Samtíðin - 01.02.1970, Blaðsíða 27

SAMTÍÐIN
23
RAD D I R--------
-----RAD D I R---
-----------RAD D I R
Álit tveggja skálda
Jakob Jóh. Smári segir:
ÞAÐ mundi sízt vanþörf á að auka áhuga
almennings, einkum unga fólksins, á ljóðlist,
því honum mun hafa hrakað verulega á síð-
ustu árum. Liggja tli þess ýmiskonar or-
sakir og líklega þó sérstaklega sú, að nú er
um fleiri viðfangsefni að ræða í andlegum
efnum en áður var. Þó er mér ekki grun-
laust um, að formbylting sú, sem orðið hefur
í ljóðunum nú undanfarið, muni eiga þar
drjúgan þátt í, því að mönnum finnast þessi
ljóð engin ljóð vera, þó að þau séu kölluð
það, og harla lítið til þeirra að sækja — og
erfitt að læra og muna. Þetta er að mestu
leyti óbundið mál, og mun því i strangasta
skilningi ekki ljóð kallast.
Ég hygg, að helzta ráðið til þess að endur-
vekja áhuga almennings á ljóðlist, sé það,
að láta unglinga lesa, læra og syngja sem
mest af hefðbundnum réttnefndum Ijóðum,
þá mun og ekki hjá því fara, að unglingunum
aukist orðaforði, en orðfæð þeirra er ein sú
mesta ógnun við íslenzkt mál, sem nú vofir
yfir.
Kristján frá Djúpalæk segir:
Ég tel mikla ástæðu að reyna að auka á-
huga fólks á ljóðum. Þau eru hvorutveggja
lífsnautn og læknisdómur og hafa(á liðinni
tíð bjargað sálarheill þúsundanna.
Helzta ráð til að vekja áhuga á þessari
grein listar, sem annarri, er að kynna hana,
en varast skal að gefa inn of stóra skammta
til dæmis í skólum og útvarpi. Svo maður
hafi matarlyst þarf hæfilega svengd. Óát
kemur í fé, sem veltir fyrir sér of stórri gjöf.
Látið aðeins hina beztu lesara lesa hin beztu
ljóð og sjaldan.
(Úr svörum skálda við spurningunni:
Teljið þér rétt að auka áliuga almennings
á ljóðlist og þá hvcrnig? Mbl. 7. febr. 1968).
Um Picasso
lásum við nýlega eftirfarandi ummæii í er-
lendu blaði:
Það, sem eykur listfrægð Picassos, er, að
fólk heldur, að hann sé brjálaður eða að hann
sé svikari, en heimurinn litur á hann með
lotningu, af því að hann er margmilljónari.
Einungis^það safn af eigin myndum, sem
hann hefur á langri ævi látið á afvikinn stað,
er metið á 5—6 milljónir dollara. Hann er
eins auðugur og Onassis, húseignaauðmaður
eða arabiskur olíukóngur. Hann er heilt fyr-
irtæki á borð við Esso, án þess að þurfa að
skipta um nafn. Og svo er hann kommúnisti.
Naumast er unnt að hugsa sér magnaðri aug-
lýsingar-þverstæðu.
Lausn á MARGT BÝR í ORÐUM á bls. 21:
Ál, áll, áls, ála,ár, árla, árs, ára, ás, ása, á,
áa, áar, áð, lá, lás, lása, lásar, lár, lára, lárs,
láð, láðs, láða, læ, læð, læða, læs, læsa, lær, læra,
lærð, lærða, lærðs, la, las, brá, bráa, bráð, bráða,
bráðs, bræla, bál, báls, bála, bálar, báða, báð-
ar, bæ, bæla, bær, bærs, bæra, bæs, bæsa, bað,
baðs, ball, balls, blað, blaðs, blá, blár, blás, bláa,
bláar, blæ, blæs, blæð, blæða, blæi;, brall, bralls,
ráð, ráð, ráðs, ráða, rás, rása, ræ, ræð, ræða,
ræðst, ræl, ræll, ræls, ræla, ræsa, æð, æða, æð-
ar, æðra, æl, æla, ær, æra, ærst, æs, æsa, æsar,
ærsl, ærsla, ærð, sá, sál sála, sáð, sáðs, sáða,
slá, sár, sær, særa, sæ, særð, sæl, sæll, sæla,
sæða, sal, sarð, að, al, als, at, ar, arð, arðs.
★ Skófatnaður í fjölbreyttu úrvali.
★ Kaupið skóna þar, sem úrvalið er mest.
SKÓYERZLUN PÉTURS ANDRÉSSONAR
Laugavegi 17 — Laugavegi 96 — Framnesvegi 2