Fréttablaðið - 14.09.2010, Síða 16

2
Heimasíða Umferðarstofu, www.umferdarstofa.is, hefur að geyma ýmis ráð er varða öryggi
barna og ungmenna í umferðinni sem bæði börn og fullorðnir hafa gott af því að kynna sér.
leika okkur saman, hjólum mikið
og svona,“ svarar Kolbeinn án
þess að hugsa sig um. Teit-
ur samsinnir því og þvertekur
fyrir að þeir séu inni í tölvu-
leikjum þegar blaðamaður spyr.
Ekki nema kannski til að horfa
á bíómyndir. „Við erum eigin-
lega meira fyrir svona alvöru-
myndir heldur en teiknimyndir,
eins og til dæmis Harry Potter-
myndirnar en ég hef séð þær
allar,“ segir hann og bætir við
að í fyrradag hafi þeir skellt sér
á bílskúrssölu hinum megin við
götuna þar sem þeir búa og gert
góð kaup. „Við keyptum Lilo og
Stitch eitt og tvö, Stuart litla,
Fríðu og dýrið og eina í viðbót.“
Vinirnir segjast líka lesa
mikið og blaðamaður spyr þá
hvort þeir kannist nokkuð við
bækurnar um þá Tinna og vin
hans Kolbein kaftein. „Já,“ segja
þeir þá báðir í kór og Tinni segir
ævintýri Tinna og hundsins
Tobba vera í miklu uppáhaldi hjá
sér. Kolbeinn segist hins vegar
ekki eiga neina sérstaka uppá-
haldsbók þótt hann lesi mikið og
finnist Tinnabækurnar ágætar.
En finnst þeim skrítið að þeir
skuli heita sömu nöfnum og per-
sónurnar sem eru að auki bestu
vinir rétt eins og þeir sjálfir?
„Mér finnst það mjög fyndið,“
viðurkennir Tinni og getur þess
að þessi skemmtilega staðreynd
hafi meðal annars orðið til þess
að hann vildi kynnast Kolbeini
betur.
En skyldu þeir eiga eitt-
hvað sameiginlegt með þessum
skemmtilegu og skrítnu persón-
um sem þeir heita eftir? Kol-
beinn hugsar sig um. „Hmmm …
Sko Tinni er eins og Tinni í
bókunum með næstum appels-
ínugult hár, eða kannski bara
ljóst skulum við segja. Svo er
hann líka skemmtilegur.“ Tinna
finnst hins vegar lítil líkindi
með vini sínum og kafteinin-
um úrilla. „Nei, hann er ekkert
líkur honum heldur miklu líkari
Ron besta vini Harry Potter.“ Að
hvaða leyti? „Nú, þeir eru báðir
rauðhærðir og svona.“
Þegar Tinni skynjar áhuga
blaðamanns á nöfnum þeirra
félaga getur hann þess að litli
bróðir sinn heiti líka sama nafni
og önnur fræg sögupersóna. „Já,
hann heitir Viggó alveg eins og
Viggó viðutan,“ útskýrir hann og
tekur fram að sá stutti fatti það
þó ekkert sjálfur sökum ungs
aldurs. „Hann er bara fimm
vikna og annaðhvort alltaf sof-
andi eða borðandi og er ekkert
að skilja þetta.“
Af svip vinanna má þá ráða
að nóg sé komið af spurning-
um, enda skóladagurinn á enda
og vinirnir farnir að bíða þess
óþreyjufullir að geta farið heim
að leika. Spyrja þó spenntir að
lokum hvenær viðtalið muni
birtast og blaðamaður bendir
þeim á að skoða vel blaðið í dag.
roald@frettabladid.is Ekki finnst Tinna vinur hans, Kolbeinn, eiga mikið sameiginlegt með samnefndri sögupersónu úr Tinnabókunum. Kolbeinn er hins
vegar ekki frá því að aðalsöguhetja bókanna og Tinni vinur sinn séu með svipaðan háralit. FRÉTTABLAÐIÐ/VALLI
Framhald af forsíðu