Fréttablaðið - 12.01.2010, Blaðsíða 20
12. JANÚAR 2010 ÞRIÐJUDAGUR2 ● fréttablaðið ● skólar og námskeið
Þrátt fyrir nafnið hefur félagið
Geirfugl komið mörgum á
flug um loftin blá á litlum en
öruggum vélum því það rekur
bæði klúbb og skóla eins og
formaðurinn Matthías Svein-
björnsson kann að lýsa.
„Markmið Geirfugls er að efla
einkaflug á Íslandi. Þegar skól-
inn var stofnaður árið 1997 fannst
okkur sem einkaflugmenn væru
að deyja út eins og geirfuglinn því
aðgengi að flugnámi og vélum var
svo dýrt. Frá því skólinn var settur
á laggirnar árið 1999 hafa vel
á þriðja hundrað manns farið
gegnum hann,“ segir Matthí-
as og nefnir að sérstök áhersla
sé lögð á nám sem henti þeim
sem fljúgi sér til skemmtun-
ar með vini og vandamenn án
greiðslu. „Við erum stolt af að hafa
getað látið drauminn um flug ræt-
ast hjá svo mörgum, ýmsir sem
byrjuðu að læra hjá okkur hafa
síðan farið út í atvinnuflugmanna-
nám í öðrum skólum og fljúga far-
þegaþotum í dag,“ lýsir hann.
Matthías segir Geirfugl í eigu
175 félagsmanna sem eigi átta
flugvélar, þar með taldar tvær
nýlegar Diamond-kennsluvélar.
„Margir hafa gengið í klúbbinn
til að eignast hlutdeild í vélunum
og læra á þær með mun ódýrari
hætti en annars því um kvartmillj-
ón krónum munar á náminu eftir
því hvort nemendur eru innan fé-
lags eða utan.“
Bak við einkaflugmannspróf
eru að lágmarki 45 tímar að sögn
Matthíasar. „Í fyrstu er flogið
með kennara og eftir um 20 tíma
fá menn svokallað sólópróf.
Þá flýgur nemandinn einn
eftir leiðsögn kennara og
eftir það er námið sam-
bland af sólóflugi og
flugi með kennara.
Ef fólk vill halda
áfram eftir einkaflugmannspróf
er blindflug næsta skref og Geir-
fugl er eini skólinn á landinu með
bóklegt námskeið í því.“
Auk þess sem að ofan greinir
er Geirfugl með upprifjunarnám-
skeið fyrir þá sem hafa einhvern
tíma lokið einkaflugmannsprófi
og vilja hressa upp á kunnáttuna.
„Þetta er helgarnámskeið í bókleg-
um fræðum. Síðan er farið í flug-
tíma með kennara og í framhaldi
af því í próf hjá Flugmálastjórn. Þá
er fólk búið að endurnýja réttind-
in. Ótrúlega margir einstaklingar
hafa lokið einkaflugmannsnámi
einhvern tíma en lent í húsbygg-
ingum, barneignum og öðru sem
hefur fengið forgang um tíma.
Þeir njóta þess margir að kom-
ast í loftið á ný,“ segir Matthías
og nefnir líka að boðið sé upp á
þjálfun á stélhjólsvél sem erfiðara
og jafnframt skemmti-
legra sé að lenda og taka
á loft á en nefhjólsvél-
um. Hann upplýsir að
um 20 kennarar séu á
skrá hjá félaginu og
af þeim séu fimm til tíu virk-
ir. „Það sem skólinn byggir á er
reynsla og þekking,“ segir hann.
„Við reynum að gæta þess að setja
ekki of marga nemendur á hvern
kennara þannig að allir fái per-
sónulega og vandaða kennslu og
nemendur geti komist í flug þegar
þá langar til.“
Næstu einkaflugmanns- og upp-
rifjunarnámskeið Geirfugls hefj-
ast í lok janúar en allar nánari
upplýsingar er að finna á heima-
síðunni www.geirfugl.is - gun
Flugdraumar rætast
Í þann mund sem ljósmyndarann bar að renndi ein kennsluvélin upp að Matthíasi með þá Albert Bjarna Úlfarsson flugkennara og
Guðmund Halldór Atlason nema. FRÉTTABLAÐIÐ/STEFÁN
Stélhjólsvélin sem Matthías kallar gælu-
dýr Geirfugls. MYND/BALDUR SVEINSSON
Í mörgu er að snúast hjá Guðríði Maríu Jóhannesdótt-
ur sem hefur tekið að sér rekstur veitingasölunnar
í hinu nýja húsnæði Háskólans í Reykjavík í sunn-
anverðri Öskjuhlíðinni, ásamt nýjum veitingastað á
sömu slóðum sem ber hið gamalkunna nafn Naut-
hóll.
