Fréttablaðið - 28.06.2010, Blaðsíða 2

2 28. júní 2010 MÁNUDAGUR
SLYS Sænskur svifdrekaflugmað-
ur brotlenti í Spákonufelli fyrir
ofan Skagaströnd í gærmorgun.
Þyrla Landhelgisgæslunnar var
kölluð út og lenti hún á slysstað
korter yfir eitt. Björgunarsveit-
armönnum gekk greiðlega að
ná til mannsins og veita honum
aðhlynningu þar til þyrlan kom
á staðinn. Hann hafði sjálfur
hringt í neyðarlínuna.
Maðurinn var fluttur á bráða-
móttöku Landspítalans með opið
beinbrot á vinstri ökkla og skerta
meðvitund. Hann gekkst undir
aðgerð síðdegis í gær. - sv
Erlendur ferðamaður slasast:
Svifdrekaflug-
maður hrapar
RÓM, AP Vísindamenn telja að einfalt blóðpróf geti í
framtíðinni spáð fyrir um hvenær breytingaskeið
kvenna hefst. Telja þeir að konur geti fengið þess-
ar upplýsingar við ungan aldur og því auðveldað
þeim að skipuleggja líf sitt á nýjan hátt með tilliti til
barneigna.
Þetta kemur fram í nýrri rannsókn sem verð-
ur kynnt á læknaráðstefnu í Róm í dag. Íranskir
sérfræðingar halda þar fram að frumniðurstöður
þeirra bendi eindregið í þessa átt. Prófið spáir ekki
fyrir um hvenær konur verða ófrjóar, sem oftast
er um áratug áður en breytingaskeið hefst, held-
ur er byggt á vitneskju um upphaf breytingaaldurs.
Sérstaklega er þetta talið gagnlegt fyrir þann hóp
kvenna þar sem breytingaskeiðið hefst snemma; eða
á fertugsaldri.
Íranarnir rannsökuðu blóðsýni úr 266 konum
frá tvítugu til fertugs. Þeir mældu hormónamagn
þeirra sem segir til um hversu mörg egg eru eftir
í líkama þeirra og var konunum fylgt eftir í sex ár.
Af 63 konum í þeim hópi skeikaði aldrei meira en
um fjóra mánuði á milli spár vísindamanna og upp-
hafs tíðahvarfa þeirra.
Efasemdir hafa vissulega komið upp um áreiðan-
leika blóðprófs í þessum tilgangi. Telja læknar og
sérfræðingar í frjósemi kvenna líklegra að nokk-
ur próf yfir ævina þurfi til. Eins að rannsaka þurfi
þúsundir kvenna áður en niðurstaðan verður stað-
fest. - shá
Talið að einfalt blóðpróf geti sagt fyrir um breytingaskeið kvenna:
Hafa lært á lífsklukkuna
MÓÐIR OG BARN Konur geta í framtíðinni stillt saman áætlanir
sínar um barneignir, nám og vinnu af töluverðri nákvæmni.
NORDICPHOTOS/GETTY
STJÓRNMÁL Flokksráð Vinstri
grænna tók ekki afstöðu til álykt-
unar um hvort Ísland eigi að draga
aðildarumsókn sína að Evrópusam-
bandinu til baka á fundi sínum um
helgina. Þess í stað var samþykkt
tillaga Ásmundar Einars Daðason-
ar, þingmanns flokksins, um að vísa
málinu til málefnaþings flokksins
sem haldið verður á haustmánuð-
um. Flokksráðið fól stjórn flokksins
að skipa hið fyrsta undirbúnings-
hóp til að halda utan um meðferð
málsins fram að málefnaþinginu.
Flokksráðið ítrekaði jafnframt and-
stöðu VG við aðild að ESB í máls-
meðferðartillögu sinni um Evrópu-
mál.
