Fréttablaðið - 15.01.2010, Blaðsíða 42

30 15. janúar 2010 FÖSTUDAGUR
sport@frettabladid.is
EM-HÓPURINN
Markverðir
Björgvin Páll Gústavsson 61 leikur
Kadetten S., Sviss 2. stórmót
Hreiðar Levý Guðmundsson 96
Emsdetten, Þýskalandi 6. stórmót
Horna- og línumenn
Alexander Peterss. 92 leikir/357 mörk
Flensburg, Þýskalandi 6. stórmót
Guðjón Valur Sigurðsson 223/1076
RN Löwen, Þýskalandi 12. stórmót
Róbert Gunnarsson 159/474
Gummersbach, Þýskalandi 8. stórmót
Sturla Ásgeirsson 37/54
Düsseldorf, Þýskalandi 2. stórmót
Vignir Svavarsson 117/131
Lemgo, Þýskalandi 5. stórmót
Skyttur og leikstjórnendur
Arnór Atlason 79/167
FCK, Danmörku 5. stórmót
Aron Pálmarsson 11/28
Kiel, Þýskalandi 1. stórmót
Ásgeir Örn Hallgrímsson 114/161
GOG, Danmörku 6. stórmót
Logi Geirsson 84/284
Lemgo, Þýskalandi 5. stórmót
Ólafur Guðmundsson 5/8
FH 1. stórmót
Ólafur Stefánsson 287/1378
RN Löwen, Þýskalandi 14. stórmót
Snorri Steinn Guðjónsson 149/555
RN Löwen, Þýskalandi 8. stórmót
Varnarmenn
Ingimundur Ingimundarson 64/49
Minden, Þýskalandi 2. stórmót
Sverre Andreas Jakobsson 78/16
Grosswallstadt, Þýskalandi 4. stórmót
HANDBOLTI Guðmundur Guðmunds-
son tilkynnti í gær hvaða sextán
leikmenn voru valdir í íslenska
landsliðið sem tekur þátt í EM í
Austurríki. Mótið hefst á þriðju-
daginn en Ísland mætir Serbíu í
fyrsta leik. Helst bar til tíðinda í
vali Guðmundar að þeir Logi Geirs-
son og Ólafur Guðmundsson voru
valdir í liðið en ekki Rúnar Kára-
son og Ragnar Óskarsson.
Logi og Ólafur voru reyndar
báðir í hinum upphaflega leik-
mannahópi Guðmundar en hinir
tveir voru kallaðir inn í kjölfar
meiðsla Loga og Þóris Ólafssonar.
Þórir er enn meiddur og er ekki
með af þeim sökum en Logi stóðst
prófið í leiknum gegn Portúgal í
fyrrakvöld.
Ólafur verður tvítugur á árinu,
rétt eins og Aron Pálmarsson, fyrr-
verandi liðsfélagi hans hjá FH og
núverandi landsliðsfélagi. Guð-
mundur var ánægður með hans
framlag, bæði í æfingum sem og í
leiknum gegn Portúgal.
„Mér leist mjög vel á hann og það
leikur enginn vafi á því að hann
er framtíðarleikmaður í íslenska
landsliðinu. Mér finnst það afar
jákvætt að geta tekið hann með,“
segir Guðmundur sem vill þó lítið
segja um hlutverk hans á mótinu.
„Það verður bara að koma í
ljós. Eins og er er hann einn af
leikmönnum í hópnum og hvert
hans hlutverk verður fer eftir því
hvernig málin þróast.“
Guðmundur er ánægður með
hópinn sem hann valdi. „Það má
alltaf tína til rök fyrir því af hverju
þessi er valinn og ekki hinn og svo
framvegis. En ég hef trú á því að
þetta sé sterkasti hópurinn sem við
eigum að þessu sinni.“
Hann hefur trú á því að Logi
Geirsson hafi ýmislegt fram að
færa þó svo að hann hafi lítið sem
ekkert spilað stærstan hluta síðasta
árs vegna meiðsla. Hann spilaði vel
gegn Portúgal en skaut aðeins einu
sinni að marki – í hraðaupphlaupi.
„Við ræddum saman eftir leikinn
og þetta var niðurstaðan. Hann er
klár í mótið og það er í raun ekkert
meira sem ég hef að segja um það,“
segir Guðmundur.
