Fréttablaðið - 14.09.2010, Blaðsíða 13
ÞRIÐJUDAGUR 14. september 2010 13
Stelpan frá Stokkseyri segir landsdóm vera úrelta löggjöf,
og hún talar enga tæpitungu:
Alþingi er við það að gera regin-
mistök! Trúi því ekki að fólk geri
sér grein fyrir hvað það er að
gera. Hef viljað trúa því að ég búi
í réttarríki, en það samrýmist
ekki réttarríki að draga ráðherra
fyrir landsdóm.“
Hér eru ekki tilgerðarlegar
vangaveltur, hjarðhugsun eða get-
gátur, aðeins umbúðalausar stað-
reyndir og heilbrigð skynsemi.
Hversu grandvarir og réttsýnir
sem þingmenn telja sig vera, þá
eru þeir bara venjulegar mann-
eskjur þegar til stykkisins kemur.
Manneskjur sem oftar en ekki
tengjast samherjum með öðrum
hætti en pólitískum andstæðing-
um. Manneskjur sem eru fjarri
því að vera hlutlausar þegar
kemur að málum sem varða menn
og málefni í eigin flokki. Eðli-
lega. Hrekkjusvínið í næsta húsi
er ekki sett á bekk með fjöruga
stráknum í eigin ranni. Það þarf
til dæmis hvorki skarpskyggni né
pólitíska tortryggni til að sjá og
heyra ósamræmið milli yfirlýs-
inga og athafna ríkisstjórnarinn-
ar. Vandlætingin á vinavæðingu
fyrri ríkisstjórna er hallærisleg
með hliðsjón af vinnubrögðum
þeirra sem nú sitja í stjórn.
Með allri virðingu fyrir alþing-
ismönnum, þá eru þeir óhæf-
ir til þess að dæma um sekt eða
sakleysi samþingsmanna sinna,
og beinlínis ósæmilegt að leggja
það til.
Traust almennings
Ekki er ágreiningur um mikil-
vægi rannsóknarskýrslunnar
góðu. Hryggjarstykkið í skýrslu
þingmannanefndarinnar kann að
vera fengur fyrir komandi tíma,
og æskilegt að áherslan beinist
að því sem snýr að stjórnsýslunni
fremur en einstaklingum.
Þingmenn sækjast eftir virð-
ingu og trausti almennings, en
umræðurnar á Alþingi, sem allir
geta fylgst með í sjónvarpinu
heima hjá sér, vekja ekki alltaf
slíkar kenndir. Viðhafnarrammi
um starfsemi þingsins, sérstak-
ar hefðir og orðfæri koma fyrir
lítið þegar þessir fulltrúar fólks-
ins sem hefur verið trúað fyrir
velferð þjóðarinnar, standa í
ræðustól, reigja sig til hægri og
vinstri, eins og þeir séu í kapp-
ræðum í menntaskóla, að ekki sé
talað um þegar þeir þjóna lund
sinni í botn með eitruðum send-
ingum til samþingsmanna sem
þeim er ekki að skapi.
Þegar maður er unglingur og
missir stjórn á skapi sínu af ein-
hverjum ástæðum, finnst manni
það gild ástæða, að maður var
svo reiður. Sjálf komst ég ekki
upp með þess háttar fyrirslátt
heima hjá mér. Maður ætti að
stjórna skapsmunum sínum,
ekki stjórnast af þeim. Það væri
útlátalaust að sýna stillingu
og sjálfsstjórn þegar allt væri
eins og maður vildi hafa það,
en þegar það brygðist, ætti að
nota skapstyrkinn til að halda
ró sinni, því annars færi dóm-
greindin í frí. Það gekk náttúr-
lega upp og ofan eins og við var
að búast á unglingsárunum, en
skilaði sér síðar.
Einhverra hluta vegna virðast
býsna margir þingmenn líta svo
á að ræðustóll Alþingis sé fyrir
einhvers konar vandlætingar-
útrás.Stundum minna þeir helst
á karlinn á kassanum á Lækj-
artorgi forðum. Kannski þykir
einhverjum það bara líflegt og
spennandi að sjá fulltrúa þjóð-
arinnar vinda sér til hægri og
vinstri í ræðustólnum og þruma
yfir samþingsmönnum sínum
með yfirlætislegu fasi, en ég er
ekki frá því að fleiri kunni því
betur að þeir sem stjórna landinu
séu í bærilegu jafnvægi, bæði í
ræðustól og annars staðar.
Næstu skref
Sumarið hefur verið gjöfult og
gott, en hvernig skyldi veturinn
verða?
Hvað gerist í stjórnmálum
landsins á næstu misserum? Mik-
ill tími hefur farið í að búa til og
skipa hinar og þessar nefndir,
breyta skipan ráðuneyta, skipta
út ráðherrum.