Tillagan sem lá fyrir fundinum
var svohljóðandi: „Flokksráðsfund-
ur Vinstrihreyfingarinnar – græns
framboðs haldinn í Reykjavík 25.-
26. júní 2010 skorar á þingflokk
VG að standa að því að draga aðild-
arumsókn Íslands að Evrópusam-
bandinu til baka.“
Eins og Fréttablaðið greindi frá
á laugardag er ályktun í þessa veru
flokknum erfið. Hafni flokkurinn
ályktuninni muni harðlínufólk gegn
ESB innan flokksins túlka það sem
stuðning við aðild. Samþykkt álykt-
unar um að draga beri aðildarum-
sókn til baka fari hins vegar illa
í samstarfsflokkinn í ríkisstjórn;
en í stjórnarsáttmála flokkanna
tveggja er kveðið á um að Ísland
skuli sækja um aðild. Flokksráðið,
sem nú frestar því að taka afstöðu
til málsins, samþykkti stjórnarsátt-
málann á sínum tíma.
Á fundinum var samþykkt álykt-
un þar sem eindregið er lagst gegn
sölu eða langtímaframsali á orku-
auðlindum og orkufyrirtækjum; í
því ljósi skuli nefnd um erlendar
fjárfestingar taka upp kaup Magma
Energy á HS Orku.
Alls voru fjórtán ályktanir af
ýmsum toga samþykktar á fundin-
um. - shá
Flokksráð Vinstri grænna vísaði Evrópumálunum til málefnaþings sem haldið verður í haust:
Evrópumál til gagngerrar endurskoðunar
„Snorri, er þetta nýr þáttur í
íslenskri kvikmyndagerð?“
„Já, og við skulum vona að þetta
verði að heilli seríu.“
Snorri Þórisson er framkvæmdastjóri
Pegasus sem framleiðir kvikmyndir.
Fréttablaðið sagði frá því á laugardag að
eftirspurn erlendis frá eftir leiknu íslensku
sjónvarpsefni hefði aukist til muna. Af
því tilefni var rætt við Snorra sem sagði
áhugann vera meiri en nokkru sinni.
FÉLAGSMÁL Barnaverndarstofu
barst kvörtunarbréf, undirritað
af tíu starfsmönnum Götusmiðj-
unnar, í maí síðastliðnum. Í bréf-
inu lýsa starfsmenn yfir áhyggjum
af starfsemi meðferðarheimilisins
og saka Guðmund Tý Þórarinsson,
forstöðumann stofnunarinnar, um
einelti. Í bréfinu segir einnig að
Guðmundur komi mjög sjaldan og
óreglulega inn í Götusmiðjuna og
þegar hann komi þá sé hann með
yfirgang, frekju og hroka.
Barnaverndarstofa lokaði með-
ferðarheimilinu á föstudaginn.
Ástæðurnar eru ásakanir á hendur
Guðmundi um hótanir um ofbeldi
og limlestingar barnanna sem þar
dvelja. Götusmiðjan er meðferðar-
heimili fyrir fólk á aldrinum 15 til
20 ára og voru átta vistmenn í með-
ferð á föstudag. Börnin, sem eru á
aldrinum 16 til 18 ára, voru flest
komin vel á veg í meðferð sinni og
voru gerðar viðeigandi ráðstafanir
varðandi framhaldið.
Bragi Guðbrandsson, forstjóri
Barnaverndarstofu, segir að málið
eigi sér langan og flókinn aðdrag-
anda. Umræður hafi formlega
hafist þegar bréfið barst Barna-
verndarstofu en margt annað hafi
einnig spilað þar inn í, þar á meðal
sú staðreynd að Guðmundur hafði
verið í þónokkurn tíma í viðræð-
um við Barnaverndarstofu um að
láta af störfum og hætta meðferð-
arrekstri.
Guðmundur segir ásakanirnar á
hendur sér vera með öllu ósannar
og að hann mæti í vinnuna allt að
því daglega.
„Ég bý í vinnunni og er alltaf til
taks,“ segir Guðmundur. „Þetta er
í rauninni ekki vinna, þetta er lífs-
stíll.“
Guðmundur tekur fram í samtali
við Vísi að hann fái um sex hundr-
uð þúsund krónur í mánaðarlaun.
Stofnunin er ekki í eigu ríkisins,
heldur Guðmundar sjálfs, sem sér
um að greiða öllum starfsmönnum
laun.
Bragi telur að það sé mikilvægt
að það hafi verið hlustað á börnin
og þær kvartanir sem borist hafa,
bæði frá þeim og starfsmönnum,
um vafasama hegðun Guðmund-
ar.
