Fréttablaðið - 13.05.2010, Blaðsíða 10

10 13. maí 2010 FIMMTUDAGUR
DÓMSMÁL Til stimpinga kom á milli
mótmælenda og lögreglu í Héraðs-
dómi Reykjavíkur í gær þegar taka
átti fyrir mál eins af nímenningun-
um sem ákærðir hafa verið fyrir
árás á Alþingi í búsáhaldabylting-
unni í desember 2008. Sá hafði ekki
tekið formlega afstöðu til ákærunn-
ar. Einn karlmaður var handtekinn
utan dómsals.
Héraðsdómari sleit þinghaldi án
þess að boðað væri nýtt þinghald
eins og venja er.
Löng biðröð hafði myndast við
dómsal 101, þar sem málið var
tekið fyrir, nokkru áður en þinghald
hófst og var mannþröng á gangin-
um. Þegar tveir einkennisklæddir
lögreglumenn birtust við enda hans
gerði hluti fólksins hróp að þeim.
Ekki var fleirum hleypt inn í sal-
inn en sæti voru fyrir og beið því
stærstur hluti hópsins fyrir utan.
Nímenningarnir buðust til að
standa þannig að aðrir gætu kom-
ist inn og setið í sætum sem þeim
voru ætluð. Dómarinn hafnaði því.
Bæði fyrir og meðan á þinghaldi
stóð hafði fólk í frammi hróp, köll
og klapp. Var hrópað að héraðsdóm-
aranum Pétri Guðgeirssyni, ríkis-
saksóknara og lögreglunni.
Þegar þinghald hófst gerði Ragn-
ar Aðalsteinsson, einn verjenda
nímenninganna, athugasemd við
að tveir óeinkennisklæddir lög-
reglumenn væru við dyrnar í dóm-
sal. Við þessa vitneskju óx ókyrrð-
in í dómsalnum og reyndu sumir
mótmælenda þar að reka lögreglu-
mennina út. Varð töf á þinghaldi
vegna hávaða um sinn. Fyrirtakan
var vegna þess að einn af sakborn-
ingunum hafði ekki tekið formlega
afstöðu til ákærunnar. Þeir hafa
allir neitað sök.
Lögreglumönnum hafði fjölgað
mjög á ganginum þegar dómþingi
var slitið, en fólkið yfirgaf héraðs-
dóm smám saman án þess að í brýnu
slægi. jss@frettabladid.is
Réttarhöldum slitið
í kjölfar mótmæla
Réttarhöldum yfir nímenningunum sem réðust inn í alþingishúsið í búsáhalda-
byltingunni var slitið í Héraðsdómi Reykjavíkur í gær í kjölfar hávaðasamra mót-
mæla. Fjöldi fólks mætti í héraðsdóm og einn var handtekinn í atganginum.
Í HÉRAÐSDÓMI REYKJAVÍKUR Löng biðröð myndaðist fyrir utan dómsal 101 í Héraðsdómi Reykjavíkur í gær þar sem tekið var fyrir
mál nímenninga sem ákærðir hafa verið fyrir að ráðast á Alþingi í búsáhaldabyltingunni í desember 2008. FRÉTTABLAÐIÐ/STEFÁN
„Dómarinn sleit dómþinginu fyrirvara-
laust án skýringar og boðaði ekki nýtt
þinghald, þannig að verjendur ákærðu
eru í algjörri óvissu um framvindu
málsins,“ sagði Ragnar Aðalsteinsson
lögmaður að dómþingi loknu í gær.
Hann gerði athugasemdir við að
réttarhaldið væri lokað og að lögreglu-
menn væru viðstaddir.
„Það kemur í veg fyrir að ég geti
sinnt starfi mínu sem skipaður
verjandi og það kemur í veg fyrir
að skjólstæðingar mínir fái réttláta
málsmeðferð. Ég get ekki sætt mig við
það og vil láta reyna á þessi atriði fyrir
Hæstarétti. Dómaranum hins vegar
láðist að taka afstöðu. Hann hefur
ekki formlega lýst því yfir að réttar-
haldið sé lokað eða lokað að hluta.“
Brynjar Níelsson, lögmaður einn
verjenda, sagði að dómari stjórnaði
þinghöldum.
„Hann ákveður hvernig þau skuli
haldin og hverjir skuli halda uppi
gæslu ef hann telur þörf á því.“
Spurður skoðunar á því hvort þörf
væri fyrir gæslu í þessu máli sagði
Brynjar ástandið viðkvæmt.
„Ég tel að dómarinn hugsi að þing-
haldið geti farið fram snurðulaust og
hann hefur metið það þannig að það
þurfi að hafa gæslu og reglu á því hve
margir fari í salinn og svo framvegis.
Þetta gekk ágætlega í byrjun en hefur
kannski aðeins farið úr böndunum.
Þannig er staðan núna.“
Óvissa um framhaldið
ALÞINGI Björn Valur Gíslason,
þingmaður Vinstri grænna, hefur
lagt fram þingsályktunartillögu
þess efnis að Alþingi feli skrif-
stofustjóra að fara þess á leit við
ríkissaksóknara, að ákærur á
hendur nímenningunum sem gert
er að sök að hafa ráðist á Alþingi
verði dregnar til baka.
Í greinargerð með tillögunni
er það rakið að allmörg dæmi
séu um að efnt hafi verið til mót-
mæla á og við þingpalla Alþing-
is, án þess að slíku hafi fylgt
nokkur eftirmál. Meðal annars
er í greinargerðinni rifjað upp
þegar ungliða-
hreyfing mætti
á þingpalla með
eftirlíkingu af
hríðskotabyss-
um og lýst því
yfir að valda-
taka hefði farið
fram. Björn
valur bendir
á að ekki hafi
komið fram
svipuð kæra í
þeim málum og gæta yrði þess
að misræmi grafi ekki undan til-
trú. - jss
Þingmaður Vinstri grænna með þingsályktunartillögu:
Dragi ákærur til baka
BJÖRN VALUR
GÍSLASON
Við gerum
ekki upp á milli
Þess vegna eru allar gsm þjónustuleiðir fyrir einstaklinga
með eitt verð í alla aðra gsm síma, óháð kerfi.
Reiknaðu dæmið til enda. Því verðmunurinn getur verið
meira en tvöfaldur.
F
í
t
o
n
/
S
Í
A
Vakningarfundur
Nýju frambjóðendur Samfylkingarinnar í Reykjavík,
Hjálmar Sveinsson útvarpsmaður og Bjarni Karlsson
sóknarprestur, bjóða til vakningarfundar ásamt
tónlistarmanninum KK.
Hittumst á Café Flóru í
Grasagarðinum í kvöld kl. 19.
Enginn frír bjór í boði en
kaffi húsið verður opið!
Fegurð Reykjavíkur og gildi umhyggjunnar
Opnum hugann.
Breytum stjórnmálunum.
Sláum nýjan tón!
1. Hvað fá sjálfstæðismenn
marga bæjarfulltrúa í Reykja-
nesbæ samkvæmt nýrri skoð-
anakönnun Fréttablaðsins?
2. Hvað er fyrirtækið Maxí
popp gamalt?
3. Hver skoraði síðara mark
Vals í leiknum gegn FH á
mánudag?
SJÁ SVÖR Á SÍÐU 30
Auglýsingasími
Allt sem þú þarft…
VEISTU SVARIÐ?