Fréttablaðið - 13.05.2010, Blaðsíða 13

FIMMTUDAGUR 13. maí 2010 13
Fjórir flokkar bjóða fram
til sveitarstjórnar Árborg-
ar. Allir voru í framboði
fyrir fjórum árum og allir
hafa setið í meirihluta á
kjörtímabilinu.
Kosningabaráttan í Árborg
hefur farið rólega af stað og pól-
itísk umræða helst farið fram í
heita pottinum. Af samtölum við
bæjarbúa að dæma kemur þar
bæði til að fólk virðist hafa tak-
markaðan áhuga á stjórnmál-
um nú um stundir og eins það
að kosningabarátta flokkanna er
hófsöm. Sama máli gegnir með
stefnumálin og loforðin; hvort
tveggja er í ríku samræmi við
ástandið og andrúmsloftið í
samfélaginu.
Sjálfstæðisflokkurinn fékk
fjóra bæjarfulltrúa í síðustu
kosningum, Framsóknarflokkur
og Samfylkingin tvo og VG einn.
Sjálfstæðisflokkur og framsókn
mynduðu meirihluta að loknum
kosningum en hann sprakk að
hálfu ári liðnu. Fulltrúar beggja
flokka báru við trúnaðarbresti
auk þess sem fram kom á þeim
tíma að framsóknarmenn vildu
hækka laun bæjarfulltrúa þvert
ofan í vilja sjálfstæðismanna.
Framsókn, Samfylking og VG
mynduðu nýjan meirihluta í
desember 2006 og hefur hann
setið síðan.
Árborg fór ekki varhluta af
stemningunni sem ríkti í góð-
ærinu og var ráðist í skipulagn-
ingu nýrra hverfa, sölu lóða og
framkvæmdir á sumum þeirra.
Margir sem létu til sín taka fóru
flatt í kreppunni og áform um
stórfellda uppbyggingu runnu
út í sandinn.
Talsvert atvinnuleysi er í
Árborg. Nemur það um tíu pró-
sentum sem þýðir að rúmlega
fimm hundruð manns eru án
vinnu.
Atvinnumálin brenna enda á
íbúum og frambjóðendur leggja
áherslu á að fjölga störfum,
ýmist með því að laða að nýja
starfsemi eða fyrirtæki eða efla
þau sem fyrir eru. Horfa menn
helst til ferðaþjónustu sem og
iðnaðar en iðnaður af marg-
víslegu tagi hefur þrifist á Sel-
fossi.
Líkt og flest önnur sveitarfé-
lög landsins skuldar Áborg tals-
verðar fjárhæðir. Fyrir vikið
eru fjármálin ofarlega á baugi
í kosningabaráttunni. Sínum
augum lítur hver á silfrið og
það fer eftir því hvar borið er
niður hvernig menn meta fjár-
hagsstöðuna. Ragnheiður Herg-
eirsdóttir, bæjarstjóri og odd-
viti Samfylkingarinnar, segir
hér til hliðar að náðst hafi utan
um fjármálin en Eyþór Arnalds,
oddviti sjálfstæðismanna, segir
að koma þurfi böndum á rekst-
urinn.
Hvað sem þessu líður virð-
ist sem almennir íbúar séu
ekki of uppteknir af fjármálun-
um. Samtöl leiða í ljós að á fólki
brenna helst málaflokkar sem
standa því næst. Hagur barna
og atvinnumál bera þar hæst.
Ekki verður annað merkt
en að flokkarnir fjórir gangi
óbundnir til kosninga. Engin
stór flokkspólitísk ágreinings-
mál sem ekki ætti að vera hægt
leysa í hefðbundnum meirihluta-
viðræðum eru uppi og bend-
ir ýmislegt til að persónulegt
samband fólks og samstaða um
breiðar útlínur muni ráða hverj-
ir starfa saman í meirihluta að
loknum kosningum.
„Helstu áherslumál okkar eru fjármálin. Eins og hjá
svo mörgum sveitarfélögum, ríkinu, fyrirtækjum og
einstaklingum varð hér hrun og sveitarfélagið var
rekið með halla á síðasta ári. Það verður að kafa
ofan í hvernig við getum betur tekið á fjármálunum
til hagsbóta fyrir sveitarfélagið,“ segir Helgi Sigurður
Haraldsson, oddviti Framsóknarflokksins í Árborg.
„Síðan eru það atvinnumálin, við höfum lent í
miklu atvinnuleysi, hér fóru mörg fyrirtæki yfir um í
hruninu. Fyrirtækjum fjölgaði mjög í uppsveiflunni.
Það var mikill hasar og menn réðust í fjárfestingar
sem þeir súpa nú seyðið af. Við viljum laða að ný
fyrirtæki og hjálpa þeim sem fyrir eru, auka nýsköp-
un og liðka til fyrir stofnun nýrra smárra fyrirtækja. Í því felst að reyna að
bæta rekstrarumhverfið.“
Helgi segir framsóknarmenn líka leggja ríka áherslu á kynningarmál
sveitarfélagsins bæði inn á við og út á við. „Út á við snýst það um að
kynna þá möguleika sem hér eru, ekki síst í ferðaþjónustu og afþreyingu
en inn á við horfum við til þess að upplýsa íbúa og virkja þá betur en gert
hefur verið. Mér hafa fundist boðleiðir langar og lítið samráð haft við íbú-
