Fréttablaðið - 29.07.2010, Blaðsíða 30

29. júlí 2010 FIMMTUDAGUR4
Einkennilegt þegar sum-artískan er á útsölu að hugsa næstum ár fram í tímann en svona er
tískuheimurinn, alltaf langt á
undan. Reyndar var það svo erf-
itt að þessu sinni að herratíska
næsta sumars sem kynnt var í
París í lok júní fór dálítið fram
hjá mér. Í kreppunni er einnig
minna lagt í herrasýningarnar
og sömuleiðis hefur sýningar-
dögum fækkað eins og sýnend-
um og sýningarnar fara fram á
þremur dögum í stað fjögurra
áður.
Aðallitirnir næsta sumar eru
eins óskemmtilegir og þeir voru
í kventískunni síðasta vetur og
afskaplega ólíkir tískulitunum
þessa sumars þar sem mikil lita-
gleði ríkir og sést á götum um
þessar mundir. Mikið er af hvítu
og svörtu sem er blandað við
örfáa aukaliti eins og grænt,
drapplitað og fúksíubleikt.
Annað sem kannski skýr-
ist af erfiðum tímum er
hversu jarðbundnir hinir
litríkustu furðufugl-
ar tískunnar eru nú
allt í einu orðnir. Sem
dæmi má nefna John
Galliano, aðalhönn-
uð Dior, sem hjá sínu
eigin tískuhúsi hefur
löngum sleppt sér
lausum á herrasýn-
ingum. Hann sýndi
að þessu sinni aðal-
lega dökk jakka-
föt, svört, grá og
drapplituð, með
slettu af hvítu.
Jakkafötin eru
nánast nothæf
fyrir hvern
sem er ef
frá er talið
að buxurn-
ar voru
oft síðar
í klofið.
Litagleðin er ekki
mikil og öðruvísi
mér áður brá hjá Galliano.
Sama má segja um marga
aðra hönnuði í tísku næsta sum-
ars.
Þó ekki hafi beinlínis verið
um byltingarkennda hönnun að
ræða hjá Jean-Paul Gaultier var
margt fallegt sem hann bauð upp
á í anda Yves heitins Saint-Laur-
ent og Marrakech í Marókkó þar
sem hann dvaldi löngum. Þarna
mátti sjá eyðimerkurjakkann
fræga, klofsíðu arabísku buxurn-
ar líkt og hjá Galliano og þunn-
ar, síðar skyrtur, fyrirsæturn-
ar margar með hin frægu stóru
gleraugu meistara YSL.
Tveir hönnuðir tóku meiri
áhættu hvað varðar liti og
form á sýningum sumarsins
2011. Annar þeirra er Rynshu
sem áður hét Masatomo en
skipti nýlega um nafn á fyrir-
tæki sínu að japanskri hefð þar
sem hann er á krossgötum um
þessar mundir. Þessi frum-
legi hönnuður hefur ekki
farið mjög hátt en þó sýnt
í París í nokkur misseri.
Hann er ekki hræddur við
neitt þegar tískan er ann-
ars vegar. Rynshu er
einn af fáum hönnuð-
um sem leikur sér að
litum eins og skær-
gulu en einnig þunn-
um gegnsæjum efnum
og pallíettum. Hinn
hönnuðurinn sem má
nefna fyrir frumleika
er Raf Simons. Sýning
hans var áhugaverð
og hann leikur sér
að mjög kvenlegum
sniðum fyrir herra
með síðum aðsniðn-
um jökkum sem eru
renndir á bakinu
með breiðum renni-
lás. Buxurnar við
eru mjög víðar og
bermúdabuxurn-
ar líkjast pilsum.
Litirnir hvítir
en einnig fúks-
íubleikt. Spurning
hvort þetta sjáist á Lauga-
veginum næsta sumar.
bergb75@free.fr
Herrar í hallæri
Stella McCartney hannar nýja
línu fyrir Adidas.
Fatahönnuðurinn Stella McCartn-
ey hefur opinberað sína nýjustu
línu af íþróttafötum fyrir íþrótta-
vörurisann Adidas. Myndir af
hönnuninni birtust á vef-
síðu breska Vogue en
þar má sjá íþrótta-
föt með sjálflýs-
andi munstri. Stella
sagði í samtali við
vefinn að útihlaup
væru ein vinsælasta
afþreyingin hjá
fólki sem vildi
hreyfa sig og
þegar vet-
urinn skylli
á með öllu
sínu myrkri
væri nauð-
synlegt að
sjást vel.
„Við not-
uðumst
við hlé-
barða-
munstur
svo að
þetta
yrði
ekki
of karl-
manns-
legt,“ sagði
Stella.
- jma
Upplýst
íþróttaföt
ÚR HÁBORG TÍSKUNNAR
Bergþór Bjarnason skrifar frá París
Bandaríska leikkonan Angelina
Jolie er á ferð og flugi þessa
dagana við að kynna nýjustu
mynd sína, Salt.
Jolie var á dögunum í Rússlandi og
Japan við frumsýningu myndar-
innar. Hún valdi kjól eftir Versace
bæði í Moskvu og Tókýó.
Jolie valdi sér óvenjulegan kjól
við frumsýninguna í Moskvu. Hún
var í rauðum, síðkjól en er frekar
þekkt fyrir að klæðast dökkum
fötum. Hún bar enga skartgripi
og hárið var slegið.
Fyrir frumsýning-
una í Tókýó valdi
Jolie sér svart-
an Versace-kjól en
hún kom til Japans
með börnum sínum;
Maddox, Zahara,
Pax og Shiloh.
Kjóllinn var síður
og með rúllukraga
en vakti þó sér-
staklega athygli
fyrir háa klauf
sem sýndi allan
fótlegginn. Eftir
frumsýninguna
var rætt um að
hún væri orðin
hættulega
grönn. - mmf
Jolie velur
Versace
Há klauf kjólsins sem Jolie mætti í á
frumsýningu Salt í Tókýó vakti athygli.
NORDICPHOTOS/AFP
Jolie rauð í
Rússlandi.
NORDICPHOT-
OS/AFP
SÚKKULAÐIVAX
HAFRAVAX
SÚKKULAÐISTRIMLAR
F. ANDLIT OG LÍKAMA
ATH. Súkkulaðivax hentar vel fyrir viðkvæma líkamshluta
ÚTSÖLUSTAÐIR: Apótek og snyrtivöruverslanir
Háreyðingavax sem hægt er að hita í örbylgjuofni
og einnig vaxstrimlar
DALVEGI 16c · 201 KÓPAVOGI
SÍMI 568 6411 · WWW.RAFVORUR.IS
· Tekur 12 Kg · Hljóðlát
· Stórt op > auðvelt að hlaða
· Sparneytin
12 kg
Þvottavél
og þurrkari
Hringdu í síma
ef blaðið berst ekki