Fréttablaðið - 17.08.2010, Blaðsíða 38
26 17. ágúst 2010 ÞRIÐJUDAGUR
folk@frettabladid.is
Breski grínistinn Ricky Gervais
segir að kínversk útgáfa af sjón-
varpsþáttum sínum, The Office,
sé í bígerð. Þættirnir slógu fyrst
í gegn í Bretlandi með honum í
aðalhlutverki. Síðan var gerð
bandarísk útgáfa með Steve
Carell í hlutverki skrifstofustjór-
ans og núna er kínversk útgáfa í
uppsiglingu. Hvað varðar banda-
rísku útgáfuna þá stendur yfir
leit að nýjum skrifstofustjóra í
stað Carells sem hefur sagt upp
störfum. Rys Darby úr þáttun-
um Flight of the Conchords og
grínistinn Danny McBride eru
báðir taldir líklegir til að hreppa
hnossið.
The Office fer til Kína
RICKY GERVAIS Kínversk útgáfa af The
Office er í undirbúningi.
Harðhausamyndin The Expenda-
bles var frumsýnd vestanhafs um
síðustu helgi og fór beint í efsta
sætið yfir vinsælustu myndirnar.
Myndin er stútfull af hasarmynda-
hetjum á borð við Sylvester Stall-
one, Bruce Willis, Jet Li, Jason
Statham, Dolph Lundgren og Arn-
old Scwarzenegger og koma vin-
sældir hennar því ekki á óvart. Í
öðru sæti var Eat, Love, Pray með
Juliu Roberts í aðalhlutverki. Hún
fjallar um konu sem ferðast um
heiminn eftir að hafa lent í skiln-
aði. Gamanmyndin The Other
Guys, sem var í efsta sætinu, er
nú í þriðja sæti. Will Ferrell leik-
ur aðalhlutverkið í þeirri mynd.
Hasarhetjur á toppinn
THE EXPENDABLES Dolph Lundgren og
Terry Crews leika í harðhausamyndinni
The Expendables. NORDICPHOTOS/GETTY
Gamanleikarinn Kelsey Grammer tilkynnti fyrir
sex vikum að hann og eiginkona hans til þrettán ára
ætluðu að skilja. Nú er ástæðan fyrir skilnaðinum
komin fram, en svo virðist sem Grammer hafi átt í
ástarsambandi við unga, breska flugfreyju að nafni
Kayte Walsh.
Faðir Walsh viðurkenndi í viðtali við tímaritið
Daily Mail að dóttir hans ætti von á barni með
Grammer og að parið væri hamingjusamt saman.
„Þetta eru ánægjulegar fréttir og við samgleðj-
umst þeim. Ég veit ekki hversu lengi þau hafa
verið saman og ég hef enn ekki hitt manninn, en
ég hlakka mikið til þess. Við fengum sjálf að vita
af óléttunni fyrir aðeins nokkrum dögum og þetta
kom okkur öllum mjög á óvart,“ sagði faðir stúlk-
unnar. Hann telur þó að parið hafi kynnst þegar
Walsh millilenti í Bandaríkjunum. „Hún starfar
fyrir Virgin Airways og flýgur gjarnan til Banda-
ríkjanna, ætli þau hafi ekki kynnst í einni ferðinni.
Það sem skiptir mig mestu máli er að dóttir mín sé
hamingjusöm.“
Myndir af parinu birtust nýverið á Netinu og
virðist Grammer afskaplega hrifinn af hinni ungu
kærustu sinni, en stúlkan er aðeins 29 ára gömul,
aðeins þremur árum eldri en elsta barn Grammers.
Kelsey Grammer faðir á ný
SKILIN AÐ SKIPTUM Kelsey Grammer og eiginkona hans skildu
fyrir sex vikum og er hann strax búinn að barna unga, breska
flugfreyju. NORDICPHOTOS/GETTY
Victoria Ferell leikur aðal-
hlutverkið í nýrri íslenskri
kvikmynd. Hinn tólf ára
gamli nemandi í Melaskóla
segist ganga með leikkonu-
drauminn í maganum.
„Ég bjóst alls ekki við þessu en
ég var rosalega glöð yfir því að fá
hlutverkið. Nú bíð ég bara spennt
eftir því að sjá myndina tilbúna,“
segir Victoria Ferrell, sem fer með
aðalhlutverkið í kvikmyndinni L7:
Hrafnar, Sóleyjar og Myrra sem
frumsýnd verður í byrjun næsta
árs.
Victoria eyddi sumrinu á ögn
öðruvísi hátt en aðrir jafnaldrar
hennar því tökur hófust nánast um
leið og sumarfríið hófst. Victoria
leikur unga stúlku sem misir bæði
föður sinn og bróður í bílslysi. Hún
kemst að því að faðir hennar hafi
tekið þátt í áhugamannaleikfélagi
og í kjölfarið dregst hún inní bar-
áttu þeirra við bæjaryfirvöld og
fjölmörg önnur ævintýri.