ana þrátt fyrir svokallað íbúalýðræði sem ég kalla reyndar tískuorð. Okkar
mat er að íbúarnir hafi oft góðar hugmyndir og lausnir og það er um að
gera að kalla eftir þeim.“
Íbúarnir virkjaðir betur en gert er
„Við ætlum að halda áfram að veita góða velferð-
arþjónustu og passa sérstaklega vel upp á málefni
barna og unglinga,“ segir Ragnheiður Hergeirsdóttir,
efsti maður Samfylkingarinnar. „Síðan eru atvinnu-
málin mikilvægur málaflokkur og við munum leggja
mikla áherslu á að vinna að öllu því sem sveitarfé-
lagið getur við atvinnusköpun.“
Hún segir mikilvægt að skapa fleiri störf enda hafi
mörg störf tapast við hrunið. „Þetta er mikill iðnað-
ar- og verktakabær og þar var fallið mest í hruninu.
Það er því að því leyti eðlilegt að störf hafi tapast.“
Ragnheiður segir Samfylkinguna líka leggja ríka
áherslu á ábyrga fjármálastjórn. „Við höfum náð
utan um fjármálin eftir hrunið. Sveitarfélagið er auðvitað skuldsett og það
eru erfiðleikar en við sjáum út úr þeim á allra næstu árum. En þá er líka
mikilvægt að halda vel á málum.“ Varkárni og ábyrgð verði leiðarstefið í
þeim efnum.
Ragnheiður segir ekkert hafa verið rætt um hugsanlegt meirihlutasam-
starf að loknum kosningum. Hún sé reiðubúin að starfa með þeim sem
vilji leggja velferðarmálunum lið. „Það eru mikilvægustu verkefni sveitar-
félaga þegar svona árar að gæta að velferðarmálunum. Þjónusta sveitarfé-
laganna er öryggisnet þegar íbúarnir þurfa á að halda.“
Þjónusta sveitarfélaga er öryggisnet
„Í fyrsta lagi þarf að koma böndum á reksturinn,“
segir Eyþór Arnalds, oddviti Sjálfstæðisflokksins.
„Bæjarsjóður tapaði tveimur milljónum á dag á
síðasta ári og það er mikilvægt að ná fram sparnaði
í yfirstjórn og gæta að því að peningarnir fari ekki í
gæluverkefni svo sveitarfélagið sé trúverðugt gagn-
vart lánveitendum.“
Eyþór leggur áherslu á málefni barna; segir að í
forgangsröðun verkefna verði þau að njóta forgangs,
og atvinnumálin. „Við teljum vannýtt tækifæri í
atvinnumálunum, ekki síst í ferðaþjónustu. Við
viljum líka að menn í nágrannasveitarfélögum séu
samstíga í stórum málum á borð við virkjanamál,
iðnað, vegaframkvæmdir, málefni sjúkrastofnunarinnar og Litla-Hrauns,
svo dæmi séu nefnd. Menn verða að standa saman um það sem getur lyft
okkur upp úr kreppunni.“
Eyþór kveðst telja að íbúar Árborgar láti sig miklu varða rekstur sveit-
arfélagsins. Taka þurfi stórar ákvarðanir sem varði ekki bara kjósendur til
skamms tíma heldur líka börnin. „Skuldsetning er eitthvað sem situr eftir
og við horfum nú á að skuldirnar nemi um milljón á mann.“
Að mati Eyþórs ganga flokkarnir almennt óbundnir til kosninga en hann
segist síður búast við áframhaldandi samstarfi núverandi meirihluta. „Sam-
starf þriggja flokka er mjög dýrt og ég held að þeir sjái það líka.“
Þarf að koma böndum á reksturinn
„Við leggjum áherslu á velferðina og að halda því
sem hefur áunnist á kjörtímabilinu,“ segir Þórdís
Eygló Sigurðardóttir, oddviti VG. „Við ætlum ekki
að gefa mörg loforð enda ekki tímabært í svona
árferði.“
Þórdís segir VG starfa undir kjörorðinu: Við hlust-
um. Nokkrir fundir hafi verið haldnir í því augnamiði
að heyra sjónarmið íbúanna. Þar beri atvinnuleysið
hæst og mikilvægt að berjast gegn því. „Fólk er að
berjast í bökkum og bíður eftir að eitthvað verði
gert. Þetta er eins hér og annars staðar á landinu,
fólk er reitt.“
Umhverfismálin eru ofarlega á baugi hjá VG og
segir Þórdís flokkinn berjast fyrir stefnu sinni um sjálfbæra þróun; að við
notum ekki meira en við þurfum.
VG er í meirihluta ásamt Samfylkingunni og Framsóknarflokki og segir
Þórdís fráfarandi bæjarfulltrúa flokksins, Jón Hjartarson, hafa unnið gott
starf. Áfram verði byggt á þeim grunni sem hann hefur lagt.
Þórdís er svo að segja nýlega flutt til Árborgar og hefur ekki gefið sig
að bæjarmálum áður. Hún segist takast á við verkefnin í anda flokks síns
og leggur ríka áherslu á að ekki sé ráð að lofa miklu, aðstæðurnar bjóði
hreinlega ekki upp á slíka pólitík.
Reynum að halda því sem hefur áunnist
Velferðin er ofar öðru

