Fréttablaðið - 02.09.2010, Blaðsíða 8

8 2. september 2010 FIMMTUDAGUR
1. Hvað heitir stígurinn sem
liggur að Unuhúsi í miðborg
Reykjavíkur?
2. Hvert er gælunafn mexí-
kóska fíkniefnabarónsins Edgar
Valdez Villarreal?
3. Hver er formaður stjórnar
Leikminjasafns Íslands?
SVÖRIN ERU Á SÍÐU 50
2.195 kr/pk
Kirkland
Starbucks kaffið
1.573 kr/kg
Goði
Gourmet, dönsk ofnsteik
Kostur

ð ð
Mikið úrval af frábærum tilboðum - líttu við
907 g
STÓR
pakki
30
afsláttur
%
gómsæt
Safarík
og 159kr/kg
Epli
Rauð, pink lady
BRETLAND Tony Blair, fyrrverandi
forsætisráðherra Bretlands, seg-
ist í nýútkominni ævisögu sinni
sjá af öllu hjarta eftir hverju ein-
asta mannslífi sem stríðsátökin
í Írak hafa kostað, en hins vegar
geti hann ekki séð eftir þeirri
ákvörðun að hefja það stríð.
„Á grundvelli þess sem við
vitum núna tel ég enn að það hefði
verið hættulegra öryggi okkar að
láta Saddam vera áfram við völd
heldur en að koma honum frá,“
segir Blair í ævisögunni, sem kom
út í gær og heitir „A Journey“, eða
Vegferð.
Blair var forsætisráðherra
Bretlands í tíu ár, allt frá því hann
vann mikinn kosningasigur vorið
1997 þar til hann hrökklaðist hálf-
partinn úr embætti árið 2007 og
hafði þá glutrað niður vinsæld-
um sínum, að stórum hluta vegna
þátttöku Breta í Íraksstríðinu.
Athygli hafa vakið ummæli
Blairs um Gordon Brown, sem
var fjármálaráðherra í ríkis-
stjórn Blairs öll árin, en tók síðan
við af honum bæði sem leið-
togi Verkamannaflokksins og
forsætisráðherra Bretlands.
Blair segir Brown hafa verið
„undarlegan mann“ sem þrátt
fyrir mikla hæfileika hafi gjör-
samlega skort allt mannlegt
innsæi.
„Var hann erfiður, stundum
óþolandi? Já. En hann var kraft-
mikill, hæfur og snjall, og þetta
voru hæfileikar sem ég tapaði
aldrei virðingu fyrir.“
Með Brown við stjórnvölinn
tapaði Verkamannaflokkurinn
meirihluta sínum á þingi síðast-
liðið vor, og til valda komst sam-
steypustjórn Íhaldsflokksins og
Frjálslynda flokksins.
Blair segir að Brown hafi haft
það mikinn stuðning, bæði innan
flokksins og í fjölmiðlum, að
það hefði verið nánast útilokað
fyrir sig að koma í veg fyrir að
Brown tæki við forsætisráðherra-
embættinu.
Hann hefði heldur ekki getað
rekið Brown úr embætti fjár-
málaráðherra, því það hefði lík-
lega grafið undan stjórninni og
hraðað því að hann yrði forsætis-
ráðherra.
Blair tjáir sig um fleiri þekkta
menn í bók sinni, þar á meðal
George W. Bush Bandaríkjafor-
seta, sem hann lofar í hástert
fyrir heiðarleika og hugrekki.
„Hann var, í furðulegum skiln-
ingi þess orðs, sannur hugsjóna-
maður.“
Blair minnist líka á baráttu sína
fyrir því að fá samþykkt bann við
refaveiðum, sem vakti gríðarlega
hörð viðbrögð í Bretlandi: „Ef ég
hefði lagt það til að eftirlauna-
vandinn yrði leystur með því að
þröngva líknardrápi upp á fimmta
hvern lífeyrisþega, þá hefði það
ekki valdið mér jafn miklum
erfiðleikum.“ gudsteinn@frettabladid.is
Segist ekki sjá eftir
ákvörðun um stríð
Tony Blair segir Gordon Brown hafa verið erfiðan og stundum óþolandi. Hann
hafi þrátt fyrir mikla hæfileika skort allt mannlegt innsæi. Hins vegar lofar
hann Bush Bandaríkjaforseta í hástert fyrir hugrekki og heiðarleika.
SJÁVARÚTVEGUR Niðurstaða lög-
fræðiálits sem Landssamband
íslenskra útvegsmanna lét vinna er
að sjávarútvegsráðherra hafi farið
á svig við lög þegar hann ákvað að
gefa ekki út aflamark í úthafs-
rækju fyrir komandi fiskveiðiár.
Í álitinu er það skýr niðurstaða
að ákvörðun ráðherra standist ekki
lög um stjórn fiskveiða og sé því
„ólögmæt og ógildanleg.”
