Fréttablaðið - 13.08.2010, Blaðsíða 16

16 13. ágúst 2010 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Talið er nú að vel á annað hundrað aðilar séu handhafar kvóta til fisk-
veiða í landhelgi Íslands. Allt frá því
að það fyrirkomulag var tekið upp, sem
sjálfsagt var til að hamla gegn ofveiði,
hefur átt sér stað sífelld og vaxandi tog-
streita um þessi kvótaréttindi. Var kvót-
inn bundinn við ákveðin skip, en án þess
þó að það skip þyrfti endilega að veiða
hann. Vandræðin hófust þegar þeir sem
fengu kvótann ókeypis fóru að selja þessi
réttindi dýrum dómum sín í milli og slá
lán í fjármálastofnunum út á óveiddan
fisk. Stundum tíðkaðist að hafa skipin
bundin við bryggju og leigja kvótann eða
selja. Nú er útgerðin sem heild stórskuld-
ug, sem bendir til að einhvers staðar hafi
verið maðkur í mysunni. Og ýmislegt
fleira er nú til ama.
Í fyrsta lagi hafa núverandi stjórn-
völd verið með tilburði til að koma á
svonefndri fyrningarleið í sjávarút-
vegi til þess að vinda ofan af því mis-
rétti og svindli sem þar viðgengst og
tryggja að þjóðin fái sanngjarnan arð af
þessari auðlind sinni. Í öðru lagi hefur
Alþingi samþykkt að sækja um aðild að
ESB. Með aðild að ESB myndi evran trú-
lega verða okkar framtíðargjaldmiðill,
þar sem stjórnvöld gætu ekki hringlað
með gengið eins og gert hefur verið með
vesalings krónuna okkar eftir stundar-
hagsmunum LÍÚ á umliðnum árum. En
kannski eiga einhverjir slíka drauma?
Þess vegna var landsfundur Sjálfstæð-
isflokksins látinn samþykkja að draga
ætti þessa umsókn Alþingis til baka taf-
arlaust. Miklu moldroki er þyrlað upp til
að ófrægja ESB og fátt til sparað.
Í slagtogi með þessu liði er svo bænda-
forystan sem telur sér ógnað með því að
missa núverandi styrkjakerfi, þótt vitað
sé að Ísland fellur allt undir ákvæði ESB
um búskap á norðlægum slóðum og þau
fríðindi sem því fylgja. Þetta nýja blá-
rauð-græna bandalag er samstiga félags-
skapur sem nefnir sig „Heimssýn“ (mjög
táknrænt nafn). Þar að auki hafa ýmsar
tegundir af þjóðrembukverúlöntum vilj-
að láta rödd sína heyrast í þessum end-
emis „þjóðkór“. Merkisberi þessarar
fylkingar er svo sjálft Morgunblaðið,
sem reyndar berst í bökkum fjárhags-
lega og lifir eins og tilberi á spena hinna
stórskuldugu útgerðarkónga og -drottn-
inga Íslands.
Hverjir vilja hringla með gengið?
Þjóðmál
Sigmar
Hróbjartsson
ellilífeyrisþegi
Eyjarslóð 5 101 Reykjavík S: 511 2200 www.seglagerdin.is
Tilboð kr. 690.000
ÆGISVAGN
(fullt verð kr. 1.190.000)
Erum að selja 2010 árgerð
af Ægisvögnum okkar sem
voru í leigu hjá okkur í sumar.
ÆGIR
690.000,- kr.
TILBOÐ
Í kröppum dansi
Jón Bjarnason, landbúnaðarráðherra,
hefur legið undir ámæli undanfarna
daga vegna hins svokallaða mjólkur-
frumvarps. Jón hefur verið tregur til
að tjá sig um frumvarpið í fjölmiðlum
en í kvöldfréttum RÚV á þriðjudags-
kvöld var borin undir hann sú
gagnrýni sem komið hefur fram á
frumvarpið en Samkeppniseftir-
litið hefur til að mynda sagt það
festa í sessi fákeppni á mjólkur-
markaði.
Góð og slæm
fákeppni
Forvitnilegt var að fylgjast
með því hvernig Jón svaraði þessari
gagnrýni. Aðspurður gagnrýndi hann
Samkeppniseftirlitið á móti fyrir að
hafa staðið þannig að málum að
hér ríki nánast fullkomin fákeppni á
matvörumarkaði. Sá málflutningur
verður ekki skilinn öðruvísi en að
honum finnist fákeppni á matvöru-
markaði hið versta mál en
fákeppni á mjólkurmarkaði hið
besta mál.
Venesúela eða Kúba?
