Fréttablaðið - 28.07.2010, Blaðsíða 20
FERÐALANGAR geta aflað sér upplýsinga um ýmis
réttindi sín á síðunni neytandi.is undir ferðalög. Meðal þess
sem þar er að finna eru upplýsingar um farsímanotkun
utanlands, greiðslukortanotkun, tryggingar og tolla.
6.900
Gashella
Frábær í ferðalagið,
sumarbústaðinn eða heima.
Hitaframleiðsla: 2,2KW
Verð aðeins
+
=
TUDOR frístundarafgeymir Exide hleðslutæki
Rafmagnað frí... ár eftir ár
Mesta úrval landsins af rafgeymum
fyrir húsbíla, hjólhýsi og fellihýsi
ERTU AÐ FARA
Í SUMARFRÍ?
Pósthúsið ehf. annast dreifingu Fréttablaðsins,
nánari upplýsingar á www.visir.is/dreifing
Þú getur afpantað Fréttablaðið á meðan þú ert að heiman.
Hafðu samband í grænt númer 800-1177 eða sendu póst
á netfangið dreifing@posthusid.is
„Fókusinn í ár er á ferðateikning-
ar,“ segir Þóra Sigurðardóttir, einn
af sýningarstjórum sýningarinnar
Dalir og hólar 2010 – ferðateikn-
ingar, sem hófst síðasta laugar-
dag og lýkur 8. ágúst. Sýningin er
sett upp í þriðja skipti um þessar
mundir og breytist þema sýning-
arinnar ár hvert. Handverk var í
brennidepli í fyrra og sýningar-
rýmin þar áður.
Sýningin er sett upp á fjórum
stöðum við Breiðafjörð og Gils-
fjörð. Hún er í gamla kaupfélags-
húsinu á Króksfjarðarnesi, í gamla
skólahúsinu í Ólafsdal, gömlu hlöð-
unni að Nýp á Skarðsströnd og
í gamla samkomuhúsinu Röðli á
Skarðsströnd. „Allt eru þetta hús
sem hafa gegnt öðru hlutverki
áður og hafa verið yfirgefin á ein-
hverjum tímapunkti,“ segir Þóra
og heldur áfram: „Einn þáttur í
Dalir og hólar-sýningunum hefur
einmitt verið að vekja athygli á
verðmætum sem liggja í bygging-
um sem ekki er hirt um.“
Markmið sýningarinnar er að
taka þátt í mannlífi svæðisins,
efna til samstarfs við heimamenn
og leiða sýningargesti í ferðalag
um svæðið. Þóra segir sjö lista-
menn taka þátt í sýningunni.
„Nálgunin er mjög fjölbreytt og
ólík hjá hverjum og einum,“ upp-
lýsir Þóra og nefnir dæmi: „Krist-
ín Rúnarsdóttir fór í ökuferð og
stoppaði á leið sinni og skissaði.
Útgangspunktur Önnu Guðjóns-
dóttur er bréf Collingwood til
Dóru dóttur sinnar þar sem hann
lýsir gönguferð í Gilsfirði og Helgi
Þorgils teiknaði og skráði texta úr
eggjaferð út í Eyjar í vor.“
Dagbjört Drífa Thorlacius heim-
sótti unga bændur í sveitinni í
sauðburðinum og málaði mynd-
ir úr ferðinni. „Þetta eru bændur
sem eru fæddir frá 1975 til 1984.
Ég fékk að heilsa upp á þá og sjá
hvað þeir væru að gera. Þeir voru
búnir að vera í fjárhúsunum yfir
nótt og ég fékk að kíkja inn í fjár-
húsin,“ segir Dagbjört.
Dagbjört segist hafa mikinn
áhuga á fólki. „Ég er mjög upptek-
in af manneskjunni og umhverfi
hennar. Mér finnst mjög gaman
að vera í kringum fólk,“ útskýrir
hún og segir bændurna hafa tekið
sér mjög vel. „Mér fannst kjörið að
fara í mannlífið í Dölum því sýn-
ingin átti að fjalla um það.“
Nánari upplýsingar má finna á
www.nyp.is/dalirogholar2010.
martaf@frettabladid.is
Mannlífið í Dölunum
Ungir bændur, teikningar úr eggjaferð og skissur frá ökuferð er meðal þess sem sjá má á sýningunni
Dalir og hólar 2010 – ferðateikningar, sem haldin er á fjórum stöðum við Breiðafjörð og Gilsfjörð.
Ungir bændur sem Dagbjört Drífa Thorlacius hitti tóku vel í verkefni hennar.
MYND/ÚR EINKASAFNI
Þorri Hringsson sýnir í Ólafsdal.
MYND/ÚR EINKASAFNI
Anne Thorseth sýnir í Röðli.
MYND/ÚR EINKASAFNI
„Allt eru þetta hús sem hafa gegnt öðru hlutverki áður og hafa verið yfirgefin á
einhverjum tímapunkti,“ segir Þóra Sigurðardóttir. MYND/ÚR EINKASAFNI