Um miðjan desember skilaði
Guðmundur inn lista með nöfn-
um 28 leikmanna. Af þeim hafa nú
sextán verið valdir en hann getur
engu að síður kallað inn leikmenn
af þeim tólf sem ekki voru valdir á
síðari stigum mótsins. Nú, í fyrsta
sinn, má þjálfari skipta út tveim-
ur leikmönnum eftir riðlakeppnina
og einum eftir milliriðlakeppnina,
gerist þess þörf.
„Ég hef rætt við leikmenn um
að vera tilbúnir að koma í hópinn
ef ég þarf á þeim að halda. Ég er
með ákveðna varaáætlun í gangi
sem ég tel líka eðlilegt miðað við
hvernig fyrirkomulag er á mótinu,“
segir hann.
Leikjaálag er mikið á stórmótum
sem þessu og þau lið sem komast
hvað lengst munu spila átta leiki á
þrettán dögum. Meiðslahætta er
því mikil eins og landsliðsmenn
Íslands hafa fengið að kynnast í
gegnum tíðina.
Guðmundur segist tiltölulega
ánægður með stöðuna á leik-
mannahópnum. Það hafi þó vissu-
lega verið sárt að missa Þóri
Ólafsson.
Landsliðið heldur í dag til Frakk-
lands þar sem liðið spilar tvo leiki
á æfingamóti um helgina. Það
mætir Spáni á morgun og svo ann-
aðhvort Brasilíu eða Frakklandi á
sunnudag. eirikur@frettabladid.is
Okkar sterkustu leikmenn
Guðmundur Guðmundsson, landsliðsþjálfari í handbolta, tilkynnti í gær hvaða
sextán leikmenn fara til Austurríkis þar sem Evrópumeistaramótið hefst á
þriðjudaginn. Logi Geirsson og Ólafur Guðmundsson eru báðir með í hópnum.
KLÁR Í SLAGINN Logi Geirsson stóðst lokaprófið gegn Portúgal og fór með landslið-
inu til Frakklands í dag. FRÉTTABLAÐIÐ/ANTON
Bóluefnið Rússneska Rúllettan!!!
Vegna greinar Þórólfs og Haraldar Briem í blaðinu þann 21. des sl. sá ég
ástæðu til að svara þeirra ósannindum, fyrir það fyrsta þá kemur fram í
leiðbeiningunum frá framleiðenda bóluefnisins, að bóluefnið uppfyllir ekki
alla staðla um öryggi, hvað varðar barnshafandi konur, börn og unglinga
yngri en 18. ára og síðan 60. ára og eldri. Þar sem ekkert er til af gögnum
er segir að öryggi þeirra sé tryggt, eða engar upplýsingar (“no data”) liggja
fyrir. Ólíkt þeim vel þekktu læknum dr. Joseph Mercola, dr. Rima Laibow, dr
Sherry Tenpenny, dr. Russell Blaylock og fleirum sérfræðingum sem benda á
vísindarannsóknir máli sínu til stuðnings, þá velja þeir Haraldur og Þórólfur þá
leið að hafna öllum vísindagreinum er segja að innsprautað skvalen (squalene)
gæti framkallað gigt. Því að þeir Haraldur og Þórólfur hafa kosið að bjóða fólki
uppá þetta bóluefni án þess að gera eina einustu tilraun til þess að benda
á þessa áhættu. Eins og áður segir þá hefur það komið fram í vísindaritinu
American Journal of Pathology (2000) að innsprautað skvalen getur
framkallað gigt. Einnig má benda á rannsóknir þeirra Barbro C. Holm. Lena
Jacobsson og fleiri á, að innsprautað skvalen var aðalorðsakavaldur gigtar.
Í Experimental and Molecular Patology (2000) er sagt frá þessum tengslum
á milli Persaflóahermannaveiki (Gulf War Syndrome) og skvalen. Í þessu
sama tímariti frá árinu 2002 er svo sagt frá þessu sambandi milli skvalen og
bandarískra hermanna með aukaverkanir vegna miltisbrandsbóluefnisins.
Þórólfur og Haraldur fullyrða að skvalen hafi ekki verið notað í bóluefninu gegn
miltisbrandi, en Bandaríska Matvæla og Lyfjastofnunin hefur viðurkennt að
skvalen var notað, fjórðungur allra bandarískra persaflóahermanna fékk þessa
hermannaveiki og 44 fylki Bandaríkjanna hafa viðurkennt sjúkdóminn. Fyrst að
þessir embættismenn okkar eru að fullyrða að svínaflensubóluefnið sé svona
öruggt hvað eftir annað, ættu þeir þá ekki einnig að taka á sig persónulega
ábyrgð á því, þar sem bóluefnafyrirtækið GSK er ekki talið skaðabótaskylt?
