Fréttablaðið - 14.09.2010, Blaðsíða 2

2 14. september 2010 ÞRIÐJUDAGUR
BRIDS
SKÓLINN
- - - - - - - - - - - - - - - - - - - - - - - - - - - - -
Byrjendur ... 27. september ... 8 mánudagar frá 20-23
Framhald ... 29. september ... 8 miðvikudagar frá 20-23
- - - - - - - - - - - - - - - - - - - - - - - - - - - - -
• Viltu læra brids? Á byrjendanámskeiði Bridsskólans er
ekki gert ráð fyrir neinni kunnáttu. Þú getur komið ein eða
einn, með öðrum eða í hóp og það er sama hvort þú ert 18
ára eða 90. Eða þar á milli! Sjá bridge.is undir ”fræðsla”.
• Viltu verða betri spilari? Framhaldið hentar breiðum hópi
spilara, bæði þeim sem töluvert kunna og eins hinum sem
eru rétt að slíta fyrsta stokknum. Ekki er nauðsynlegt að
vera með makker. Sjá bridge.is/fræðsla.
• Staður: Síðumúli 37 í Reykjavík. - - - - - - - - - - - - - - - - - - - - - - - - - - - - - - - - - - - - - - -
Uppl. og innritun í síma 898-5427 frá 13-18 daglega.
♦
♦
♦
♦
♦
♦
♦
♦
♦
♦
♦
♦
♦
Egill, ert þú nógu sterkur rit-
höfundur í þennan félagsskap?
„Jú, ég verð þeim bókastoð og
stytta.“
Egill „Gillzenegger“ Einarsson rithöfundur
hefur sótt um aðild að Rithöfundasam-
bandinu. Hann gagnrýndi félagsmenn í
gær, sagði þá pappakassa og horrenglur
og bauðst til að „kjöta“ Sjón upp.
SVÍÞJÓÐ Fredrik Reinfeldt, forsætisráðherra og leið-
togi sænskra hægri manna, þótti standa sig heldur
betur en Mona Sahlin, leiðtogi sósíaldemókrata, í
sjónvarpseinvígi á sunnudagskvöldið.
Þingkosningar verða haldnar næsta sunnudag.
Baráttan stendur á milli bandalags hægri flokk-
anna, sem hafa farið með stjórnartaumana síðustu
árin, og bandalag rauðgrænu flokkanna svonefndu
undir forystu sósíaldemókrata, sem síðustu áratug-
ina hafa sjaldnast þurft að sitja lengi utan stjórnar.
Samkvæmt skoðanakönnunum virðast þó borg-
aralegu flokkarnir ætla að halda meirihluta sínum
annað kjörtímabil. Þeir mælast með tæplega 52
prósenta fylgi og hafa heldur sótt í sig veðrið síð-
ustu daga, en rauðgræna bandalagið er með 42 pró-
sent.
Mona Sahlin hefur stillt málum þannig upp að
sænska velferðarkerfið sé í hættu ef Reinfeldt fær
að stjórna í fjögur ár í viðbót.
Reinfeldt hefur hins vegar sagst ætla að viðhalda
velferðarkerfinu með því að draga úr atvinnuleysi
svo fleiri geti borgað skatta til að standa undir vel-
ferðinni. - gb
Mona Sahlin reynir að koma í veg fyrir að hægrimenn stjórni annað kjörtímabil:
Sigurlíkur Reinfeldts aukast
LEIÐTOGAR RAUÐGRÆNA BANDALAGSINS Mona Sahlin,
leiðtogi Sósíaldemókrata, ásamt leiðtoga Vinstriflokksins og
fulltrúum Græningja. NORDICPHOTOS/AFP
VIÐSKIPTI Uppboð á bílum og
öðrum tækjum í eigu ríkisstofn-
ana fer fram hjá Ríkiskaupum
í dag. Í boði eru 24 tæki, flest
bílar, sem samkvæmt vef Ríkis-
kaupa eru í ýmsu ástandi.
Flestir bílanna eru í lagi en
meðal annarra eru sendibifreið
frá Náttúrufræðistofnun með
bilaða dísilvél, sendibifreið frá
Landsvirkjun með bilaðan gír-
kassa og pallbíl frá Þingvalla-
nefnd sem er skemmdur eftir
umferðaróhapp. Þá á að selja sjö
ára gamlan Volvó frá Ríkislög-
reglustjóra, ekinn 416 þúsund
kílómetra. - bþs
Uppboð hjá Ríkiskaupum:
Selja ríkisbíla í
ýmsu ástandi
KRÓATÍA, AP Viviane Reding, sem
fer með dómsmál í framkvæmda-
stjórn Evrópusambandsins,
segir nauðsynlegt að umbætur á
fyrirkomulagi dómsmála í Króa-
tíu virki eins og til er ætlast áður
en landið getur fengið aðild að
ESB.
