Fréttablaðið - 02.09.2010, Blaðsíða 54
34 2. september 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Nú er ágúst liðinn og haustið skollið á. Það þýðir að það eru síðustu
forvöð að komast í berjamó, skólarnir eru að fyllast af lífi og maður
þarf að fara að kynna sér hvaða tónlistarmenn spila á Airwaves. Ice-
land Airwaves 2010 fer fram dagana 13.-17. október og listinn yfir þátt-
takendur er þegar orðinn ansi þéttur. Hátíðin er undir nýrri stjórn í ár
sem skilar sér vonandi í enn betri hátíð bæði fyrir tónlistarmenn og
tónlistarunnendur.
Iceland Airwaves hefur alltaf snúist annars vegar um að kynna
það besta í íslenskri tónlist fyrir erlendum fjölmiðlum og hins vegar
að kynna Íslendingum upprennandi erlenda tónlistarmenn. Og svo
að koma á samtali á milli allra þessara tónlistarmanna. Þegar maður
skoðar listann yfir þá sem spila á hátíðinni í ár þá eru áherslurnar að
mestu leyti þær sömu og undanfarin ár. Rjóminn af íslensku senunni
er þarna og svo
fullt af erlend-
um listamönn-
um sem maður
hefur marga
hverja aldrei
heyrt nefnda
á nafn áður.
Það er einmitt
það sem gerir
Airwaves svo
spennandi.
Á meðal
þekkt-
ari erlendra
nafna í ár má nefna Bombay Bicycle Club og Mount Kimbie frá Bret-
landi, Hercules & Love Affair og The Antlers frá Bandaríkjunum,
Efterkland og Oh No Ono frá Danmörku og Slagsmalsklubben og
Robyn frá Svíþjóð. Allt listamenn sem gaman verður að sjá. Og þegar
maður kynnir sér listann yfir flytjendur á www.icelandairwaves.is
og hlustar á tóndæmin þá kemst maður að því að mörg minna þekktu
nafnanna eru spennandi líka. Kanadíska indiebandið Timber Timbre
er t.d. frábært og það sama má segja um enska plötusnúðinn og raf-
tónlistarmanninn Ramadanman, franska tilraunadúóið GaBlé, bresku
rafpoppsveitina Silver Columns, bandarísku sveitina Neon Indian og
finnsku stelpurnar í Le corps mince de Françoise. Og við erum rétt að
byrja.
Eitt af því sem er nýtt á Airwaves í ár er að goðsagnakennd sveit úr
íslenskri rokksögu er sérstaklega endurvakin til að spila á hátíðinni.
S.H draumur spilar ásamt Ham o.fl. á Nasa á fimmtudagskvöldinu.
Það verða fyrstu tónleikar sveitarinnar í 17 ár.
Listi sem lofar góðu
> Í SPILARANUM
Interpol - Interpol
Breiðbandið - Bætir á sig
Orri Harðar - Albúm
BREIÐBANDIÐ ORRI HARÐAR
Hljómsveitin Dirty Projectors frá
Brooklyn gefur 28. september út
tvöfalda viðhafnarútgáfu af síð-
ustu plötu sinni Bitte Orca, sem
var af mörgum talin ein sú besta
á síðasta ári, enda uppfull af
skemmtilegri og tilraunakenndri
tónlist.
Útgáfan hefur annars vegar að
geyma upphaflegu plötuna og hins
vegar plötu með tónleikaupptökum
úr plötubúðinni Other Music í New
York, auk laga sem voru eingöngu
fáanleg sem B-hliðar á vínyl-smá-
skífum. Einnig verður á plötunni
ný útgáfa Dirty Projectors á lagi
Bobs Dylan, As I Went Out One
Morning af plötunni John Wesley
Harding frá árinu 1967. Fram
undan hjá hljómsveitinni er síðan
fjöldi tónleika, þar á meðal í Mad-
ison Square Garden ásamt Phoenix
og Wavves.
Stutt er síðan Dirty Projectors
gaf út í samstarfi við Björk EP-
plötuna Mount Wittenberg, sem
fékk 7,7 af 10 mögulegum í ein-
kunn á tónlistarsíðunni Pitchfork.
com. Hljómsveitin hefur á ferli
sínum gefið út tíu plötur, þá fyrstu
árið 2003 sem hét The Glad Fact.
Dirty með tvöfalda útgáfu
Hljómsveitin Interpol gefur
á næstunni út sína fjórðu
plötu. Átta ár eru liðin síðan
hin frábæra Turn on the
Bright Lights kom úr.
Fjórða plata Interpol kemur út á
þriðjudaginn. Hún er samnefnd
hljómsveitinni og gefin út hjá upp-
haflega útgáfufyrirtækinu þeirra,
Matador Records.
Interpol var stofnuð árið 1997 í
New York-borg og var upphaflega
skipuð þeim Paul Banks, Daniel
Kessler, Carlos Dengler og Gred
Drudy. Trommarinn Drudy hætti
í sveitinni árið 2000 og í hans stað
kom Sam Fogarino.
Hljómsveitin vakti fyrst veru-
lega athygli árið 2002 með plötunni
Turn on the Bright Lights. Draum-
kenndri og drungalegri tónlistinni
í anda Joy Division var vel tekið
og platan komst ofarlega á marga
árslista hjá tónlistarspekúlöntum.