Eins og ég hef áður sagt, þá tek ég frekar mark á þessum áðurnefndu
vísindarannsóknum og sérfræðingum, en þessum embættismönnum þarna
úti á Seltjarnarnesi. Að lokum vil ég geta þess hér að fólk ætti að athuga allar
þessar hryllingssögur barna, fullorðna svo og öll þessi fósturlát er hafa verið
að birtast á theflucase.com og í erlendum fjölmiðlum.
Þorsteinn Sch. Thorsteinsson
höf. margmiðlunarfræðingur
Auglýsing
Hafnfirðingarnir ungu, Aron Pálmarsson og Ólafur Guðmundsson, eru
í talsvert öðrum sporum nú en fyrir ári. Þá voru þeir að leika
með meistara- og unglingaflokki FH en núna eru þessir 19
ára strákar á leið á EM í Austurríki með íslenska A-lands-
liðinu.
„Þetta gerist hratt. Fyrir einu ári vorum við bara að
spila með unglingaflokki fyrir framan mömmu og
pabba. Það verður talsvert annað að spila á EM,“
sagði Ólafur Andrés við Fréttablaðið í gær. Hann
er nokkrum mánuðum eldri en Aron sem er því
yngstur í hópnum.
„Ég er enn kjúklingurinn og allt í lagi með það,“
segir Aron en þeir félagar verða samt ekki saman
á herbergi þar sem Aron hefur þegar komið
sér vel fyrir við hlið fósturbróður síns, Loga
Geirssonar. „Það er mjög gaman að við séum
báðir að fara á þetta mót. Við erum búnir að
spila saman með FH upp alla yngri flokkana í
bæði handbolta og fótbolta sem og með yngri
landsliðum,“ segir Aron en Ólafur segir alla tíð hafa verið gott
að spila með Aroni.
Aron söðlaði um í sumar og gekk í raðir þýska stórliðs-
ins Kiel en Ólafur spilar enn með FH. Hann er eini leik-
maðurinn úr N1-deildinni sem komst í hópinn. Það kom
því meira á óvart að hann skyldi verða valinn enda
ekki verið viðloðandi landsliðið jafn mikið síðustu
mánuði og Aron.
„Ég gerði mitt besta til þess að ná sætinu og
það gekk upp sem er ánægjulegt. Ég get ekki
neitað því að ég er hrikalega spenntur fyrir þessu
móti. Þetta verður algjört ævintýri. Vissulega mikl-
ar breytingar á skömmum tíma en jákvæðar,“ segir
Ólafur en hann var ekki eins stressaður fyrir valið
og pabbi hans.
„Ég var ekki að velta mér mikið upp úr þessu
en pabbi var að teikna þetta upp og reikna fram
og til baka. Hann hafði að lokum rétt fyrir sér
og var eðlilega ánægður með það.“
FH-INGARNIR ARON PÁLMARSSON OG ÓLAFUR GUÐMUNDSSON: FRÁ FH Á EM Á AÐEINS EINU ÁRI
Það verður algjört ævintýri að fara á EM
FÓTBOLTI Liverpool-mennirn-
ir Fernando Torres, Steven
Gerrard og Yossi Benayo-
un meiddust allir í bikar-
leiknum gegn Reading
og verða ekki með
næstu vikurnar.
Þessar slæmu frétt-
ir eru ekki til að létta
brúnina á stuðnings-
mönnum Liverpool eftir
að liðið féll út úr enska
bikarnum fyrir B-deild-
arliði Reading.
Fernando Torres verð-
ur ekki með Liverpool næstu
sex vikurnar. Það kom í ljós að
liðþófi í hné væri farinn hjá
framherjanum.
Steven Gerrard fór af
velli í hálfleik í leikn-
um eftir að hafa togn-
að aftan í læri og hann
verður frá keppni næsta
hálfa mánuðinn.
Yossi Benayoun braut
rifbein í leiknum og verð-
ur ekki með Liverpool
næstu fjórar vikurnar.
- óój
Reading-leikurinn var dýr fyrir Liverpool:
Lykilmenn meiddir
IE-deild karla:
Grindavík-Fjölnir 109-111
Stig Grindavíkur: Darrell Flake 38, Ómar Sævars-
son 22, Guðlaugur Eyjólfsson 20, Ólafur Ólafsson
17, Páll Axel Vilbergsson 6, Nökkvi Jónsson 3,
Björn Brynjólfsson 3.