Leggja niður eitt og búa til
annað. Spara með því að svipta
fámennar byggðir póstþjónustu
og löggæslu, lækka laun, hækka
skatta. Ríkisstjórnin er hreint
ekki aðgerðalaus en spurningin
er hvort forgangsröðin er í sam-
ræmi við ástandið í landinu. Hafa
heimilin og efling atvinnulífsins
forgang? Skilja sitjandi ráðherr-
ar yfirleitt lögmál atvinnulífs-
ins? Hvað sem því líður þá dylst
engum að leiðtogar stjórnarflokk-
anna eru stoltir af eigin frammi-
stöðu og stjórn landsins. Spurn-
ingin er hvort almenningur er á
sömu skoðun.
Alþingi og almenningur
Jónína
Michaelsdóttir
blaðamaður
Í DAG
Ríkisstjórnin er hreint ekki aðgerðalaus
en spurningin er hvort forgangsröðin er
í samræmi við ástandið í landinu.
Sigmundur Einarsson jarðfræð-ingur skrifar grein í Fréttablað-
ið 10. september 2010 undir fyrir-
sögninni „Komið að skuldadögum
í Helguvík“. Í greininni segir m.a.:
„Af einhverjum ástæðum sá Skipu-
lagsstofnun ekki ástæðu til að taka
afstöðu til ofangreindrar umsagn-
ar Orkustofnunar í áliti sínu um
mat á umhverfisáhrifum Reykja-
nesvirkjunar.“
Sigmundur taldi að umsögn
Orkustofnunar sýndi að hugmyndir
HS Orku um stækkun Reykjanes-
virkjunar hafi frá upphafi verið
óraunsæjar.
Skipulagsstofnun vill vekja
athygli á því að stofnunin tók í áliti
sínu um mat á umhverfisáhrifum
stækkunar Reykjanesvirkjunar í
júlí 2009 undir margt af því sem
fram kom í umsögn Orkustofnunar
við frummatsskýrslu HS Orku, auk
þess sem atriði úr umsögninni voru
ítarlega reifuð. Hins vegar var það
staðreynd sem stofnunin benti á í
álitinu að í frummatsskýrslu kæmi
fram augljós skoðanamunur milli
jarðhitasérfræðinga HS Orku
annars vegar og Orkustofnunar
hins vegar. Skoðanamunur væri
um veigamikla þætti er vörðuðu
þau áhrif sem vinnsla hefði haft á
jarðhitakerfið frá því að Reykja-
nesvirkjun var gangsett árið 2006
og frekari áhrif fyrirhugaðrar
stækkunar virkjunarinnar. Að
áliti Skipulagsstofunar var stofn-
uninni gert erfitt um vik að leggja
mat á hver yrðu raunveruleg áhrif
stækkunarinnar á jarðhitaauð-
lindina í ljósi þessa ágreinings
og þeirrar miklu óvissu sem óhjá-
kvæmilega væri til staðar um áhrif
stækkunar Reykjanesvirkjunar á
jarðhitakerfið. Stofnunin taldi því
eðlilegt að frekari umfjöllun um
áhrif stækkunarinnar á auðlindina
þyrfti að fara fram við leyfisum-
sóknir HS Orku til Orkustofnunar
og svo virðist sem að sú umfjöllun
eigi sér nú stað í leyfisferli fyrir-
tækisins hjá Orkustofnun. Skipu-
lagsstofnun vill jafnframt benda
á að í álitinu fjallaði stofnunin um
áhrif af þeirri vinnslustefnu sem
viðgengist hefur frá því að Reykja-
nesvirkjun var gangsett, slík
vinnsla væri ágeng en ekki sjálf-
bær og kynni að hafa í för með sér
að draga yrði úr vinnslu eftir til-
tekið tímabil. Þetta gæti haft í för
með sér að mati Skipulagsstofnun-
ar að þess yrði sífellt freistað að
stækka vinnslusvæði til að auka
við vinnsluna eða mæta dvínandi
afköstum borhola svo raforku-
framleiðsla gæti haldist óbreytt.
Einnig taldi stofnunin að ágeng
vinnsla væri til þess fallin að auka
ásókn orkufyrirtækja inn á ný og
oft ósnortin háhitasvæði.