Starfsemi á árinu 2009
Allar fjárhæðir í milljónum króna

Breytingar á hreinni eign til greiðslu lífeyris 31.12. 2009 2008
Samtals Samtals
Iðgjöld 54 49
Lífeyrir -65 -57
Fjárfestingartekjur 55 57
Fjárfestingargjöld -2 -2
Rekstrarkostnaður -3 -2
Hækkun á hreinni eign á árinu 39 45
Hrein eign frá fyrra ári 526 481
Hrein eign til greiðslu lífeyris 565 526

Efnahagsreikningur 2009 2008
Fasteign, rekstrafjármunir og aðrar eignir
Verðbréf með breytilegum tekjum 124 143
Verðbréf með föstum tekjum 402 306
Veðlán 2 4
Bankainnistæður 21 48
Kröfur
Aðrar eignir 22 31
Skuldir -6 -5
Hrein eign til greiðslu lífeyris 565 526

Kennitölur 2009 2008
Nafn ávöxtun 9,6% 11,1%
Hrein raunávöxtun 0,9% -4,5%
Hrein raunávöxtun 5 ára meðaltal 0,9% 2,1%
Fjöldi sjóðfélaga 22 24
Fjöldi lífeyrisþega 78 75
Rekstrarkostnaður í % af eignum 0,5% 0,5%
Eignir í íslenskum krónum í % 100,0% 100,0%
Eignir í erlendum gjaldmiðlum í % 0,0% 0,0%
Eign umfram heildar skuldbindingar í % -71,5% -70,6%
Eign umfram áfallnar skuldbindingar í % -71,8% -71,0%

Ársfundur 2010
Ársfundur Lífeyrissjóðs starfsmanna Húsavíkurkaupstaðar 2010, verður haldinn
fi mmtudaginn 20. maí nk., kl. 10:00 í Stjórnsýsluhúsinu að Ketilsbraut 7-9, Húsavík.