Stig Fjölnis: Ægir Steinarsson 33 (13 stoðs.), Chris
Smith 21, Tómas Tómasson 20, Magni Hafsteins-
son 12, Arnþór Guðmundsson 12, Jón Sverrisson
6, Sindri Kárason 5, Garðar Sveinbjörnsson 2.
FSu-Hamar 78-91
Stig FSu: Richard Williams 27, Aleksas Zimnickas
15, Chris Caird 13, Dominic Baker 7, Kjartan Kára-
son 7, Sæmundur Valdimarsson 4, Jake Wyatt 3,
Orri Jónsson 2.
Stig Hamars: Andre Dabney 35 (11 frák.), Marvin
Valdimarsson 23, Páll Helgason 13, Viðar Haf-
steinsson 9, Svavar Pálsson 5, Ragnar Nathana-
elsson 2, Bjarni Lárusson 2, Oddur Ólafsson 2.
Tindastóll-Njarðvík 80-106
Stig Tindastóls: Michael Giovacchini 19, Kenney
Boyd 16, Axel Kárason 10, Friðrik Hreinsson 9,
Svavar Birgisson 9, Helgi Margeirsson 8, Helgi
Viggósson 6, Sigmar Björnsson 2.
Stig Njarðvíkur: Jóhann Árni Ólafsson 18, Friðrik
Stefánsson 15, Nick Bradford 14, Hjörtur Hrafn
Einarsson 12, Guðmundur Jónsson 10, Rúnar
Erlingsson 8, Kristján Sigurðsson 6, Páll Kristins-
son 6, Grétar Garðarsson 5, Magnús Gunnarsson
5, Egill Jónasson 4, Elías Kristjánsson 2.
STAÐAN:
Njarðvík 13 11 2 1160-966 22
Stjarnan 12 10 2 1051-940 20
KR 12 10 2 1130-987 20
Keflavík 12 9 3 1056-911 18
Grindavík 13 8 5 1219-1049 16
Snæfell 12 8 4 1108-968 16
ÍR 12 5 7 1001-1058 10
Hamar 13 5 8 1077-1124 10
Tindastóll 13 4 9 1079-1174 8
Fjölnir 13 3 10 1016-1054 6
Breiðablik 12 2 10 905-1057 4
FSu 13 0 13 871-1264 0
Enski deildarbikarinn:
Blackburn-Aston Villa 0-1
0-1 James Milner (23.).
ÚRSLIT
> Helgi Pétur hættur á Skaganum
Helgi Pétur Magnússon hefur gert Skagamönnum ljóst
að hann muni ekki leika með knattspyrnuliði félagsins
næsta sumar. Helgi Pétur hefur nýlokið lögfræðiprófi og er
farinn að starfa hjá lögfræðistofu í Reykjavík. Á heimasíðu
Skagamanna er sagt alls óvíst hvort Helgi
Pétur haldi áfram að leika knattspyrnu.
Orðrómur er um að Gunnlaugur Jóns-
son, þjálfari Vals, muni reyna að lokka
Helga Pétur á Hlíðarendann sem er að
verða vinsæll áningarstaður hjá Skaga-
mönnum. Forráðamenn ÍA eru að
vinna í að fá atvinnuleyfi fyrir Igor
Pesic og eru þeir bjartsýnir á að
leyfið fáist fyrr frekar en síðar.
KÖRFUBOLTI Raunir Grindvíkinga í
körfuboltanum héldu áfram í gær
er liðið tapaði á heimavelli fyrir
Fjölni sem var í næstneðsta sæti
deildarinnar fyrir leikinn.
Fjölnismenn voru lengstum
skrefi á undan en Grindavík kom
til baka og þvingaði fram fram-
lengingu. Þar var Fjölnir einnig
sterkari og aftur kom Grindavík
til baka en þriggja stiga karfa
Tómasar Tómassonar tryggði
Fjölnismönnum óvæntan sigur.
Grindvíkingar halda því áfram
að valda vonbrigðum á nýju ári.
Njarðvíkingar misstigu sig
ekki þegar liðið hélt á Krókinn
þar sem þeir unnu öruggan sigur
og tylltu sér á toppinn í deildinni.
Njarðvíkingar hafa reyndar spil-
að leik meira en Stjarnan og KR.
- hbg
Grindavík tapaði óvænt fyrir Fjölni í Röstinni:
Njarðvík á toppinn