„Árangur meðferðarinnar er
það slakur að einungis þriðjungur
barnanna nær að ljúka lágmarks-
tíma,“ segir Bragi. „Niðurstaða
okkar var sú að þrátt fyrir gott
starfsfólk var stjórnunarvanda um
að kenna.“ sunna@frettabladid.is
Saka Guðmund um
einelti og hroka
Tíu starfsmenn Götusmiðjunnar sendu Barnarverndarstofu bréf þar sem þeir
biðja um hjálp. Hótanir í garð barnanna var kornið sem fyllti mælinn. Götu-
smiðjunni var lokað á föstudagskvöld og börnunum komið fyrir annars staðar.
FRESTAÐ Flokksráð VG sló umfjöllun um
ýmis stærstu málin á frest til haustsins.
FRÉTTABLAÐIÐ/DANÍEL
SJÁVARÚTVEGUR Hvalbátarnir tveir,
Hvalur 8 og Hvalur 9, héldu til
veiða í gærkvöldi, um tíu dögum
síðar en áætlanir gerðu ráð fyrir.
Bátarnir tveir hafa verið í slipp
á undanförnum vikum og voru
prufukeyrðir í síðustu viku.
Kristján Loftsson hjá Hval hf.
hefur sagt að reynt verði að veiða
leyfilegan kvóta ársins þrátt fyrir
óvissu um framtíð veiðanna.
Heimilt er að veiða 150 lang-
reyðar í ár, auk 25 sem ekki veidd-
ust af kvóta síðasta árs, en þá
veiddust alls 125 langreyðar.
- shá
Hvalbátarnir farnir á miðin:
Stórhvelaveiðar
eru að hefjast
HALDIÐ TIL VEIÐA Ef áætlanir standast
verða veiddar 175 langreyðar í sumar.
FRÉTTABLAÐIÐ/VILHELM
Brenndist á fæti
Ferðamaður brenndist illa á fæti
þegar hann steig í hver á Ölkeldu-
hálsi í gær. Farið var með manninn á
slysadeild Landspítalans í Reykjavík.
Björgunarsveitarmenn úr hálendis-
gæslu Landsbjargar fóru á slysstað.
Maðurinn var staddur með hópi
ferðamanna á svæðinu.
LÖGREGLUFRÉTTIR
SLYS Þyrla Landhelgisgæslunn-
ar var kölluð austur á tólfta tím-
anum á laugardagskvöld eftir
að tilkynning barst frá bænum
Kálfafelli í Suðursveit að kona
hefði þar orðið fyrir árás naut-
gripa. Bærinn er um 30 kílómetra
austan við Kirkjubæjarklaust-
ur. Vegna gruns um innvortis
blæðingar var þyrlan kölluð út
af lækni á Klaustri, en flogið var
með konuna á Landspítalann í
Fossvogi.
Alls eru 28 naut í gerði á Kálfa-
felli og ekki er vitað hvað konan
var að gera þar fyrir innan. Hún
var gestkomandi á nærliggjandi
bæ. Þorsteinn Kristinsson, vakt-
stjóri hjá lögreglunni á Hvols-
velli, segir að atvik sem þessi
séu óalgeng en fyllstu varúðar
eigi ætíð að gæta þegar naut eru
annars vegar. „Menn eiga alltaf
að sýna varúð í kringum stálpuð
naut,“ segir Þorsteinn. „Þetta eru
stórar skepnur og ólíkindatól.“
Konan gekkst undir rannsókn-
ir á Landspítalanum í gær en er
ekki talin alvarlega slösuð. - sv
Kona slasaðist í Fljótshverfi:
Flutt með þyrlu
eftir árás nauta
NAUTGRIPIR 28 naut voru inni í girðing-
unni þar sem konan varð fyrir árás.
MYNDIN ER ÚR SAFNI.
GÖTUSMIÐJAN Engin starfsemi er í Götusmiðjunni eftir að allir skjólstæðingar henn-
ar voru fluttir burt fyrir helgina. Myndin var tekin árið 2007 þegar Bragi Guðbrands-
son átti fund með Guðmyndi Tý Þórarinssyni í Götusmiðjunni. FRÉTTABLAÐIÐ/GVA
Árangur meðferðar-
innar er það slakur að
einungis þriðjungur barnanna
nær að ljúka lágmarkstíma.
BRAGI GUÐBRANDSSON
FORSTJÓRI BARNAVERNDARSTOFU
SPURNING DAGSINS