Fréttablaðið - 29.07.2010, Page 50

38 29. júlí 2010 FIMMTUDAGUR
Tökur á kvikmyndinni Djúpið hófust á þriðju-
dag. Þetta er stærsta mynd leikstjórans Baltasars
Kormáks sem hann tekur upp á íslensku. Djúpið fjall-
ar um harmleikinn við Heimaey árið 1984 þegar skip-
ið Hellisey sökk með þeim afleiðingum að fjórir létust.
Guðlaugur Friðþórsson vann það afrek að synda fimm
kílómetra til Eyja og fer Ólafur Darri Ólafsson með hlut-
verk hans. „Þetta leggst rosalega vel í mig,“ segir leik-
stjórinn Baltasar Kormákur. „Þetta er stærsta mynd
sem ég hef tekið á íslensku og við verðum þarna með níu
tonna bát sem við sökkvum.“ Hann bætir við að við-
brögðin við handritinu hafi verið mjög góð og vel hafi
gengið að fjármagna myndina. Tökur á Djúpinu standa
yfir út ágústmánuð og halda síðan áfram í vetur.
Jóhann G. Jóhannsson og Stefán Hallur Stefánsson fara með hlutverk í Djúpinu. FRÉTTABLAÐIÐ/ANTON
Tökur um borð
í Hellisey
Einn skipverjanna á
Helliseynni farðaður
fyrir atriði í myndinni.
Ólafur Darri fer
með hlutverk
Guðlaugs Frið-
þórssonar. Hérna
rýnir hann í bók á
tökustað.
Hafðu samband