Fréttablaðið - 13.08.2010, Blaðsíða 42

22 13. ágúst 2010 FÖSTUDAGUR
timamot@frettabladid.is
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
Brynjólfur G. Vilhjálmsson
lést á Landspítalanum við Hringbraut þann 10. ágúst.
Fyrir hönd aðstandenda,
Eygló Ingvadóttir
Guðmundur Brynjólfsson Björk Hjaltadóttir
Gísli Brynjólfsson J. Margrét Ingólfsdóttir
Skúli Brynjólfsson
Bróðir okkar,
Teitur Þorleifsson,
Álfaskeiði 64, Hafnarfirði,
lést á St. Jósefsspítala Hafnarfirði miðvikudaginn
28. júlí. Útförin hefur farið fram í kyrrþey. Sérstakar
þakkir færum við starfsfólki heimahjúkrunar Sólvangs
Hafnarfirði og St. Jósefsspítala Hafnarfirði.
Guðmundur Þorleifsson og fjölskylda
Gróa Þorleifsdóttir og fjölskylda
MOSAIK
Innilegar þakkir fyrir auðsýnda samúð
og hlýhug við andlát og útför okkar
ástkæru,
Estherar Lárusdóttur.
Sérstakar þakkir til þeirra er komu að umönnun
hennar síðustu mánuðina.
Bragi Jóhannsson Áslaug Kristinsdóttir
Þóra Ester Bragadóttir Sverrir G. Pálmason
Hanna Björk Bragadóttir Andreas Nyman
Bergur Már Bragason Hrafnhildur Örlygsdóttir
og langömmubörn.
Starfsemi Söguseturs íslenska hestsins
er nú komin undir eitt þak á Hólum í
Hjaltadal. Af því tilefni verða opnað-
ar tvær sýningar á Hólahátíð annað
kvöld.
„Sögusetur íslenska hestsins er
alþjóðleg miðstöð þekkingar og
fræðslu um sögu íslenska hestsins,“
útskýrir Arna Björg Bjarnadóttir,
framkvæmdastjóri sögusetursins, en
að setrinu standa Hólaskóli og Byggða-
safn Skagfirðinga. Arna segir það mik-
inn áfanga að koma starfseminni undir
eitt þak en meðal verkefna setursins
eru heimildasöfnun og fræðslustarf af
ýmsu tagi.
„Við miðlum með margvíslegum
hætti svo sem fyrirlestrum, ráðstefn-
um, málþingum og sýningarhaldi og
setjum upp lifandi viðburði. Einn-
ig höfum við byggt upp öflugan ljós-
myndabanka og það gerir starf okkar
sýnilegra að vera komin á einn stað.“
Húsnæðið sem um ræðir stendur í
hjarta Hólastaðar og var byggt árið
1931 sem hesthús, hlaða og geymsla.
Það á því vel við starfsemi söguset-
ursins. Arna og hennar fólk fékk húsið
afhent á vordögum og hafa unnið hörð-
um höndum í sumar við að koma því í
stand.
„Þetta er reisulegt hús sem við
höfum gert alveg upp og opnuðum
meðal annars milli hæða. Þetta er búin
að vera mjög skemmtileg vegferð og ég
hef verið sérstaklega heppin með allt
starfsfólk sem unnið hefur að uppbygg-
ingunni. Vinnudagarnir voru langir en
skemmtilegir og allir lögðust á eitt. Við
stofnuðum meðal annars hollvinasam-
tök í kringum vinnuna en allt samfélag-
ið hérna hefur reynst okkur vel og gefið
fé, muni og timbur til vinnunnar.“
Arna segir Sögusetur íslenska hests-
ins einu stofnunina sinnar tegundar í
heiminum. Hún bendir á að útlending-
ar hafi mikinn áhuga á íslenska hest-
inum og hann sé vinsælasti fulltrúi
okkar á erlendri grund.
„Við megum ekki gleyma því að það
eru fleiri íslenskir hestar á erlendri
grundu en hér heima. Við eigum að
nýta okkur hestinn til að fá jákvæða
umfjöllun um Ísland en fólk sem hefur
áhuga á íslenska hestinum hefur líka
áhuga á landi og þjóð og íslenski hest-
urinn er nátengdur þjóðlífinu frá því
land byggðist. Við opnum því klukkan
18 annað kvöld, annars vegar fyrsta
hluta af þremur um sögu íslenska
hestsins á tímabilinu 1900 til 1950 og
hins vegar sérsýningu með ljósmynd-
um og vídeóverki sem Helgi Thorodd-
sen, nemandi við Listaháskóla Íslands
hefur haft veg og vanda af en auk hans
eiga Gígja Einarsdóttir og Jón Hilm-
arsson ljósmyndir á sýningunni. Við
reiknum með að hér verði mjög líflegt
á svæðinu á morgun og tilvalið fyrir
fólk að líta við.“ heida@frettabladid.is
SÖGUSETUR ÍSLENSKA HESTSINS: STARFSEMIN UNDIR EITT ÞAK Á HÓLUM
Byggt sem hesthús og hlaða
ÁFANGASIGUR Starfsemi Söguseturs íslenska hestsins fékk aðsetur í gömlu hesthúsi og hlöðu
á Hólum í Hjaltadal. Allir lögðust á eitt við að gera húsið upp að sögn Örnu Bjargar Bjarnadótt-
ur, framkvæmdastjóra Sögusetursins. MYND/HELGI THORODDSEN
MERKISATBURÐIR:
1900 Minnisvarði um Ottó
Wathne, útgerðarmann á
Seyðisfirði, afhjúpaður.
