Fréttablaðið - 14.09.2010, Blaðsíða 23
Ýmislegt bendir til að andoxunarefni, svo sem E-vítamín, geti minnk-
að hættuna á hjarta- og æðasjúkdómum. Andoxunarefni eru líka
talin geta minnkað hrukkumyndun og dregið úr hættu á blóðtappa og
æðakölkun. Þau er að finna meðal annars í eplum og jarðarberjum.
Þraut, miðstöð vefjagigtar og
skyldra sjúkdóma, var opnuð í vor
með það að markmiði að stuðla að
markvissri þjónustu fyrir fólk með
vefjagigt. Að miðstöðinni standa
þrír sérfræðingar sem allir hafa
sérstaka þekkingu á sjúkdómn-
um og hafa unnið með hann lengi.
Þau eru Arnór Víkingsson gigt-
arlæknir, Sigrún Baldursdóttir,
sjúkraþjálfari og lýðheilsufræð-
ingur, og Eggert Birgisson sál-
fræðingur. „Við höfum öll hvert í
sínu lagi verið að vinna með fólk
með vefjagigt en þar sem þetta er
margslunginn og flókinn sjúkdóm-
ur sem þarf að meðhöndla á ýmsan
veg þótti okkur skilvirkara að taka
höndum saman,“ segir Sigrún.
Hjá Þraut eru vandamál fólks
vandlega kortlögð og viðeigandi
meðferðarúrræði fundin auk þess
sem vonir standa til þess að hægt
verði að bjóða upp á endurhæfing-
arúrræði. „Okkur var hins vegar
einungis hleypt af stað með grein-
ingarnar en höfum ekki komist
á fjárlög hjá hinu opinbera til að
geta haldið áfram og erum samn-
ingslaus eins og er,“ segir Sig-
rún. Þörfin er engu að síður mikil
og eru eitthvað í kringum sjötíu
manns að bíða eftir því að komast
að. Sigrún segir vefjagigtina ekki
eiga marga vini en að starfsmenn
Þrautar vilji leggja sitt af mörkum
til að afla þeirra. Hún segir marga
vefjagigtarsjúklinga í skápnum
enda hafi þeir mætt fordómum og
þekkingarleysi.
„Vefjagigtin hefur þrjú höfuðein-
kenni en þau eru útbreiddir verkir,
svefntruflanir og óeðlileg þreyta,
en fjöldi annarra einkenna er oft
hluti af sjúkdómsmyndinni. Ekki
er hægt að greina vefjagigt með
hefðbundnum rannsóknaraðferðum
læknisfræðinnar, en farið er eftir
ákveðnum sjúkdómsskilmerkjum
til að greina hana. Sýnt hefur verið
fram á það með mænuástungu og
stafrænni segulómun að einkenni
vefjagigtar stafa flest vegna trufl-
unar í starfsemi miðtaugakerfis-
ins,“ segir Sigrún. Hún segir vefja-
gigtina dýran sjúkdóm og að fólk
með vefjagigt leiti jafnan til fjölda
aðila innan heilbrigðiskerfisins
eftir aðstoð. „Átta af hverjum tíu
vefjagigtarsjúklingum eru konur
og ellefu prósent kvenna sem eru
á 75 prósent örorku eru með vefja-
gigt. Þær fara margar snemma á
örorku og því er örorkulífaldur-
inn langur. Sjúkdómurinn er ekki
læknanlegur en sé gripið inn í á
fyrri stigum er hægt að draga úr
einkennum og auka starfsorku. Það
er því þjóðþrifamál að styðja við
þennan málaflokk,“ segir Sigrún.
