Fréttablaðið - 28.07.2010, Blaðsíða 10

10 28. júlí 2010 MIÐVIKUDAGUR
Verslanir opnar: mán-mið 11-19, fim 11-21, fös 11-19, lau 11-18 og sun 13-18, www.smaralind.is / 528 8000
E
N
N
E
M
M
/
S
ÍA
/
N
M
4
2
9
9
6
Útsalan í hámarki!
Komdu og gerðu frábær kaup á útsölunni í Smáralind.
ENN MEIRI
VERÐLÆKKUN
FRAKKLAND Nicolas Sarkozy
Frakklandsforseti hefur fordæmt
morðið á 78 ára gömlum frönsk-
um gísl, Michel Germaneau að
nafni, sem var drepinn af meint-
um al Kaída-liðum í norðvestur-
hluta Afríku.
Foringi al Kaída-hópsins hafði
áður lýst því yfir að Germaneau
hefði verið drepinn til að hefna
fyrir leiðangur sem átti að fara til
að frelsa hann. Sá leiðangur mis-
heppnaðist. „Ég fordæmi þessa
villimannslegu framkomu, þessa
hatursfullu aðgerð, sem bitnaði á
saklausu fórnarlambi sem helgaði
líf sitt því að hjálpa innfæddum,“
sagði Sarkozy. Hann hvatti einnig
landa sína til að sniðganga Sahel-
svæðið, en það teygir sig meðal
annars til Malí, Níger og Máritan-
íu en þar hafði Germaneau unnið
að hjálparstarfi.
Nicolas Sarkozy:
Fordæmir morð
á frönskum gísl
HEILBRIGÐISMÁL „Það er af og frá
að Actavis hætti að framleiða lyf
á Íslandi í þeim tilgangi að flytja
þau inn og selja þau dýrar,“ segir
Hjördís Árnadóttir upplýsingafull-
trúi Actavis.
Læknirinn Sveinn Rúnar Hauks-
son gagnrýndi Actavis harðlega í
aðsendri grein í Fréttablaðinu í
gær. Þar sagði hann mörg dæmi um
að fyrirtækið léti hagsmuni sjúk-
linga lönd og leið í gróðaskyni. Lyf
sem ekki skiluðu fyrirtækinu hagn-
aði væru tekin af markaði og væru
ófáanleg í lengri tíma sjúklingum
til mikilla óþæginda, allt þar til
Actavis færi að flytja samheitalyf
til landsins og selja þau þá miklu
dýrar en gömlu lyfin. Þetta væri
mögulegt vegna einokunarstöðu
fyrirtækisins.
Sveinn nefnir nokkur dæmi máli
sínu til stuðnings, meðal annars
kínín-töflur sem notaðar eru við
sinadrætti, og sýklalyfið Staklox.
Hjördís vísar þessum ásökunum
Sveins á bug. Í fyrsta lagi fari fjarri
að Actavis sé með einokunarstöðu á
markaðnum, heldur hafi fyrirtæk-
ið um 13 prósenta markaðshlut-
deild þegar litið sé til verðmæta og
um 35 prósenta hlutdeild sé horft á
magn lyfja sem seld eru.
Sú fullyrðing Sveins að Actavis
sé unnvörpum að taka lítt gróða-
vænleg lyf úr sölu til að hagnast
meira á erlendum samheitalyfjum
sé líka röng. Actavis sé einfaldlega
um þessar mundir að leggja af hluta
af framleiðslu sinni, þar sem fram-
leidd séu gömul vörumerki með
úreltum og óhagkvæmum fram-
leiðsluaðferðum. Í staðinn sé reynt
að finna sambærileg lyf erlendis á
sem hagstæðustu kjörum.
Þá bendir Hjördís á að verð-
hækkanir upp á síðkastið megi í
mörgum tilfellum rekja til breyt-
inga sem urðu á reglum um smá-
söluálagningu í upphafi árs 2009.
Sveinn furðar sig jafnframt í
grein sinni á að engir opinber-
ir aðilar skuli bregðast við þess-
ari þróun, og nefnir Lyfjastofnun
í því samhengi.
Rannveig Gunnarsdóttir, for-
stjóri Lyfjastofnunar, segir stofn-
unina ekki hafa nokkuð með lyfja-
verð að gera, en verðið sé hins
vegar háð samþykki lyfjagreiðslu-
nefndar. Þá geti Lyfjastofnun ekki
heldur komið í veg fyrir það að fyr-
irtæki taki lyf af markaði. „Fyr-
irtækin ráða þessu og ef þau eru
að hagræða í sínum rekstri þá er
ósköp lítið sem lyfjayfirvöld geta
gert,“ segir hún.
Rannveig tekur hins vegar fram
að það sé rangt að ekkert sé gert í
því þegar tiltekin lyf vanti á mark-
aðinn. „Við höfum alltaf áhyggjur
af því þegar lyf hverfa af mark-
aði, og reynum þá, í samvinnu við
fyrirtækin, að leita að einhverjum
framleiðanda sem gæti hugsað sér
að setja lyfið á markað hér,“ segir
Rannveig. Það takist oft en ekki
alltaf. stigur@frettabladid.is
Actavis þvertekur fyrir verð-
hækkanir í krafti einokunar
Læknir sakar lyfjarisann Actavis um að taka lyf kerfisbundið úr sölu og setja þau svo síðar inn á markað
undir öðru heiti á margföldu verði. „Af og frá,“ segir talsmaður Actavis. Lyfjastofnun getur ekkert aðhafst.
RISINN Á MARKAÐNUM Talsmaður Actavis segir fyrirtækið alls ekki hafa einokunar-
stöðu á markaðnum.
Sama lyf margfaldast í verði
Fram kom í fréttum Stöðvar 2 í gær að verð sumra lyfjategunda hefði margfaldast eftir að
Actavis hætti að framleiða það hérlendis og tók að flytja það inn undir öðru nafni frá verk-
smiðjum sínum erlendis. Þessar verðupplýsingar fékk fréttastofa Stöðvar 2 frá apóteki í gær:
Upprunalegt lyf (100 töflur) Verð Samheitalyf (100 töflur) Verð
Hydramil 1.203 Miloride 2.587
Amilin 829 Amitryptiline 4.418
Fólinsýra 952 Actavis Folin Acid 5.110
Apurin 382 Allopurinol Actavis 1.724
Kínin 3.798 Quinine-Sulfat 5.296
„LÍTILL KÁLFUR“ Frjósemi meðal
fílanna í dýragarðinum í Hannover í
Þýskalandi er mikil. Í gær fæddist þriðji
kálfurinn þar í sumar. NORDICPHOTOS/AFP