Í grein sinni víkur Sigmundur
einnig að því að Skipulagsstofnun
og umhverfisráðuneyti hafi hafnað
kröfu um sameiginlegt mat fyrir
framkvæmdir tengdar byggingu
álvers í Helguvík. Kröfur um sam-
eiginlegt mat álvers í Helguvík við
tengdar framkvæmdir hafa oftar
en einu sinni komið til kasta Skipu-
lagsstofnunar. Lokaniðurstaða
um slíkt mat birtist í úrskurði
umhverfisráðherra í lok janúar
2010 þar sem ekki var fallist á þá
kröfu að svokallaðar Suðvestur-
línur yrðu metnar með tengdum
framkvæmdum, m.a. þeim mögu-
legu virkjanakostum sem ættu að
veita álveri í Helguvík orku. Þar
var m.a. tekið undir þann rökstuðn-
ing sem áður hafði komið í ákvörð-
unum Skipulagsstofnunar 25. mars
og 30. október 2009 sem byggði
m.a. á ákvæðum laga um mat á
umhverfisáhrifum, en skv. þeim
taldi stofnunin að ekki væri hægt
að líta svo á að framkvæmd gæti
talist „fyrir huguð“ í skilningi 2.
mgr. 5. gr. laga um mat á umhverf-
isáhrifum, fyrr en framkvæmd-
araðili gæti lagt fram tillögu að
matsáætlun. Því gæti orkuvinnsla
á hugmyndastigi, sem þó væri til-
greind sem möguleg uppspretta
orku fyrir álver í Helguvík ekki
orðið hluti af sameiginlegu mati
umhverfisáhrifa.
Skipulagsstofnun bendir á að
búið var að taka ákvarðanir um
uppbyggingu orkufreks iðnaðar
víða á Reykjanesi áður en fyllilega
var ljóst hvaðan hann myndi fá
orku og áform um ýmsa virkjana-
kosti komin mun skemur á veg en
uppbygging iðnaðar og flutnings-
kerfis fyrir raforku. Skipulags-
stofnun telur að það hljóti að vera
æskilegt við undirbúning ákvarð-
ana um uppbyggingu orkufrekrar
starfsemi að fyrir liggi upplýsing-
ar og skýr heildarsýn og stefna um
hvaðan slík starfsemi sæki orku, en
með tilliti til þeirra skilyrða sem
ákvæði laga um mat á umhverfis-
áhrifum setja, telur stofnunin ljóst
að þau ákvæði nýtast ekki sem
stjórntæki til að fá fram slíka sýn.
Þar þyrfti að koma til skýr stefna
stjórnvalda á landsvísu og sveit-
arfélaga varðandi nýtingu vatns-
orku og jarðvarma og uppbyggingu
orkufreks iðnaðar.
Skuldadagar í Helguvík
Skipulagsmál
Stefán Thors
og Rut
Kristinsdóttir
skipulagsstjóri
og sviðsstjóri
umhverfissviðs
Skipulagsstofnunar
KENNARI NÁMSKEIÐSINS, SIGURÐUR JÓNSSON, LÆRÐI
LJÓSMYNDUN Í SCHOOL OF VISUAL ARTS Í NEW YORK
OG ÖÐLAÐIST MEISTARARÉTTINDI Í LJÓSMYNDUN ÁRIÐ
1989. HANN HEFUR HALDIÐ NÁMSKEIÐ Í STAFRÆNNI
MYNDVINNSLU FYRIR LJÓSMYNDARAFÉLAG ÍSLANDS,
LISTAHÁSKÓLA ÍSLANDS, MARGMIÐLUNARSKÓLANN,
IÐNSKÓLANN Í REYKJAVÍK OG NÚ Í 5 ÁR HJÁ NTV.
FYRIR HVERJA?
Námskeiðið er ætlað þeim sem vinna við
grafík og stafræna myndvinnslu og vilja ná
dýpri þekkingu og skilningi á nær óendan-
legum möguleikum þessa flotta verkfæris.
Námið er undirbúningur fyrir alþjóðlegt próf
sem gefur gráðuna: Adobe Certified Expert.
INNTÖKUSKILYRÐI
Þeir sem ætla í þetta nám þurfa að hafa
einhverja reynslu í Photoshop og undir-
stöðuþekkingu á Windows umhverfinu.
Einnig þarf góða enskukunnáttu þar sem
flest námsgögn eru á ensku.KENNSLUTILHÖGUN
Mánudaga og miðvikudaga 18-22.
Byrjar 4. okt. og lýkur 3. nóv.
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
PHOTOSHOP EXPERT
- ALVÖRU PHOTOSHOP NÁMSKEIÐ -
PHOTOSHOP EXPERT
Við hjá NTV leyfum okkur að fullyrða að
þetta sé eina námskeiðið sem uppfylli
kröfur þeirra sem einhverja reynslu hafa í
Photoshop. Námskeiðið er yfirgripsmikið
þar sem mikið er lagt upp úr þeim þætti
sem snýr að eftirvinnslu s.s. litgreiningu,
prófílum, upptöku aðgerða, skipulag,
meðferð RAW skráa, og öllum þeim
aðgerðum sem áður fyrr voru fram-
kvæmdar í myrkrakompu.