Stjórn og framkvæmdastjóri
Í stjórn lífeyrissjóðsins eru Ása Gísladóttir, Bergur Elías Ágústsson, formaður
Jón Helgi Björnsson

Framkvæmdastjóri er Jón G. Kristjánsson
Aðsetur sjóðsins er hjá Lífeyrissjóði starfsmanna sveitarfélaga
Sigtúni 42, 108 Reykjavík Sími 570 0400 www.lss.is
Lífeyrissjóður starfsmanna
Húsavíkurkaupstaðar
Birt með fyrirvara um prentvillur

Starfsemi á árinu 2009
Allar fjárhæðir í milljónum króna

Breytingar á hreinni eign til greiðslu lífeyris 31.12. 2009 2008
A-deild V-deild S-deild Samtals Samtals
Iðgjöld 4.445 892 79 5.416 4.840
Lífeyrir -488 -20 -179 -687 -401
Fjárfestingartekjur 3.239 405 141 3.785 844
Fjárfestingargjöld -52 -6 -1 -60 -28
Rekstrarkostnaður -72 -9 -81 -67
Hækkun á hreinni eign á árinu 7.071 1.263 39 8.373 5.188
Hrein eign frá fyrra ári 29.192 3.471 934 33.597 28.409
Hrein eign til greiðslu lífeyris 36.263 4.734 973 41.970 33.597
Efnahagsreikningur A-deild V-deild S-deild 2009 2008
Fasteign, rekstrafjármunir og aðrar eignir 134 18 152
Verðbréf með breytilegum tekjum 10.756 1.404 313 12.474 10.964
Verðbréf með föstum tekjum 18.000 2.350 478 20.828 13.099
Veðlán 5.276 689 5.965 6.013
Bankainnistæður 1.418 185 172 1.775 2.488
Kröfur 307 40 1 348 399
Aðrar eignir 399 52 21 473 652
Skuldir -28 -4 -13 -45 -18
Hrein eign til greiðslu lífeyris 36.263 4.734 973 41.970 33.597
Kennitölur A-deild V-deild S-d leið 1 S-d leið 2 S-d leið 3
Nafn ávöxtun 10,0% 10,0% 17,0% 16,5% 15,0%
Hrein raunávöxtun 1,3% 1,3% 7,7% 7,2% 5,9%
Hrein raunávöxtun 5 ára meðaltal 1,0% 1,0% 2,0% 2,0% 5,1%
Fjöldi sjóðfélaga 8.968 3.070 1.124 189 170
Fjöldi lífeyrisþega 1.166 182 92 17 30
Rekstrarkostnaður í % af eignum 0,2% 0,2% 0,0% 0,1% 0,1%
Eignir í íslenskum krónum í % 78,5% 78,5% 62,5% 88,1% 100,0%
Eignir í erlendum gjaldmiðlum í % 21,5% 21,5% 37,5% 11,9% 0,0%
Eign umfram heildar skuldbindingar í % -9,7% -3,5%
Eign umfram áfallnar skuldbindingar í % -1,1% -1,4%

Ársfundur 2010
Ársfundur Lífeyrissjóðs starfsmanna sveitarfélaga verður haldinn þriðjudaginn 2.júní nk.,
kl. 17:00 í fundarsal BSRB að Grettisgötu 89, 101 Reykjavík.
Stjórn og framkvæmdastjóri
Í stjórn lífeyrissjóðsins eru Halldóra Friðjónsdóttir, formaður, Gunnar Rafn Sigurbjörnsson,
Karl Björnsson, Kristbjörg Stephensen, Elín Björg Jónsdóttir og Garðar Hilmarsson

Framkvæmdastjóri er Jón G. Kristjánsson
Lífeyrissjóður starfsmanna sveitarfélaga
Sigtúni 42, 108 Reykjavík Sími 570 0400 www.lss.is
Lífeyrissjóður starfsmanna
sveitarfélaga
Birt með fyrirvara um prentvillur
Nærþjónustan er efst á baugi í Árborg
SVEITARSTJÓRNAR-
KOSNINGAR 2010
Björn Þór
Sigbjörnsson
bjorn@frettabladid.is