Fréttablaðið - 12.01.2010, Qupperneq 6
6 12. janúar 2010 ÞRIÐJUDAGUR
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Helstu námsgreinar:
» Sölukerfi - 18 stundir
» Launakerfi - 24 stundir
» Fyrningar - 12 stundir
» Lán - 18 stundir
» Skattskil - 24 stundir
» Afstemmingar og lokafærslur - 18 stundir
» Gerð ársreikninga - 30 stundir
» Lokaverkefni - 24 stundir
BÓKARANÁM
FRAMHALD
68 stundir - Verð: 198.000.-
Kvöldnámskeið 8. feb. - 17. maí.
Morgunnámskeið 8. feb. - 17. maí.
Frábært námskeið fyrir alla sem hafa
almenna þekkingu á bókhaldi.
Að loknu námskeiðinu eiga nemendur að vera færir að
sjá um viðskiptamannakerfi, launakerfi og vera færir um
að framkvæma einföld uppgjör á bókhaldi ásamt öllum
þeim afstemmingum og lokafærslum sem þarf fyrir skil til
endurskoðanda.
Upplýsingar og skráning: 544 4500 / www.ntv.is
DÓMSMÁL Lokadagur málflutnings
í forræðisdeilu Borghildar Guð-
mundsdóttur við fyrrverandi eig-
inmann sinn verður á fimmtudag.
„Ég veit eiginlega ekki hvern-
ig mér á að líða, ég er stressuð
en þetta lítur ágætlega út fyrir
okkur,“ segir Borghildur sem
hefur dvalið ásamt sonum sínum
tveimur, fimm og tíu ára, í Kent-
ucky síðan í ágúst. Þá var henni
gert með dómsúrskurði Hæsta-
réttar að fara til Bandaríkjanna og
afhenda föðurnum drengina. Síðan
þá hefur dómari í Kentucky hafn-
að beiðni hans um bráðabirgða-
forræði tvisvar. Eftir málflutn-
ing á fimmtudag gæti biðin eftir
úrskurði í deilunni verið á bilinu
fjórar vikur til þrír mánuðir að
sögn Borghildar.
Borghildur segir málið hafa
tekið mikið á sig en hún vinnur nú
að bók um forræðisdeiluna sem
hún vonar að sjálfsögðu að endi
með því að hún fái forræðið yfir
drengjunum og það fyrr en síðar.
„Ég hef dvalarleyfi út febrúar og
þarf að skilja þá eftir í Bandaríkj-
unum verði ekki búið að kveða
upp úrskurð í málinu,“ segir Borg-
hildur sem er þakklát fyrir þann
stuðning sem Íslendingar hafa
sýnt hennar baráttu. „Krónan er
bara svo lítils virði að það þarf að
hafa mikið fyrir hverjum dollar,“
segir Borghildur sem vantar enn
5.000 dollara til að greiða reikning
lögfræðings síns í Bandaríkjunum.
- sbt
Málflutningur í forræðisdeilu íslenskrar konu í Bandaríkjunum á fimmtudag:
Skrifar bók um forræðisdeiluna
BORGHILDUR GUÐMUNDSDÓTTIR Hún
hefur dvalarleyfi fram í febrúar.
EFNAHAGSMÁL Óvissa vegna Icesave kemur í veg
fyrir að Seðlabankinn lækki vexti á næsta vaxta-
ákvörðunardegi 27. janúar og tefur vaxtalækkunar-
ferli bankans. Þetta kemur fram í nýju áliti Grein-
ingar Íslandsbanka.
Í umfjöllun greiningar kemur engu síður fram að
uppfyllt hafi verið þau skilyrði sem peningastefnu-
nefnd Seðlabankans nefndi við síðustu vaxtaákvörð-
un sem forsendur frekari slökunar á peningalegu
aðhaldi. Bent er á að gengi krónunnar hafi aðeins
styrkst og verðbólga hjaðnað.
Greining Íslandsbanka segir um leið að
ákvörðun forsetans um að vísa Icesave-lög-
unum í þjóðaratkvæðagreiðslu hafi aukið
áhættuálag á íslenskar fjáreignir. „Einnig
hefur lánshæfiseinkunn íslenska
ríkisins verið lækkuð í kjölfar
ákvörðunar forsetans. Þá
hefur ákvörð-
unin skapað óvissu um framvindu efnahagsáætlun-
ar íslenskra stjórnvalda og Alþjóðagjaldeyrissjóðs-
ins [AGS] og mun væntanlega fresta lánum frá AGS
og Norðurlöndunum, en þau voru ætluð til að byggja
upp gjaldeyrisforða Seðlabankans.“
„Ef lögin verða samþykkt reiknum við með því
að veðlánsvextir bankans til sjö daga verði komn-
ir í 7,0 prósent í lok árs og innlánsvextir í 6,0 pró-
sent,“ segir í greiningunni, en synj-
un er sögð geta leitt til þess að
vextir yrðu talsvert hærri í lok
árs, tveimur prósentum hið
minnsta. Þá kynnu vextir
líka að hækka.
