Fréttablaðið - 12.01.2010, Page 27

ÞRIÐJUDAGUR 12. JANÚAR 2010
Meðal fjölmargra ævintýralegra
námskeiða á vorönn hjá Mími sí-
menntun er eitt sem nefnist Virkj-
aðu hægra heilahvelið og snýst um
teikningu. Þar kennir Bergljót Njóla
Jakobsdóttir. „Teikningu geta allir
lært,“ segir hún og telur námskeið-
in í Mími sérlega góð fyrir þá sem
hafi efast um eigin getu á teikni-
sviðinu.
Bergljót Njóla kveðst eiginlega
alin upp í Myndlistarskóla Reykja-
víkur frá átta ára aldri til sextán en
síðar farið til frekara náms í Bret-
landi. Pælingarnar um að virkja
hægra heilahvelið segir hún byggj-
ast á rannsóknum á því hvaða at-
höfnum hvort heilahvel stjórni
sem sýni að sköpun fari fram í því
hægra. „Aðferðin sem ég nota er
byggð á námsefni sem búið er að
kenna í Bandaríkjunum í mörg ár
og er kennt við Betty Edwards. Ég
hef notað það bæði á grunnskóla-
stigi og í fjölbraut og veit að það
virkar. Ég kenni fólki aðferðina við
að ná einbeitingu og svo skapar æf-
ingin meistarann. Fyrsta atriðið er
að horfa á hluti útfrá formum, línum
og skuggum og opna fyrir flæði, þá
skapast gott einbeitingarástand.
Bergljót Njóla verður með nám-
skeið í pastelmálun í Mími þegar
nær líður vori. „Þar verður spáð í
form og leikið með liti og þar koma
líka skuggarnir inn,“ lýsir hún og
bætir við. „Svo verður farið í lita-
skynjun. Fólk lærir að uppgötva að
ákveðnir litir hafa vissa merkingu
fyrir það og við veljum tónverk sem
kalla fram mismunandi teiknitján-
ingu.“ - gun
Að virkja rétt heilahvel
„Ég kenni fólki aðferðina við að ná einbeitingu og virkja sköpunargáfuna, svo skapar
æfingin meistarann,“ segir Bergljót Njóla um teikninámskeiðið í Mími. FRÉTTABLAÐIÐ/GVA