Eins og von er voru væntingarn-
ar miklar fyrir næstu plötu, Ant-
ics. Hún seldist gríðarlega vel og
hlaut fína dóma þó svo að marg-
ir gagnrýnendur teldu hana ekki
eins góða og frumburðinn. Antics
var ekki eins drungaleg og Turn on
the Bright Lights en viðlögin voru á
hinn bóginn stærri og meira gríp-
andi og aðdáendahópurinn varð
enn stærri fyrir vikið. Þrjú lög af
plötunni komust ofarlega á vin-
sældalista og mörg lög voru einnig
notuð í sjónvarpsþætti og auglýs-
ingar. Interpol var orðin risastór
og næsta skref var því að semja
við stórfyrirtækið Capitol. Platan
Our Love To Admire, kom út 2007 á
vegum fyrirtækisins. Tónninn var
orðinn aðeins poppaðari og hljóm-
urinn var breiðari. Til dæmis not-
aði Interpol hljómborð í fyrsta sinn
á plötunni, sem fékk misjafnar við-
tökur og mörgum þótti hún skref
aftur á bak, þrátt fyrir að á henni
séu nokkur framúrskarandi lög.
Nýja platan er að einhverju leyti
afturhvarf til fyrstu plötunnar
Turn on the Bright Lights með
þeirri drungalegu fegurð sem þar
var ríkjandi. Þó er ljóst að hljóð-
heimur sveitarinnar hefur þró-
ast töluvert og er orðinn marg-
slungnari en áður. Þetta er síðasta
platan með bassaleikaranum Car-
los Dengler sem hætti óvænt á
dögunum af einkaástæðum. Inter-
pol hefur því breyst í tríó en á tón-
leikaferð sveitarinnar um heiminn
fær hún aðstoð frá kempunni David
Pajo, sem hefur spilað með Will
Oldham, Slint og Yeah Yeah Yeahs,
og Brandon Curtis úr bandarísku
sveitinni The Secret Machines.
„Helsta markmiðið okkar við gerð
plötunnar var að feta nýjar slóð-
ir og reyna að gera hlutina öðru-
vísi en áður,“ sagði gítarleikarinn
Daniel Kessler. „Tónlistin okkar
hefur vitaskuld sín sérkenni sem
fólk kannast við en við vildum
finna nýjar aðferðir við að semja
lög og taka okkur tíma í það. Mér
finnst okkur hafa tekist að horfa
fram á við, sem þú hefur einmitt
meiri þörf fyrir eftir því sem þú
þroskast meira og eldist.“
Interpol fetar nýjar slóðir
INTERPOL Nýja platan er sú síðasta með bassaleikaranum Carlos Dengler um borð.
Hann er annar frá vinstri.
DIRTY PROJECTORS Hljómsveitin sendir í lok mánaðarins frá sér tvöfalda útgáfu af
sinni nýjustu plötu.
PLÖTUR INTERPOL
Interpol (2010)
Our Love to Admire (2007)
Antics (2004)
Turn on the Bright Lights (2002)
Rokksveitin Ókind rís upp frá dauðum
og spilar í eina kvöldstund á Faktorý á
laugardagskvöld. Ókind spratt fullsköp-
uð fram árið 2002 og náði öðru sæti í
Músíktilraunum. Á næstu fjórum árum
gaf hún út plöturnar Heimsenda 18 og
Hvar í Hvergilandi, sem báðar hlutu náð
fyrir augum og eyrum gagnrýnenda.
Haustið 2006 tilkynnti Ókind að nú væri
þetta orðið gott í bili. Svo þagnaði hún í
fjögur ár.
„Þetta er eiginlega gjörningur, bara
einir tónleikar,“ segir Steingrímur Karl
Teague, sem hefur getið sér gott orð að
undanförnu með hljómsveitinni Moses
Hightower. „Við erum félagar líka utan
hljómsveitarinnar. Það var alltaf voða
skrítið að vera að hittast og ekki spila.
Við erum búnir að æfa stíft og erum að
reyna að troða okkur í rokkbuxurnar
aftur. Miðað við hvernig þetta er búið
að vera á æfingum þá er þetta farið að
hljóma ágætlega,“ segir hann og bætir
við: „Ástæðan fyrir því að við gerðum
þetta er að Ingi gítarleikari er að flytja
til London, þannig að það er núna eða
aldrei.“
Flestir meðlimir Ókindar hafa verið
viðloðandi tónlist síðan hún fór í frí.
Ingi Einar er tónleikaljósamaður, bassa-
leikarinn Birgir Örn upptökustjóri, og
söngvarinn og hljómborðsleikarinn
Steingrímur hefur starfað í hljómsveit-
unum Ojba Rasta og Stórsveit Samúels J.
Samúelssonar, ásamt Moses Hightower.
Söngvaskáldið Jón Þór (úr Lödu Sport
og Dynamo Fog) sér um upphitun á tón-
leikunum á Faktorý. Aðgangur er ókeyp-
is og platan Hvar í Hvergilandi verður
til sölu á góðu verði.
Ókind rýfur fjögurra ára þögn
ÓKIND Hljómsveitin Ókind rís upp frá dauðum
á laugardagskvöld eftir fjögurra ára þögn.
Kennslan skiptist í tvær annir. Haustönnin
er 12 vikna námskeið, og vorönnin 12 – 14
vikna námskeið.
Kennt er í Skipholti 35 í Reykjavík, og
Íþróttahúsi Breiðabliks í Kópavogi.
Frekari upplýsingar á balletskoli.is
Skólinn er aðili að Frístundakorti ÍTR.
Innritun er hafin í síma
567 8965 og 588 4960
Balletnámskeið
fyrir yngri nemendur og framhaldsnemendur
Ballet-leikskóli
Ein kennslustund í viku,
3 – 4 ára
Ballet-forskóli
Ein kennslustund í viku,
4 – 6 ára
Balletstig
2 – 3 kennslustundir í viku,
7 ára og eldri