Króatía vonast til að geta geng-
ið í Evrópusambandið árið 2012,
en áður en af því verður þarf
dómskerfi landsins að verða bæði
skilvirkt og óhlutdrægt, flótta-
mönnum og minnihlutahópum
þarf að tryggja full réttindi, auk
þess sem styrkja þarf baráttu
gegn spillingu og skipulagðri
glæpastarfsemi.
Reding sagði að nú þurfi stjórn-
in í Króatíu að „hraða endurbót-
um. Ekki aðeins á pappírnum.“ - gb
ESB hvetur Króatíu til dáða:
Endurbótum
þarf að hraða
VIÐSKIPTI Skilanefnd Glitn-
is gerir ráð fyrir að kröfu-
hafar taki við stjórn bank-
ans á næstu fimm árum.
„Þetta er langtíma-
markmið okkar,“ segir
Árni Tómasson, formaður
skilanefndar Glitnis. Hann
telur líklegt að kröfuhaf-
ar geti tekið við stjórninni
eftir um fimm ár. Innan
þess tíma sé áætlað að
selja hlut Glitnis í Íslandsbanka.
Málið er ekki á dagskrá gamla
Landsbankans og ekkert um það
að finna í skýrslu til kröfuhafa
Kaupþings. Íslenska ríkið
á rúm áttatíu prósent í
gamla Landsbankanum.
Glitnr á 95 prósenta hlut í
Íslandsbanka en Kaupþing
87 prósent í Arion banka.
Kröfuhafar Straums
tóku við stjórn bankans í
síðustu viku og segja það
geta verið fyrirmynd að
uppgjöri á gömlu bönkun-
um.
Árni bendir á að ljúka þurfi
dómsmálum við kröfuhafa áður
en þeir geti tekið við bankanum.
Í bú Glitnis var lýst 8.500 kröfum
og fóru fyrstu deilumálin fyrir
héraðsdóm í byrjun árs. Búist er
við fyrstu niðurstöðum seint á
þessu ári. Árni útilokar ekki að
einhverjum málum verði áfrýjað
til Hæstaréttar. Til samanburðar
var í kringum 28 þúsund kröfum
lýst í bú Kaupþings en einungis
þrjú hundruð í Straum. - jab
Skilanefnd Glitnis áætlar að kröfuhafar taki við rekstrinum á næstu fimm árum:
Bú Straums var fremur lítið
Heildarkröfur í bankana*
Straumur Glitnir Kaupþ. Landsb.
Kröfur 200 2.969 4.207 3.427
* Í milljörðum króna
LÖGREGLUMÁL Ekkert bendir til ann-
ars en að kynþáttahatur hafi verið
undirrót þess að tvívegis var ráð-
ist inn á heimili feðga í Vesturbæn-
um á laugardag, samkvæmt upp-
lýsingum frá lögreglu. Mennirnir
eru ættaðir frá Kúbu en hafa búið
hér á landi í ríflega áratug.
Lögreglan handtók á sunnudag
tvo menn sem grunaðir eru um
að hafa stýrt húsbrotinu. Öðrum
mannanna var sleppt að loknum
yfirheyrslum. Hinn maðurinn,
karlmaður á fertugsaldri, var í
gær úrskurðaður í gæsluvarðhald
fram á föstudag í Héraðsdómi
Reykjavíkur. Maðurinn hefur
komið við sögu hjá lögreglu vegna
ofbeldismála.
Hákon Sigurjónsson, lögreglu-
fulltrúi hjá lögreglu höfuðborg-
arsvæðisins, segir að krafist hafi
verið gæsluvarðhalds yfir mann-
inum vegna rannsóknarhagsmuna.
Hinn maðurinn hafi skýrt frá
aðkomu sinni að málinu með full-
nægjandi hætti svo ekki hafi verið
þörf á því að krefjast gæsluvarð-
haldsúrskurðar yfir honum.
Málið má rekja til kynþáttafor-
dóma sem kærasta sautján ára pilts,
sem ættaður er frá Kúbu, varð fyrir
frá samnemanda í Menntaskólan-
um í Kópavogi. Pilturinn staðfestir
í samtali við Fréttablaðið að hann
hafi farið í skólann á fimmtudag
ásamt fimm vinum sínum. Hann
segir að tilgangurinn hafi verið að
ræða við skólastjórann. Aðrir segja
að tilgangurinn hafi verið að hitta á
nemanda í skólanum sem hafi haft
í hótunum við hann í gegnum kær-
ustu hans.
Ekki kom til átaka í skólanum en
til orðaskipta kom milli sexmenn-
inganna og nemanda í skólanum. Sá
mun vera frændi mannsins sem nú
situr í varðhaldi.
Í kjölfarið fór pilturinn að fá sím-
töl frá manninum sem nú situr í
varðhaldi þar sem honum var hótað.