Guðlaugur Þór Þórðar-
son þingmaður
birti grein á
vefmiðlinum
Pressunni á miðvikudag þar sem
hann telur upp nokkur atriði sem
hann virðist telja axarsköft núver-
andi ríkisstjórnar. Guðlaugur klykkir
út með því að lýsa yfir að þetta séu
ekki fréttir frá Venesúela eða Kúbu
heldur frá Íslandi Jóhönnu Sigurðar-
dóttur. Síðasta atriðið sem Guð-
laugur telur upp áður en hann
nefnir Venesúela og Kúbu
er að utanríkisráðherra hafi
kennt stækkunarstjóra ESB
Evrópufræði. Vandséð er af
hverju slíkar fréttir ættu
að berast frá téðum
löndum.
magnusl@frettabladid.isB
aráttunni gegn kynferðislegu ofbeldi og barnaníði má
aldrei linna. Um aldir lágu kynferðisglæpir í algeru
þagnargildi. Þannig sátu þolendur uppi aleinir með
afleiðingar þess níðs sem þeir höfðu orðið fyrir og ger-
endur fengu iðulega að halda áfram iðju sinni óáreittir.
Umhverfið snéri sér bara undan og þóttist ekki sjá og vita.
Kynferðisglæpir hafa þrifist í skjóli valds og því miður einnig í
skjóli þeirra sem eiga að liðsinna og hjálpa. Þannig hefur kynferðis-
legt ofbeldi því miður þrifist innan kirkjunnar um aldir.
Íslenska þjóðkirkjan hefur undanfarin misseri glímt við nokkur
slík mál, bæði ný og gömul. Þegar kona sakaði þáverandi biskup,
Ólaf Skúlason, um tilraun til nauðgunar meðan hann var sóknar-
prestur fyrir fjórtán árum hafði
kirkjan enga burði til að taka
á málinu. Sem betur fer hefur
kirkjan þroskast síðan og komið
hefur verið upp formlegum far-
vegi fyrir slík mál.
Íslenska þjóðkirkjan verður að
halda áfram á þessari braut. Nú
er formlegi farvegurinn til staðar
en svo virðist sem enn vanti hugrekki til að vinna í kynferðisbrota-
málum af einurð. Um það vitnar til dæmis sú leynd sem reynt er að
viðhafa um störf og verkefni fagráðs um meðferð kynferðisbrota
innan kirkjunnar. Þegnar þjóðkirkjunnar hljóta að eiga rétt á að fá
upplýsingar um fjölda og umfang slíkra brota innan kirkju þeirra.
Formaður ráðsins hefur sagt að ákvörðunin verði endurskoðuð að
loknum sumarleyfum. Vonandi fer þá fagráðið í gegnum starfshætti
sína og ákveður að vinna á opinn hátt.
Í fyrra var einum starfsmann í æskulýðsstarfi vikið úr starfi
vegna kynferðisbrota. Málinu var vísað til barnaverndar en biskup
lagði áherslu á það í útvarpsfréttum í gærkvöldi að ekki hefði verið
um lögreglumál að ræða. Svo virtist sem honum þætti það minnka
vægi málsins. En spyrja má á móti: Hvers vegna í ósköpunum er
kynferðisbrot á barni sem á sér stað innan vébanda kirkjunnar ekki
lögreglumál?
Samfélagið hefur á síðustu árum horfst í augu við alvarleika
kynferðisbrota af vaxandi raunsæi og þunga í stað þess að víkjast
undan þeim af ótta og heigulshætti. Það hlýtur að verða krafan að
þjóðkirkjan sé þarna samstíga þjóð sinni því forsenda þess að hægt
sé að vinna á ofbeldinu er að viðurkenna það og alvarleika þess.
Ef kirkjan opnar ekki dyr sínar fyrir þolendum kynferðisbrota,
horfist í augu við þá og býður þeim hjálp, heldur fer undan brotunum
í flæmingi þá er hún að bregðast sínu fólki.
Biskup Íslands braut vissulega blaði í fyrra þegar hann bað konur
og börn sem brotið hefði verið á af hálfu starfsmanna og þjóna kirkj-
unnar fyrirgefningar á þeirri þjáningu og sársauka sem þau hefðu
liðið. Sömuleiðis er ástæða til að fagna að kirkjan er vissulega betur
búin til þess nú en fyrir fjórtán árum að takast á við kynferðislegt
ofbeldi innan vébanda sinna. Ljóst er þó að hún verður að gera betur
ef trúnaður á að ríkja á milli kirkjunnar og þeirra sem hún á að
þjóna.
Kirkjan má ekki hylma yfir kynferðisbrot:
Trúnaður
verður að ríkja
SKOÐUN
Steinunn
Stefánsdóttir
steinunn@frettabladid.is