Fréttablaðið - 12.01.2010, Page 22
12. JANÚAR 2010 ÞRIÐJUDAGUR4 ● fréttablaðið ● skólar og námskeið
Opni háskólinn í Háskólanum
í Reykjavík sem og Endur-
menntun Háskóla Íslands
bjóða upp á námskeið og
námsbrautir fyrir fólk á öllum
aldri og á öllum skólastigum.
Í Opna háskólanum í HR og Endur-
menntun Háskóla Íslands er hægt
að stunda nám á háskólastigi ásamt
því að sækja einstaka námskeið sem
falla að áhuga- eða starfssviði hvers
og eins.
„Við viljum efla bæði einstakl-
inga og atvinnulíf og auka færni og
getu fólks til að takast á við ný verk-
efni. Við vinnum mikið með fyrir-
tækjum og stofnunum en bjóðum
líka upp á námsleiðir og námskeið
til ECTS-háskólaeininga. Eins erum
við með fjölda opinna námskeiða
jafnt fyrir fólk með háskólapróf
og aðra en við vorum til dæmis að
byrja með námskeið fyrir afburða-
íþróttafólk á aldrinum 14-18 ára,“
segir Guðrún Högnadóttir, fram-
kvæmdastjóri Opna háskólans í HR.
„Við speglum að miklu leyti deildir
háskólans þar sem meðal annars er
horft til íþróttanna og skoðað hvað
það er sem gerir til dæmis hand-
boltaliðið okkar, sundmennina og
skákmennina svona góða.“
Á síðasta ári sóttu um 7.600 nem-
endur 570 námskeið og viðburði í
Opna háskólanum. „Við erum sér-
staklega ánægð með það hvað fyr-
irtæki leggja mikla áherslu á að
rækta starfsfólkið sitt en á síðasta
ári vorum við að þjóna 90 fyrir-
tækjum með sérsniðnum lausnum.
Við komum inn í fyrirtækin, greind-
um þarfir og sérsniðum nám fyrir
stjórnendur og starfsmenn,“ segir
Guðrún og bendir á að fyrirtæki
sjái, þrátt fyrir árferðið, greini-
lega hag í því að fjárfesta í mennt-
un starfsmanna sinna og byggja upp
öfluga einstaklinga til að takast á
við áskoranir í nútíð og framtíð.
Í Opna háskólanum er fyrirlestr-
aformið víkjandi enda talið að aðrar
kennsluaðferðir séu vænlegri til ár-
angurs og er mikil áhersla lögð á
þátttöku nemenda, verkefnavinnu,
umræður, myndbönd og sjálfsmat.
Í ár verða fjölmörg spennandi nám-
skeið í boði að vanda og má meðal
annars nefna námskeið Viðars Hall-
dórssonar, lektors og íþróttasálfræð-
ings; Afburðir og afburðaárang-
ur en á því öðlast nemendur innsýn
inn í heim afburðafólks á ólíkum
sviðum. Eins námskeið Valdimars
Sigurðssonar forstöðumanns um
markaðssetningu í niðursveiflu og
breytta hegðun neytenda.
