Fréttablaðið - 28.07.2010, Blaðsíða 22
28. JÚLÍ 2010 MIÐVIKUDAGUR2 ● fréttablaðið ● land undir fót
● ÞEGAR FARIÐ ER Í FERÐALAG ER ÝMISLEGT SEM
GOTT ER AÐ HAFA MEÐ Í BÍLNUM.
● Vegakort ætti alltaf að vera í bílnum. Það kemur sér
alveg örugglega vel.
● Vatn í flöskum eða brúsum er gott að
hafa við höndina ef ferðalangarnir verða
þyrstir.
● Blautþurrkur getur verið gott að hafa
til að þurrka sér um hendurnar ef þær
verða óhreinar.
● Teppi er gott að hafa í bílnum ef
einhver vill leggja sig eða er
bara kalt.
● Súkkulaði getur komið sér
vel við hinar ótrúlegustu að-
stæður þó ekki sé nema bara
ánægjunnar vegna.
Verslunarmannahelgin er á
næsta leiti og sjálfsagt margir
sem ætla þá að leggja land
undir fót. Að mörgu þarf að
huga áður en lagt er af stað,
meðal annars er mikilvægt að
farartækið sé í góðu lagi.
„Til að útilegan eða ferðalagið
heppnist sem allra best er mikil-
vægt að setja saman gátlista áður
en lagt er af stað og á það ekki síst
við um ökutæki og allt sem þeim
viðkemur, enda verða þau að vera
í fullkomnu standi,“ segir Karl Sig-
urðsson, sviðsstjóri ökutækjasviðs
hjá Frumherja, og telur upp nokkur
atriði sem vert er að hafa í huga.
„Bílrúðurnar þurfa að vera í
lagi og þurrkurnar og rúðuspraut-
an, enda ekkert verra en skítugar
rúður. Eins er mikilvægt að vera
viss um að öll ljós á bifreiðinni séu
nothæf og sömuleiðis á tengivagni,
tjaldvagni eða fellihýsi, standi til
að hafa slíkt meðferðis. Þá þarf að
festa vagninn vel og vandlega aftan
á ökutækið svo hann losni ekki og
valdi hugsanlega einhverju tjóni.“
Að sögn Karls er líka mikilvægt
að loftþrýstingur í dekkjum sé rétt-
ur, en upplýsingar um hann er yfir-
leitt að finna í hanskahólfi bifreið-
arinnar, í dyrastafnum eða jafnvel á
innanverðu bensínlokinu. „Þá verða
varadekk og verkfærakassi að vera
við höndina ef springa skyldi á
bílnum og sömuleiðis öryggisþrí-
hyrningurinn sem á að stilla upp
100 metrum aftan við bifreiðina á
meðan skipt er um dekk.“
Karl segir áríðandi að ganga úr
skugga um að nægileg smurolía sé á
ökutækinu, sérstaklega ef til stend-
ur að ferðast um fjöll og firnindi.
„Smurolían þarf að vera í hámarki
þar sem bílar fara þá í mikinn halla
en við slíkar kringumstæður verð-
ur dælan að geta náð í olíuna.“
Loks minnir Karl á að hafa beltin
alltaf spennt meðan á akstri stend-
ur, tryggja öryggi barnanna og
stilla aksturshraðann vð aðstæður.
„Þó aldrei þannig að menn fari um-
fram hámarkshraða,“ tekur hann
fram. - rve
Örugg úti á þjóðveginum
Karl Sigurðsson, sviðsstjóri ökutækjasviðs hjá Frumherja, segir mikilvægt að farartæki séu í góðu standi áður en lagt er af stað í
ferðalag. FRÉTTABLAÐIÐ/ARNÞÓR
Mikilvægt er að réttur loftþrýstingur sé í dekkjum.
„Við erum mestmegnis í því að taka bíla og búa
undir hleðslu fyrir fellihýsi, tjaldvagna og hjólhýsi,
svo nóg sé af rafmagni á geymnum þegar komið er á
áfangastað,“ segir Ásgeir Örn Rúnarsson, hjá AMG
aukaraf í Kópavogi sem sérhæfir sig í sölu á fjar-
skiptabúnaði og ísetningu á aukarafbúnaði í bíla.
Þar hafa starfsmenn verið á fullu við að gera breyt-
ingar á ökutækjum fyrir bifreiðaeigendur sem ætla
að ferðast innanlands á næstunni.
„Í einhverjum tilfellum erum við að setja spennu-
breyta í bíla og breyta úr 12 volta rafmagni í 230
volta heimarafmagn fyrir þá sem vilja hafa með sér
í ferðalagið tölvur, myndavélar og vídeóupptöku-
vélar eða annan munað, svo fátt eitt sé nefnt,“ segir
hann en getur þess að þó sé algengara að fólk vilji að
ljósabúnaðurinn sé yfirfarinn vel og vandlega fyrir
ferðalagið eða kerra tengd tryggilega aftan á bílinn.
Gps-tæki segir Ásgeir eftir sem áður eftirsótt,
einkum hjá þeim sem ætla í mótorhjólaferðir, göng-
ur eða útreiðartúra og sömuleiðis spot-tæki, sem
geta sent boð í heimatölvu viðkomandi ferðalangs
þar sem vinir og vandamenn geta fylgst áhyggju-
lausir með ferðum hans.
„Þá fá sér margir þjófavarnarkerfi í bílinn, sem
samanstendur af fjarstýringu og skynjurum en sala
á þeim hefur stóraukist eftir kreppu. Fjarstýringuna
notar eigandinn til að læsa bílnum og það fer ekki á
milli mála ef einhver reynir að brjótast inn í hann
eða ræsa, því þá fer kerfið í gang með tilheyrandi
óhljóðum,“ segir hann og brosir. - rve
Aukarafbúnaður í bifreiðar
Ásgeir með spot-tækið sem sendir boð í tölvu ferðalangsins
þar sem hægt er að fylgjast með ferðum hans. FRÉTTABLAÐIÐ/GVA
● GOTT SKIPULAG Þegar
matar- og drykkjarföng eru höfð
með í nesti er mikilvægt að þau
haldist fersk og þar kemur kæli-
box að góðum notum. Ofan
í kælibox getur verið sniðugt
að setja aukalega klakabox svo
kuldinn verði meiri og haldist
lengur. Eins er sniðugt að bæta
við frosnum súpum og kjötkáss-
um og nota til kælingar. Þá getur
komið sér vel að taka tvö kæli-
box ef börn eru með í för, annað
undir mat og hitt fyrir drykki. Þannig
geta börnin óhikað sótt sér drykki
þegar þau verða þyrst án þess að
hrófla við matnum.
● FÁ GRÖMM FULL AF ORKU Ósoðið pasta er létt að bera í bak-
pokanum en gefur orku í kroppinn þegar búið er að matreiða það. Auð-
vitað er skilyrði að aðstaða sé til að sjóða það á
áfangastað, hvort sem prímus er með í för eða
stoppað er í skála með eldunaraðstöðu.
Til að bragðbæta pastað er upplagt
að tína blóðberg, lítils háttar hvönn
eða annan íslenskan kjarngróður
á leiðinni og sjóða með. Ostbiti
sem slæðst hefur með í pokann og
bræddur er með pastanu í lokin gerir
svo gæfumuninn og gerir máltíðina að
hátíðaverði.