- óká
Telja vexti Seðlabankans ekki lækka þrátt fyrir að skilyrði hafi verið uppfyllt:
Icesave-óvissa tefur vaxtalækkun
SEÐLABANKI ÍSLANDS
Upplýst verður um næstu
vaxtaákvörðun peninga-
stefnunefndar Seðlabank-
ans 27. janúar. Þá koma
einnig út Peningamál,
efnahagsrit bankans.
FRÉTTABLAÐIÐ/TEITUR
UMHVERFISMÁL Skógrækt Reykja-
víkur í samstarfi við Gámaþjón-
ustuna býður nú Reykvíkingum
að sækja til þeirra gömul jólatré
fyrir 800 krónur stykkið, og gróð-
ursetja eitt tré í Heiðmörk fyrir
hvert tré sem þannig safnast.
Fyrir höfðu íþróttafélög á höf-
uðborgarsvæðinu tilkynnt að þau
muni taka að sér að safna trján-
um saman fyrir 1.000 krónur
stykkið í fjáröflunarskyni.
Þessi óvenjulega samkeppni
kemur í kjölfar þess að Reykja-
víkurborg ákvað að safna ekki
saman jólatrjám borgarbúa þetta
árið í sparnaðarskyni. Ókeypis er
að henda trjánum hjá Sorpu. - bj
Samkeppni um jólatrén:
Íþróttafélög og
skógrækt keppa
KÍNA, AP Eftir áratug verða líklega
meira en 24 milljónir kínverskra
karlmanna á giftingaraldri kven-
mannslausir. Þessu spáir kín-
verska félagsvísindaakademían, að
því er fram kemur í fréttatilkynn-
ingu sem meðal annars breska rík-
isútvarpið BBC skýrir frá á vefsíð-
um sínum.
Samkvæmt nýrri skýrslu, sem
akademían hefur sent frá sér,
fæðast 119 drengir fyrir hverjar
100 stúlkur, sem fæðast í Kína.
Ástæðu þessa má ekki síst rekja til
einbirnisstefnunnar, sem kínversk
stjórnvöld tóku upp árið 1978.
Samkvæmt þeirri stefnu mega
foreldrar ekki eignast nema eitt
barn um ævina, þótt undantekn-
ingar séu leyfðar. Til dæmis mega
foreldrar í sumum sveitahéröðum
eignast annað barn ef fyrsta barn
þeirra er stúlka.
Í stærstu borgum landsins vega
hins vegar fóstureyðingar þungt
til að skekkja kynjahlutfallið, sem
veldur því að drengir eru töluvert
fleiri en stúlkur.
Löng hefð er fyrir því að for-
eldrar í Kína vilja frekar eignast
drengi en stúlkur, þannig að þegar
aðeins eitt barn er í boði verð-
ur fóstureyðing álitlegur kostur í
huga verðandi foreldra.
Í skýrslu félagsvísindaakademí-
unnar segir að kynjahlutföllin séu
breytileg eftir landshlutum. Sums
staðar fæðist 130 drengir fyrir
hverjar 100 stúlkur.
„Vandinn er alvarlegri í sveit-
um þar sem tryggingakerfi vantar.
Aldraðir bændur verða að reiða sig
á afkomendur sína,“ er haft eftir
Wang Guangzhou í Dagblaði alþýð-
unnar, málgagni kínversku stjórn-
arinnar. Wang er einn þeirra sem
unnu að gerð skýrslunnar.
Kynjahlutföllin hafa jafnt og
þétt snúist drengjum í óhag allt
frá 1982, þegar 108 drengir fædd-
ust fyrir hverjar 100 stúlkur. Árið
1990 var hlutfallið komið upp í 111,
árið 2000 í 116 og 2005 í 119, en
nýrri tölur eru ekki tilbúnar.
Afleiðingarnar eru sagðar marg-
víslegar, meðal annars þær að
tekjulægri karlar munu eiga erf-
iðara með að finna sér konur en
tekjuhærri karlar auk þess sem
karlar muni í auknum mæli kvæn-
ast sér eldri konum.
Í fátækari sveitum verði karlar
að sætta sig við að kvænast seint
á ævinni eða vera einhleypir til
æviloka.
„Líkurnar á því að kvænast í
sveitunum verða litlar ef menn
eru komnir yfir fertugt. Þeir verða
háðari almannatryggingum og
geta síður treyst á fjölskylduna,“
segir Wang.
gudsteinn@frettabladid.is
Einhleypum körlum
fjölgar hratt í Kína
Einbirnisstefna kínverskra stjórnvalda veldur því að kynjahlutföllin í landinu
skekkjast. Eftir tíu ár verða karlar í landinu 24 milljónum fleiri en konur. Æ
fleiri þurfa því að vera einhleypir til æviloka, einkum fátækir karlar til sveita.
DRENGIR Í KÍNA Löng hefð er fyrir því að foreldrar í Kína kjósa frekar að eignast
drengi en stúlkur, með afleiðingum sem koma drengjunum í koll. NORDICPHOTOS/AFP
KJÖRKASSINN
Telur þú þig þekkja Icesave-
málið nægilega vel?
Já 35,6
Nei 64,4
SPURNING DAGSINS Í DAG
Telur þú að stjórn og stjórnar-
andstaða nái saman í Icesave-
málinu?
Segðu þína skoðun á visir.is