Fréttablaðið - 17.04.2010, Blaðsíða 72

36 17. apríl 2010 LAUGARDAGUR
Fyrsta vika Daggar Hjaltalín í starfi verslunarstjóra Máls og menningar við Laugaveg var heldur betur viðburðarík. Meðal ann-
ars var nóg að gera við að sinna þörfum þess fjölda sem leit við í bókabúðinni til að ná sér í eintak af skýrslu rannsóknarnefnd-
ar Alþingis. Nýfædd dóttir Daggar virðist kunna vel við bókabúðina sem annað heimili þeirra mæðgna og svaf ljúfum svefni í
vagninum á meðan mamma hennar sinnti nýja starfinu.
Bókabúðin annað heimili
MYNDBROT ÚR DEGI Miðvikudagurinn 14. apríl l Myndir úr fjölskyldumyndavélinni
1 Sú nýjasta í fjölskyldunni, sem hefur ekki enn þá fengið nafn, unir sér vel ein í vagninum eða á leik-teppi meðan ég elda mér hafragrautinn á morgnana. Næsta stopp hjá henni er svo leikteppið meðan ég fer í tölvuna eða les blöðin. 2 Við mæðgurnar fyrir utan heima hjá okkur. Ég rölti oftast með vagninn niður í Bókabúð Máls og menn-ingar. Ef Agnes, eldri dóttir mín, er heima kemur hún með. Hún unir sér mjög vel á barnabókahæð-inni í búðinni og ekki skemmir fyrir að hún aðstoð-
ar einnig við að passa litlu systur sína.
3
Mitt annað heimili þessa dagana er Bókabúð Máls
og menningar á Laugaveginum, þar sem hægt er
að viða að sér þekkingu og visku enda búðin full af
frábærum bókum. Það er engin tilviljun að versl-
unin er miðdepill bæjarlífsins.
4
Það er alveg nauðsynlegt að hitta Rakel vinkonu
í kaffi daglega. Hún kemur oft við á Súfistanum í
Bókabúð Máls og menningar. Við ræðum málefni
líðandi stundar og háleit markmið okkar um fram-
tíðina. 5
Hádegismatur í miðbæ Reykjavíkur stendur allt-
af fyrir sínu. Það er úr mörgum góðum stöðum að
velja hverju sinni en hér er ég á Íslenska barnum.
Ég fæ mér stundum hádegismat í bænum meðan sú
litla sefur og þennan daginn fór ég á Íslenska bar-
inn með Ólafi Finnbogasyni manninum mínum.
6
Eftir kvöldmat sitjum við oft við borðstofuborðið,
bæði til að spjalla, kíkja aðeins í tölvuna eða læra
eins og Agnes gerir stundum. Hér fylgist litla syst-
ir spennt með.
.