og við
vitum báðir, er þess háttar fólk engu
síður að finna meðal þeirra, sem
erfiðisvinnu stunda en hinna, sem
setið hafa á bekkjum langskólanna.
Verkefnin krefjast nokkurs hæfileika
til sjálfstæðra íhugana og eru þá jafn-
framt vænleg til aukins þroska. Það,
sem liefur veitt mér alveg sérstaka
ánægju í starfi mínu hér, er, að ég lief
oft fengið sannanir fyrir því, að
margt fólk, sem stendur höllum fæti
varðandi möguleika til að afla sér
skólanáms, metur starf bréfaskólans
mikils.“
„Og þátttakan í náminu hefur farið
vaxandi?“
„Hún hefur margfaldazt á þessum
12 árum, sem skólinn hefur starfað.
Fyrsta árið voru nemendurnir 140, en
árið 1951 höfðum við 960 nýja nem-
endur. Samtals hafa stundað hér
nám, miðað við síðustu áramót, um
6000 nemendur.“
Að svo mæltu sýndi skólastjóri mér
spjaldskrána yfir nemendur skólans
og einnig allmikið af námsefni hans.
Nemendum, sem óska að öðlast hér
fræðslu, eru send prentuð eða fjöl-
í’ituð fræðslubréf með mörgum æf-
ingum, sem finna má svör við í bréf-
unum. En aftast í hverju bréfi er
verkefni, sem ætlazt er til, að nem-
andinn leysi og sendi skólanum síðan
úrlausnina. Kemur skólinn henni til
viðeigandi kennara, er gerir við hana
athugasemdir, ef þurfa þykir, og er
hún siðan endursend nemandanum.