Guðríður María var nýbúin að afgreiða 1.000 manns
með kakó og kleinur í HR þegar haft var samband við
hana í gærmorgun og fyrsti hádegisverðurinn var að
verða tilbúinn. „Hér verða sæti fyrir 300 manns sem
einkum eru ætluð nemendum og starfsfólki skólans,“
segir hún en viðurkennir að enn vanti stóran skenk
til að afgreiða við,“ segir hún.
Mikið mæðir á kokknum en þar hefur Guðríður
María vanan mann, bróður sinn Jón Örn Jóhannes-
son matreiðslumeistara. Þau systkinin eiga ekki langt
að sækja áhugann á veitingarekstri því faðir þeirra er
Jóhannes Stefánsson, matreiðslumeistari í Múlakaffi,
sem tók við keflinu þar úr hendi föður síns, Stefáns
Ólafssonar matreiðslumeistara.
Nauthóll er bístróstaður sem tekur 50 manns í sæti
og verður opnaður um miðja vikuna. Hann stendur á
sama stað og gamli Nauthóll á sínum tíma, við göngu-
stíginn meðfram Fossvoginum. Þar eldar Eyþór Rún-
arsson sem áður var yfirkokkur hjá Sigga Hall og
leggur áherslu á ferskleika og gott bragð. - gun
Með matsölu í HR og nýjan Nauthól
Guðríður María fyrir utan Nauthól ásamt föður sínum, Jóhann-
esi Stefánssyni, matreiðslumeistara í Múlakaffi. FRÉTTABLAÐIÐ/GVA
Búvísindi, hestafræði og umhverf-
isskipulag eru meðal greina sem
kenndar eru til BS, meistara- og
doktorsprófs við Landbúnaðarhá-
skóla Íslands. Þar er líka starfs-
menntanám í blómaskreytingum,
búfræði, skrúðgarðyrkju og fleiri
fræðum.
Einn af nemendum í skrúðgarð-
yrkju er Kópavogsbúinn Guðmund-
ur Vignir Þórðarson. Hann byrjaði
haustið 2008 og er í fjarnámi við
skólann en rekur líka eigið fyr-
irtæki sem nefnist Allraverk og
hefur haslað sér völl síðustu ár í
hellulögnum og lóðavinnu. „Aðal-
ástæða þess að ég fór í þetta nám
var að ég vildi fræðast um garða-
gróður og gjarnan fá það sem
menn kalla græna fingur,“ segir
hann og kemur með játningu. „Ég
kannski hellulagði bílaplan og var
spurður hvort sniðugt væri að vera
með beð þar við hliðina og hvaða
plöntur ættu þá heima þar, ég hafði
bara ekki hugmynd um það.“
Guðmundur segir námið hafa
nýst sér alveg frá byrjun og lýsir
fyrirkomulaginu aðeins. „Þetta eru
fjórar annir í skóla og 17 mánuðir í
dagbókarskyldri vinnu sem þýðir
að allt er skráð, bæði verkefni og
veðurfar og verklýsingarnar þurfa
að vera það greinilegar að aðrir
geti unnið eftir þeim.“ Hann segir
hentugt að vera í svona námi á vet-
urna því þá er rólegasti tíminn í
garðvinnunni. Kennslan er mjög
góð og fróðleg og ég er í skemmti-
legum hópi,“ segir hann. „Svo er
gaman að læra um það sem maður
hefur áhuga á, nýtist eigin fyrir-
tæki og þeim sem maður vinnur
fyrir.“ - gun
Vildi fá græna fingur
Guðmundur Vignir segir hentugt að
vera í skrúðyrkjunámi á veturna því þá
sé rólegasti tíminn í garðvinnunni.
FRÉTTABLAÐIÐ/GVA
● AÐ FESTA NÁMSEFNIÐ Í MINNI Ekki er nóg að lesa, maður
verður að muna líka. Þetta eru algeng mistök margra nemenda sem
beita vitlausri tækni við námið. Ýmsar aðferðir geta hjálpað til að festa at-
riði í minninu og sumar þeirra má líka nota við upprifjun.
● Tengja það sem þú lærir við eitthvað sem þú þekkir eða hefur lært
● Gefa þér tíma til að íhuga nýjan lærdóm
● Ræða við aðra um það sem þú hefur lært
● Fá einhvern til að hlýða þér yfir
● Undirstrika mikilvæg atriði í námsbók
● Skrifa niður glósur úr námsefninu eða kennslustundum
● Nota verkefnablöð
● Nota spurningar og svör
● Skrifa útdrætti úr bókaköflum
● Teikna skýringarmyndir
● Gera minniskort
Heimild: Námsgagnastofnun