Samtíðin - 01.02.1970, Blaðsíða 16
12
SAMTÍÐIN
Hann hefur ekki einungis verið kallaður hug-
myndafræðingur sænskra jafnaðarmanná, heldur
einnig flokksheili þeirra.
PÓLITÍSKT IIIJ<;MY]%T1»AKEKFI
OLOFS FALMES
hins nýja forsætisráðherra Svíþjóðar
SVlAR eignuðust árið sem leið nýjan
forsætisráðherra, sem nýtur mikils álits
og glæstar vonir eru bundnar við. Eftir
myndum að dæma er hann áberandi ungl-
ingslegur í sjón, þrátt fyrir erilssama for-
tíð. Aldur hans er að vísu ekki hár. Hann
verður 43ja ára 31. janúar 1970, sama dag
og þessar línur eiga að koma á prent.
Paime er kynborinn maður. Ætt hans
hefur verið rakin til Gústafs Vasa. Móðir
hans er af baltneskri aðalsætt. Palme er
hámenntaður, hefur m. a. lokið B. A.
prófi á mettíma vestur í Bandaríkjum
og embættisprófi í lögfræði í Stokkhólmi.
Einnig hefur hann hlotið lautinantsgráðu
í riddaraliðinu. Á barnsaldri var hann að
eigin sögn ákaflega heilsuveill og þjáðist
þá meira að segja af berklum ásamt ýms-
um öðrum krankleika. Æskuár sín ger-
nýtti hann til lærdómsiðkana, af því að
hann var óvenju námgjarn og heilsan
leyfði ekki mikla útivist með þátttöku í
leikjum né líkamlega áreynslu. Við sjúkra-
rúm hans sat þá frönsk menntakona, sem
kenndi honum móðurmál sitt. Barnungur
lærði hann einnig þýzku og ensku. Hann
varð stúdent aðeins 17 ára gamall frá
virðulegum menntaskóla í Sigtúnurn. Gat
hann sér þar orðstír sem frábær og metn-
aðargjarn námsmaður, en jafnframt sern
harðskeyttur knattspyrnumaður. Hann er
kjarkmikill og opinskár og hispurslausari
en virðulegum og formföstum sænskum
stjórnmálamönnum hefur stundum þótt
hæfa.
Palme hefur síðan 1953 verið einkarit-
ari Tage Erlanders, fyrirrennara síns í
forsætisráðherraembættinu. Upphaflega
gegndi hann því hlutverki að skrifa og
fága pólitískar greinar og ræður Erland-
ers. En smám saman gerðist Palme hug-
myndafræðingur forsætisráðherrans. Urðu
þeir, þrátt fyrir aldarfjórðungs aldurs-
mun, ákaflega samrýndir, enda andlega
skyldir að kalla má. Það orð lék á, er Er-
lander flutti ræður, að röddin væri að
vísu hans, en að hugmyndirnar væru
Palmes. Eitt sinn, er halda átti flokkssam-
komu jafnaðarmanna, er sagt, að sam-
herjar þeirra Erlanders og Palmes hafi
spurt: „Kemur Erlander og heldur ræðu
hjá okkur, eða kenmr Palme sjálfur?“ Og
í annað sinn var sagt við mann einn í bið-
stofu forsætisráðuneytisins: „Nei, herra
Palme hefur ekki enn tíma til að tala við
yður, en dygði yður ekki að tala við for-
sætisráðherrann í hans stað?“ Þá var
Palme 33ja ára gamall. Síðan hefur hann
gegnt tveim ráðherraembættum og er nú
yngsti forsætisráðherra Evrópu.
ÞEGAR Olof Palme var nýorðinn for-