Hjá Endurmenntun Háskóla Ís-
lands er einnig að finna fjölmörg
námskeið og námsleiðir sem mörg
eru starfstengd eða tengd háskóla-
námi á ýmsum stigum. „Síðan erum
við með fjölbreytta flóru af stök-
um námskeiðum og hafa námskeið
í flokknum menning, sjálfsrækt og
tungumál verið sérstaklega vinsæl
að undanförnu enda virðist fólk í
auknum mæli leggja rækt við sjálft
sig og áhugamál sín,“ segir Thelma
Jónsdóttir, markaðs- og kynningar-
stjóri Endurmenntunar. Í flokkn-
um er að finna tæplega fimmtíu
námskeið á vorönn og þar eru bók-
menntanámskeið af ýmsu tagi áber-
andi. Má þar nefna Shakespeare,
Hemingway og Íslandsklukku-nám-
skeið ásamt Sturlungu-námskeiðinu
sívinsæla. „Þar sem vorið er á næsta
leiti verður síðan mikið um ferða-
tengd námskeið fyrir fólk sem ætlar
að ferðast innanlands sem utan en
líka fyrir hina sem vilja ferðast um
í huganum. Jón Björnsson hefur
haft umsjón með nokkrum slíkum
námskeiðum undandarin ár og að
þessu sinni fjallar hann um Istan-
bul og Tyrkland en auk þess verður
boðið upp á námskeið um Vestfirði
og Vatnajökul svo dæmi séu tekin.“
Thelma segir breiðan aldur stunda
nám hjá Endurmenntun og að fólk
með alls kyns markmið geti fundið
sinn farveg. - ve
Bjóða eitthvað fyrir alla
Á síðasta ári sóttu um 7.600 nemendur 570 námskeið og viðburði í Opna háskólan-
um. FRÉTTABLAÐIÐ/ANTON
Námskeið í flokknum menning, sjálfsrækt og tungumál hafa verið sérstaklega vinsæl
hjá Endurmenntun Háskóla Íslands að undanförnu. FRÉTTABLAÐIÐ/GVA
Símenntun Háskólans á Akureyri býður fjölbreytt
úrval námskeiða á vormisseri í samstarfi við ýmsar
stofnanir og sérfræðinga.
Meðal nýjunga nú er námskeið og ráðstefna um
kynbundið ofbeldi, vanrækslu og illa meðferð. Við-
fangsefni námskeiðsins er að fjalla um kynbundið
ofbeldi, vanrækslu og illa meðferð; einkenni, afleið-
ingar, forvarnir og meðferð svo og dóma í kynferðis-
brotamálum. Þá verður einnig vikið að helstu þáttum
varðandi vanrækslu, vændi, klám og meðferð fyrir
þolendur og gerendur ofbeldis.
Á döfinni er einnig námskeið í hugarkortagerð sem
er tækni til að skrá þekkingu á myndrænan og rök-
legan hátt. Hugarkort geta verið af ýmsum toga og
haft mismunandi markmið, þau geta verið leið til að
greina og meta viðfangsefni, til dæmis nýst kennur-
um við gerð kennsluáætlana, eflt og dýpkað skilning á
náms- og kennsluefni, leið til að greina og meta ákveð-
in viðfangsefni, til þess að þróa hugmyndir, skapa
nýja þekkingu og víkka sjóndeildarhringinn.
Lesnar verða nokkrar jólabækur síðasta árs og
brotnar til mergjar í almennum umræðum. Leitast
verður við að hafa úrvalið fjölbreytt og lesa íslensk-
ar skáldsögur af ýmsu tagi, ljóð, barnabækur, fræði-
bækur og þýddar bækur.
Nánari upplýsingar má nálgast á www.unak.is.
Hugarkortagerð og kynbundið ofbeldi
Mörg áhugaverð
námskeið eru í
boði hjá símennt-
un Háskólans á
Akureyri.
M
YN
D
/Ú
R EIN
KA
SA
FN
I
SOVÍ
NUDDNÁM
Yfirburðir Fréttablaðsins staðfestir!
Fréttablaðið er með 143% meiri lestur en Morgunblaðið.
Meðallestur á tölublað, höfuðborgar svæðið, 18 – 49 ára. Könnun Capacent í ágúst 2009 – október 2009.
Fréttablaðið er sem fyrr mest lesna
dagblað landsins með glæsilegt
forskot á samkeppnisaðila sinn
eins og síðasta könnun Capacent
Gallup ótvírætt sýnir.
Við erum auðvitað rífandi stolt af
þessum góða árangri og bendum
auglýsendum á að notfæra sér
forskot okkar þegar þeir velja
auglýsingamiðil.
MORGUNBLAÐIÐ FRÉTTABLAÐIÐ
71,4%
29,3%