Á laugardag var svo tvívegis ráðist
inn á heimili hans og föður hans,
sem einnig er ættaður frá Kúbu.
Samkvæmt heimildum Fréttablaðs-
ins telur lögregla að maðurinn sem
nú situr í varðhaldi hafi haft sig þar
mest í frammi.
Lögreglan telur að tilgangur
mannanna hafi verið að ógna feðg-
unum og hræða þá. Mennirnir voru
ekki vopnaðir, en samkvæmt upp-
lýsingum frá lögreglu voru þeir
með verkfæri meðferðis.
Feðgarnir flúðu land eftir aðfar-
irnar. Í samtali við morgunútvarp
RÚV sagði faðirinn þá hafa fengið
lögreglufylgd út á Keflavíkurflug-
völl. Hákon segir það á misskiln-
ingi byggt. Þeir hafi ekki fengið
lögreglufylgd, en lögreglumaður
sem átt hafi erindi á Reykjanes hafi
fylgt þeim á flugvöllinn. Lögregl-
an hafi enga aðkomu átt að þeirri
ákvörðun feðganna að fara af landi
brott. brjann@frettabladid.is
Kynþáttahatur undir-
rót árásar á heimili
Karlmaður á fertugsaldri hefur verið úrskurðaður í gæsluvarðhald eftir að
hópur manna gerði atlögu að heimili feðga sem ættaðir eru frá Kúbu. Lögregla
telur að kynþáttahatur hafi verið ástæða atlögunnar. Feðgarnir hafa flúið land.
HÚSBROT Mennirnir sem réðust inn á heimili feðga á laugardag brutu rúðu í útidyra-
hurð og notuðu svo slökkvitæki sem var á ganginum til að brjóta sér leið inn í íbúð
feðganna. Búið var að negla fyrir glugga í húsinu í gær. FRÉTTABLAÐIÐ/VALLI
ÁRNI TÓMASSON
FILIPPSEYJAR, AP Nýfætt sveinbarn
fannst á sunnudag í ruslapoka í
flugvél á flugvellinum í Maníla,
höfuðborg Filippseyja. Pokann
var nýbúið að fjarlægja af salerni
vélarinnar, sem var nýlent eftir
flug frá Mið-Austurlöndum.
Drengurinn var vafinn í bréfa-
þurrkur og enn blóðugur eftir
fæðinguna. Hann var strax flutt-
ur á læknastöð á flugvellinum,
þar sem læknar og hjúkrunarkon-
ur þrifu hann og gengu úr skugga
um að hann væri við fulla heilsu.
„Þegar búið var að þrífa hann
grét hann ofurlítið,“ sagði hjúkr-
unarkonan Kate Calvo. - gb
Nýfætt barn fannst á flugvelli:
Skilið eftir ný-
fætt í ruslapoka
DRENGURINN Drengurinn er kominn í
umsjón lækna. FRÉTTABLAÐIÐ/AP
UTANRÍKISMÁL Wen Jiabao, forsæt-
isráðherra Kína, segir kínversk
stjórnvöld hafa einsett sér að
styðja við Ísland á tímum efna-
hagslegra erfiðleika, meðal ann-
ars með auknum innflutningi á
íslenskum vörum til Kína sem og
víðtækt samstarf í orkumálum.
Þetta kemur fram í tilkynningu
frá embætti forseta Íslands, en
forseti er staddur í Kína.
Forseti fundaði með Jiabao í
gær þar sem ráðherrann ítrekaði
vilja Kína til frekara samstarfs
og að gjaldeyrisskiptasamning-
urinn milli seðlabanka landanna,
sem undirritaður var í sumar,
væri hornsteinn þess samstarfs.
Á fundinum var einnig rætt
um aðkomu Íslendinga að jarð-
hitaverkefnum í Kína. Þá sagði
Jiabao að gosið í Eyjafjallajökli
hefði vakið mikla athygli og fyr-
irséð væri að kínverskir ferða-
menn myndu sækja Ísland heim í
stórauknum mæli á næstunni. - þj
Ræddi við ráðamenn í Kína:
Vilja styðja end-
urreisn Íslands
VIÐSKIPTI Bræðurnir Christian
og Nick Candy, fyrrverandi við-
skiptavinir Kaupþings í Bret-
landi, hafa selt þakíbúð sína
í Monte Carlo í Mónakó fyrir
190 milljónir punda, jafnvirði
rúmra 36 milljarða króna.
Kaupandinn er fjárfestir frá
Miðausturlöndum sem vill ekki
láta nafn síns getið.
Þetta er hæsta íbúðarverð
í heimi og jafngildir því að
fermetrinn kosti 22 milljónir
íslenskra króna.
- jab
Seldu íbúð fyrir metverð:
Fermetrinn á
22 milljónir
SPURNING DAGSINS