Markmið Þrautar er að auka
skilvirkni innan heilbrigðiskerf-
isins í mati og meðferð sjúklinga
ásamt því að draga úr beinum og
óbeinum heilbrigðiskostnaði. Þá
sýna erlendar rannsóknir fram
á að samræmd þjónusta dragi úr
notkun sjúklinga á heilbrigðisþjón-
ustu, minnki lyfjanotkun og auki
þátttöku fólks í samfélaginu. „Það
margborgar sig að hjálpa fólki að
halda starfsgetunni sem lengst
enda kostar hvert örorkuár marg-
ar milljónir. Sjúkdómurinn leggst
hins vegar misþungt á fólk og fyrir
þá sem eru verst haldnir skiptir
miklu að auka lífsgæði.
Nánari upplýsingar á www.þraut.
is og www.vefjagigt.is.
vera@frettabladid.is
Vefjagigtin á sér fáa vini
Miðstöð vefjagigtar og skyldra sjúkdóma opnaði í vor en markmið hennar er að bjóða alla þjónustu við
vefjagigtarsjúklinga á einum stað. Starfseminni var ýtt úr vör en vantar áframhaldandi fjárstuðning.
Sigrún að störfum í húsnæði Þrautar og Sjúkraþjálfunar Styrks að Höfðabakka 9.
FRÉTTABLAÐIÐ/GVA
Félögin Ljósið, Kraftur og SKB
hafa tekið höndum saman.
Ljósið – endurhæfingar- og stuðn-
ingsmiðstöð, Kraftur – stuðnings-
félag fyrir ungt fólk sem greinst
hefur með krabbamein og Styrkt-
arfélag krabbameinssjúkra barna,
SKB, gerðu á dögunum með sér
samning um formlega samvinnu
veturinn 2010-2011.
Félögin ætla að bjóða upp á
sameiginlega vetrardagskrá fyrir
fólk á aldrinum 18-29 ára sem
hefur greinst með krabbamein
og aðstandendur þess.
Hópurinn mun hittast aðra
hverja viku á fimmtudagskvöld-
um í vetur frá 19.30 til 21.30 og
var fyrsti fundur vetrar haldinn
síðasta fimmtudag. „Þetta er til-
valið tækifæri til að hitta hresst
og kátt fólk og eiga með því
skemmtilega kvöldstund.
Það verður aðallega lagt upp úr
því að hafa skemmtilegt og fræð-
andi félagsstarf, en hér hefur
ekki verið unnið markvisst með
þessum aldurshópi sem er í lyfja-
gjöf eða hefur lokið lyfjagöf gegn
krabbameini,“ segir Rafn Harald-
ur Rafnsson, nýráðinn umsjónar-
maður.
Fundirnir eru haldnir í húsa-
kynnum félaganna, hjá SKB að
Hlíðarsmára 14, Ljósið er að
Langholtsvegi 43 og Kraftur til
húsa í Skógarhlíð 8. - jbá
Fræðandi og skemmtilegt starf
Frá undirritun samningsins.
Woodex á Íslandi frá árinu 1977.
Löngu landsþekkt fyrir endingu og gæði.
Innritun og upplýsingar:
http://kvoldskoli.kopavogur.is og í síma 564 1507
ENSKA
Enska I - II
Enska III
Enska V
Enska tal og les
DANSKA
Danska I - II
Tungumálanámskeið
Kennt er í byrjenda – framhalds – og talæfingaflokkum
NORSKA
Norska I – II
Norska framhald
SÆNSKA
Sænska I - II
Sænska framhald
FRANSKA
Franska I
Franska framhald
ÍTALSKA
Ítalska I
Ítalska II
Ítalska III
SPÆNSKA
Spænska I
Spænska II
Spænska III
Spænska tal og les
Námskeiðin eru 20 kennslustundir
og standa í 10 vikur
Íslenska fyrir útlendinga I - IV
60 kennslustundir
Icelandic for foreigners I – IV
60 class hours
Kurs jezyka Islandzkiego
dla obcokrajowcow I - IV
60 godzin lekcyjnych
Fjöldi annarra námskeiða
eru í boði t.d.
í matreiðslu, garðyrkju,
prjóni, hekli,
saumum, förðun
og fleiri spennandi námskeið.