Í tilkynningu frá LÍÚ segir að
þegar fiskveiðiárinu 2009/2010
lauk 31. ágúst hafi allur sjö þúsund
tonna rækjukvótinn veiðst. Rétt sé
að halda því til haga að ákvörðun
ráðherra um að gefa ekki út afla-
mark byggðist á því að veiðar á
rækju hefðu á liðnum árum verið
undir leyfilegum heildarafla.
LÍÚ hefur bent á að hrun í afla á
sóknareiningu og lækkun á afurða-
verði samfara hækkandi olíuverði
hafi orðið til þess að veiðar báru
sig ekki. Í álitinu segir einnig að
veigamikil og málefnaleg rök þurfi
til að ráðherra sé heimilt að líta
framhjá tillögum Hafrannsókna-
stofnunarinnar „og á það sérstak-
lega við þar sem tillaga stofnunar-
innar var algjörlega hunsuð í því
tilviki sem hér er til skoðunar.”
- shá
Samkvæmt lögfræðiáliti LÍÚ er ólögmætt að gefa ekki út aflamark í úthafsrækju:
Segja ráðherra brjóta lögin
FUNDAÐ UM RÆKJU Framkvæmdastjóri
LÍÚ og hans menn funduðu með Jóni
Bjarnasyni um miðjan júlí vegna rækju-
málsins. FRÉTTABLAÐIÐ/ANTON
VEKUR ATHYGLI Ævisaga Tonys Blair var komin í verslanir í Bretlandi í gær.
FRÉTTABLAÐIÐ/AP
CHILE Eigendur námunnar þar
sem 33 verkamenn lokuðust inni
á dögunum hafa beðið þá og fjöl-
skyldur þeirra afsökunar. Búist
er við að það taki þrjá til fjóra
mánuði að ná til mannanna, sem
eru á 700 metra dýpi.
Forstjóri námafyrirtækisins
mætti fyrir þingnefnd í gær þar
sem farið var yfir málið og baðst
hann innilegrar afsökunar.
Allar eignir fyrirtækisins hafa
verið frystar af stjórnvöldum
til að standa straum af greiðslu
skaðabóta.
Námumenn fá kveðju:
Forstjórinn bið-
ur afsökunar
SAMFÉLAGSMÁL Börnum sem lifa
undir fátækramörkum í Bretlandi
fækkaði í tíð ríkisstjórnar Verka-
mannaflokksins. Einn helsti sér-
fræðingur á sviði barnafátæktar í
Bretlandi óttast þó að niðurskurð-
ur nýrrar ríkisstjórnar í velferðar-
málum muni bitna illa á fátækum
börnum.
Dr. Thess Ridge, breskur fræði-
maður sem er einn helsti sérfræð-
ingur á sviði barnafátæktar, hélt
erindi á málstofu í Háskóla Íslands í
gær. Í samtali við Fréttablaðið sagði
hún að aukinn stuðningur stjórn-
valda við fátæka og markvissar
aðgerðir hefði skilað því að fátækum
börnum fækkaði. Hefði bótakerfið
verið óbreytt þá væru fátæk börn
líklega tveimur milljónum fleiri í
dag. Fátæk börn í Bretlandi voru að
sögn Ridge 3,4 milljónir í upphafi
stjórnartíðar Verkamannaflokks-
ins árið 1999 en 2,8 við lok hennar.
Hvergi er hærra hlutfall íbúa undir
fátækramörkum í Evrópu en í Bret-
landi, eða um þriðjungur.
Ridge segir fátækt hafa margvís-
leg áhrif á börn. Fyrir utan að líða
skort þá hafi þau mörg áhyggjuefni;
óttist að falla ekki í hópinn, hafi
áhyggjur af fjárhag fjölskyldunn-
ar og séu leið yfir því að geta ekki
leyft sér það sem önnur börn geta
gert. Rétt fyrir kosningarnar í vor
var sett metnaðarfull löggjöf í Bret-
landi sem hefur það að markmiði að
útrýma barnafátækt fyrir árið 2020.
Ridge segist þó óttast að ríkisstjórn
Íhaldsmanna og Frjálslyndra muni
breyta lögunum, ríkisstjórnin hafi
nefnilega skorið verulega niður í
velferðarmálum. Sá niðurskurður
bitni verst á fátækum fjölskyldum.
- sbt
2,8 milljónir breskra barna lifa undir fátækramörkum:
Óttast fjölgun fátækra barna
DR. THESS RIDGE Segir fátæk börn iðu-
lega kvíðin og áhyggjufull og óttast að
falla ekki inn í hópinn. FRÉTTABLAÐIÐ/ANTON
Á grundvelli þess
sem við vitum núna
tel ég enn að það hefði verið
hættulegra öryggi okkar að
láta Saddam vera áfram við
völd heldur en að koma
honum frá.”
TONY BLAIR
Í NÝÚTKOMINNI ÆVISÖGU
VEISTU SVARIÐ?