Fréttablaðið - 22.03.2010, Blaðsíða 13

MÁNUDAGUR 22. mars 2010 13
STJÓRNSÝSLA Kristín Völundar-
dóttir, sýslumaður á Ísafirði og
lögreglustjóri Vestfjarða, hefur
verið skipuð í embætti forstjóra
Útlendingastofnunar.
Kristín lauk embættisprófi í lög-
fræði frá Háskóla Íslands 1992 og
framhaldsnámi í Kanada 1994.
Kristín starfaði í sex ár hjá
Útlendingastofnun og forvera
hennar, Útlendingaeftirlitinu, áður
en hún fór til starfa í dómsmála-
ráðuneytinu árið 2005. Árið 2006
var hún sýslumaður á Hólmavík.
Ellefu sóttu um embættið en
tveir drógu umsóknir sínar til
baka. - bþs
Forstjóri Útlendingastofnunar:
Kristín skipuð
KÍNA Tilnefningar til friðarverð-
launa Nóbels í ár endurspegla
þrýsting Vesturlanda á Kína.
Þetta er skoðun leiðarahöfundar
Global Times í Kína, sem nýverið
fjallaði um verðlaunin.
Í hópi þeirra 237 sem tilnefndir
eru til verðlaunanna eru Liu Xiao-
bo, Hu Jia og Rebiya Kadeer, yfir-
lýstir gagnrýnendur stjórnvalda.
Leiðarahöfundurinn gagnrýn-
ir að enginn fjölmargra Kínverja
sem lagt hafi þung lóð á vogar-
skálar friðar og framfara í land-
inu síðustu þrjá áratugi hafi hlotið
tilnefningu til Nóbelsverðlaun-
anna. Verðlaunin séu misnotuð í
pólitískum tilgangi og slíkt verði
að fordæma. - óká
Ósáttir í Kína við tilnefningar:
Nóbelnum
beitt gegn Kína
GRÆNLENSK BÖRN Stofnfundur félags
um Grænlandssetur verður haldinn
klukkan ellefu í fyrramálið í Náttúrugripa-
safni Bolungarvíkur. FRÉTTABLAÐIÐ/VILHELM
MENNING Hugmyndir eru uppi um
stofnun Grænlandsseturs í Bol-
ungarvík, að því er fram kemur á
fréttavefnum Víkari.is.
„Setrinu verður ætlað að safna
fróðleik og munum tengdum
Grænlandi og samskiptum Íslands
og Grænlands í fortíð, nútíð og
framtíð; standa að kynningum og
sýningarhaldi tengdu Grænlandi,
stuðla að auknum samskiptum
íbúa landanna og eftir föngum
stunda rannsóknir tengdar græn-
lenskum málefnum,“ segir þar
og bent á að Bolungarvík sé sá
byggði staður á landinu sem hvað
næstur sé Grænlandi. - óká
Grænlandssetur í bígerð:
Bolungarvík er
næst Grænlandi
SVEITARSTJÓRNIR Meirihluti Sjálf-
stæðisflokks og Framsóknarflokks
í bæjarráði Kópavogs hafnaði til-
lögu Vinstri grænna um að fresta
ráðningu nýs almannatengils.
„Það er með ólíkindum að Sam-
fylkingin og VG sem stöðugt
kalla eftir upplýstri og gegnsærri
stjórnsýslu skuli nú leggjast gegn
ráðningunni,“ bókaði meirihlut-
inn sem kveður upplýsingaflæði
frá bænum verða markvissara.
„Um þessar mundir er verið að
draga verulega saman í rekstri
bæjarfélagsins m.a. með uppsögn-
um starfsfólks og skerðingar á
þjónustu við bæjarbúa.
Því skýtur skökku við að á sama
tíma er rokið til og ráðið í starf
sem losnar í yfirstjórn bæjarins,“
bókuðu fulltrúar Samfylkingar-
innar. - gar
Tekist á um almannatengil:
Upplýsingarnar
flæða betur
NÁM Innleiðingu nýrra fram-
haldsskólalaga verður frestað
að hluta til, segir Katrín Jakobs-
dóttir menntamálaráðherra. Til
dæmis verður lengingu skólaárs
sem kveðið er á um í lögum slegið
á frest. Í ræðu ráðherrans á nýaf-
stöðnu menntaþingi kom einnig
fram að hægt verður á innleiðingu
þeirra hluta laganna sem snúa að
gildistöku nýrrar aðalnámskrár í
framhaldsskólum.
Tveir framhaldsskólar eru þegar
farnir að vinna eftir nýjum lögum,
sem fela meðal annars í sér nýtt
einingakerfi til
stúdentsprófs,
Kvennaskólinn
og Framhalds-
skólinn í Mos-
fel lsbæ. Þar
fyrir utan eru
margir skólar
farnir að laga
starfið að nýjum
lögum. Sú vinna
heldur áfram
segir Katrín.
Ástæða frestunar á fram-
kvæmd laganna er niðurskurður
til menntamála, en að sögn Katr-
ínar er verið að skoða í ráðuneyt-
inu hvernig komið verður á móts
við hann. Að sögn Katrínar munu
línur í þeim efnum skýrast á
næstunni.
Þess má geta að fulltrúafund-
ur Félags framhaldsskólakennara
sendi frá sér ályktun á dögunum
þar sem mælst var til þess að inn-
leiðing laganna yrði endurskoð-
uð vegna kostnaðar sem af þeim
hlýst. Lögin voru samþykkt árið
2008 en áttu að koma til fullra
framkvæmda haustið 2011. - sbt
Menntamálaráðherra endurskoðar innleiðingu nýrra framhaldsskólalaga:
Lengingu skólaársins frestað
KATRÍN
JAKOBSDÓTTIR
SJÁVARÚTVEGUR Rekstur HB
Granda skilaði 13 milljónum evra
í hagnað á síðasta ári. Stjórnin
leggur til að greidd verði út 12
prósent af nafnvirði hlutafjár í
arð, en þau samsvara 204 millj-
ónum króna á lokagengi ársins
2009. Rekstrartekjur félagsins í
fyrra voru 117 milljónir evra.
Hagnaður ársins 2008 nam 16
milljónum evra. Minna veiddist
af ufsa og karfa árið 2009 en árið
áður, en veiði frystitogara á gull-
laxi og úthafskarfa jókst mjög.
- kóp
HB Grandi gengur vel:
Greiðir 204
milljónir í arð