„Ég tók þátt í áheyrnarpruf-
um þar sem voru um 200 stelp-
ur. Ég komst fyrst í átta manna
úrslit og þurfti þá að læra tvo ein-
leiki, annan á íslensku og hinn
á ensku. Og síðan var ég bara
valin,“ segir Victoria, sem hefur
ekki leikið mikið áður fyrir utan
statistahlutverk í myndinni Kjöt-
borg ásamt því að hafa verið síð-
asta ár á námskeiðinu Sönglist í
Borgarleikhúsinu.
Victoria segir að skemmtileg-
asta atriðið hafi verið eltingaleik-
ur sem tekinn var upp að nætur-
lagi. „Allir leikararnir sem tóku
þátt voru saman að spjalla á milli
upptaka og það var líka mjög
gaman þegar ég þurfti að leika á
stultum,“ segir hún. Samkvæmt
Victoriu sjálfri er myndin fyrst og
fremst fjölskyldumynd. „Þetta er
ekki dramamynd en samt með smá
dimmum köflum út af missi stelp-
unnar. En hún er annars mjög fynd-
in og skemmtileg.“ Og hún vonar
að þetta verði ekki það síðasta sem
hún geri á leikaraferlinum.„Ég
skelli mér örugglega í einhverjar
prufur ef þær koma upp. Mig lang-
ar rosalega mikið að verða leikkona
í framtíðinni.“ linda@frettabladid.is
Eltingarleikurinn að nóttu
til skemmtilegastur
VICTORIA BJÖRK FARRELL Þessi 12 ára stúlka eyddi sumrinu í upptökum fyrir nýja
fjölskyldumynd sem frumsýnd verður í vetur. FRÉTTABLAÐIÐ/GVA
Glæpasagan Sér grefur gröf eftir rit-
höfundinn Yrsu Sigurðardóttur er
á meðal þeirra verka sem tilnefnd
eru til Shamus-glæpasagnaverð-
launanna í ár. Verðlaunin eru veitt
í Bandaríkjunum ár hvert og er
verk Yrsu eina þýdda glæpasag-
an sem tilnefnd er til verðlaun-
anna í ár.
Verðlaunin veita samtök banda-
rískra glæpasagnahöfunda og eru þau
veitt fyrir bækur þar sem einkaspæj-
arar eru í aðalhlutverki.
„Þetta er mikill heiður fyrir Yrsu,“
segir Pétur Már Ólafsson, útgefandi
hjá Bjarti & Veröld. „Sérstaklega
þar sem þetta er eina þýdda verkið
sem tilnefnt er til verðlaunanna í ár.
Auk þess styrkir þetta stöðu hennar á
Bandaríkjamarkaði og vekur athygli á
henni sem rithöfundi.“ Pétur Már bætir
við að það þyki afrek út af fyrir sig að
komast inn á Bandaríkjamarkað þar
sem einungis lítið brot af þýddum bók-
menntum sé gefið út þar árlega.
Sér grefur gröf hefur fengið góða
dóma bæði hér heima og erlendis og
eru bæði Yrsa og Arnaldur Indriðason
talin í hópi fremstu glæpasagnahöfunda
Norðurlanda um þessar mundir. - sm
Yrsa tilnefnd til verðlauna
NÝTUR VELGENGNI Yrsa Sigurðardóttir er til-
nefnd til glæpasagnaverðlaunanna Shamus í ár
og þykir það mikill heiður fyrir rithöfundinn.
FRÉTTABLAÐIÐ/ANTON
Eva Longoria Parker hefur leitað til
vinkonu sinnar Victoriu Beckham
til að fá ráð varðandi hjónaband-
ið því hana langar að hjónabandi
hennar gangi jafn vel og hjónabandi
Beckham-hjónanna.
Þegar fyrrum Spice Girls-söng-
konan flutti til Los Angeles árið
2007 myndaðist góður vinskapur
á milli hennar og Desperate Hou-
sewives-leikkonunnar. Longoria,
sem giftist eiginmanni sínum sama
ár og Beckham-hjónin fluttu til LA,
dáist að nánu sambandi hjónanna
og vill það sama fyrir sig og eigin-
manninn.
„Victoria er elskuleg kona. Eigin-
menn okkar eru báðir íþróttastjörn-
ur og ferðast báðir mikið, og Victor-
ia hefur gefið mér góð ráð um það
hvernig ég eigi að takast á við það,“
segir Longoria í viðtalið við Britain ś
Sunday Mirror. „Hún er góð móðir
líka. Ef þú sérð hana einhvern tím-
ann með börnin sín, þá sérðu að allt
snýst um þau og David. Hún er góð
fyrirmynd. Ég vil virkilega að hjóna-
band mitt verði eins og hennar.“
Fær hjónabandsráð
hjá frú Beckham
> LOHAN Á LEIÐ HEIM
Leikkonan Lindsay Lohan virðist
hafa heppnina með sér. Hún var
dæmd í níutíu daga fangelsi fyrir
stuttu en þurfti aðeins að afplána
þrettán. Eftir að hún losnaði úr
steininum var hún send beinustu
leið í meðferð og átti að vera þar
í mánuð, en nú hafa þær frétt-
ir borist að stúlkan losni einnig
fyrr úr meðferðinni og fái að fara
heim á næstu dögum.
EVA LONGORIA PARKER
Segir Victoriu Beckham
vera fyrirmynd og hún
vilji að sitt hjónaband
verði líkt og hennar.