1908 Hans Reck jarðfræðing-
ur og Sigurður Sumar-
liðason bóndi ganga á
Herðubreið fyrstir manna.
1950 Minnismerki um Jón bisk-
up Arason afhjúpað á
Hólum í Hjaltadal.
1961 Bygging Berlínarmúrsins
hefst.
1992 600 manns sækja fyrsta
útibíóið hér á landi, sýnd
var myndin Grease.
1993 Kvikmyndin Jurassic Park
frumsýnd.
2004 Björk syngur á opnun Ól-
ympíuleikanna í Grikk-
landi.
Þennan dag fyrir 23 árum opnaði Kringlan dyrnar
fyrir viðskiptavini. Kringlan var ein af fyrstu versl-
unarmiðstöðvunum sem byggðar voru í Reykja-
vík en áður höfðu minni verslunarkjarnar eins
og Kjörgarður, Austurver, Suðurver og Glæsibær
verið byggðir. Kringlan var þó fyrsta eiginlega
verslunarmiðstöðin með tugi verslana og innri
göngugötu á tveimur hæðum.
Bygging Kringlunnar hófst árið 1985 en hvata-
maður að byggingu hennar var Pálmi Jónsson,
gjarnan kenndur við Hagkaup. Byggingin var
tæpir 30 þúsund fermetrar að stærð á þremur
hæðum og störfuðu um 90 fyrirtæki þar til að
byrja með. Starfsmenn voru um 600 talsins.
Árið 1991 var Borgarkringlan opnuð, minni
verslunarmiðstöð milli Kringlunnar og Borgar-
leikhússins. Þær voru síðar tengdar saman í eina
byggingu með um 4000 fermetra millibyggingu.
Í kringlunni eru nú starfræktar yfir 170 verslanir,
veitinga- og þjónustustaðir. Kringlan er stærsta
verslunarmiðstöð í Reykjavík.
ÞETTA GERÐIST: 13 ÁGÚST 1987
Verslunarmiðstöðin Kringlan opnuð
PÁLL BERGÞÓRSSON VEÐUR-
FRÆÐINGUR ER 87 ÁRA
„Frá sjónarmiði landbún-
aðar er sannmæli, sem oft
hefur verið haldið fram, að
Ísland sé á mörkum hins
byggilega heims.“
Páll Bergþórsson gegndi
starfi veðurstofustjóra frá
árinu 1989 til ársloka 1993.
Hann fæddist í Fljótstungu á
Hvítársíðu.
Tónlistarhátíðin Gæran 2010 verður haldin í fyrsta sinn á
Sauðárkróki í dag og á morgun í húsnæði Loðskinns, Borg-
armýri 5.
„Við vorum fimm ættuð að norðan sem settumst niður
og vorum sammála um að setja þyrfti upp tónlistarhátíð á
Norðurlandi. Upp frá því fór boltinn að rúlla og nú er svo
komið að 22 hljómsveitir munu stíga á svið á hátíðinni,“
segir Pétur Ragnar Pétursson, forsprakki Gærunnar.
Meðal flytjenda á hátíðinni eru Davíð Jóns, Svavar
Knútur, Myrká, Múgsefjun, Biggi Bix, Geirmundur Valtýs-
son, Hælsæri og Dalton svo fáir einir séu nefndir.
Einnig verður boðið upp á bíósýningar í Bifröst laug-
ardag og sunnudag fyrir hátíðargesti. Þar verða sýndar
Handan við sjóinn sem er heimildarmynd um íslenska tón-
list, The Stars May Be Falling … but the stars look good on
you, heimildarmynd um tónlistarmanninn Ólaf Arnalds,
og Where’s the Snow?! sem er glæný heimildarmynd um
Airwaves-hátíðina.
Tvö böll verða í Mælifelli um helgina en á föstudags-
kvöldið spilar Bermúda fyrir dansi en Dalton á laugar-
dagskvöldið.
„Svo er frítt í sund fyrir þá sem kaupa miða á hátíðina,“
segir Pétur glaðlega og vonast til að Gæran verði árlegur
viðburður.
Nánari upplýsingar má nálgast á www.gæran.is.
Gæran í fyrsta sinn í Skagafirði
BERMUDA Tvö böll verða á Mælifelli í tengslum við hátíðina en 22
hljómsveitir stíga á svið í dag og á morgun í húsnæði Loðskinns á
Sauðárkróki.