Fréttablaðið - 14.09.2010, Blaðsíða 38
26 14. september 2010 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. Listastefna, 6. hæð, 8. námsgrein,
9. rúm ábreiða, 11. ónefndur, 12.
raup, 14. aurasál, 16. kveðja, 17.
ról, 18. bókstafur, 20. bókstafur, 21.
lipurð.
LÓÐRÉTT
1. líkamshluti, 3. frá, 4. land í Evrópu,
5. tál, 7. sök, 10. bar, 13. kvk nafn, 15.
ílát, 16. er með, 19. tveir eins.
LAUSN
LÁRÉTT: 2. dada, 6. ás, 8. fag, 9. lak,
11. nn, 12. skrum, 14. nánös, 16. hæ,
17. ark, 18. emm, 20. ká, 21. fimi.
LÓÐRÉTT: 1. háls, 3. af, 4. danmörk,
5. agn, 7. saknæmi, 10. krá, 13. una,
15. skál, 16. hef, 19. mm.
VEISTU SVARIÐ?
Svör við spurningum á síðu 10.
1 Aska og sandur.
2 Bifröst og Háskólinn
í Reykjavík.
3 Við Skálholtskirkju.
„Við réðumst í miklar endurbætur
fyrir hálfu ári og þá kom sér vel
að það varð eitthvert smáræði
eftir sem við gátum nýtt okkur,“
segir Benedikt Guðmundsson
hjá Draugasetrinu á Stokkseyri.
Uppvakningur og annað dót sem
notað var við tökur á kvikmyndinni
Sumarlandið fyrr á þessu ári
gleymdist þegar tökuliðið tók upp
nokkrar senur á Setrinu. Starfsfólk
Draugasetursins var ekki lengi að
kveikja á perunni og ákvað að nýta
sér einn uppvakninginn. „Þeir litu
nefnilega alveg svakalega vel út,“
segir Benedikt.
Sumarlandið verður frumsýnt
í þessari viku en hún segir frá
fjölskyldu sem ákveður að hella
sér út í handanheimsfræði í
veikri gróðravon. Hlutirnir fara
þó ekki alveg eins og lagt var upp
með. Þau Kjartan Guðjónsson
og Ólafía Hrönn Jónsdóttir leika
aðalhlutverkin í myndinni en
leikstjóri er Grímur Hákonarson.
Benedikt segir tökurnar á
Draugasetrinu hafa gengið
vonum framar. „Og það þýðir
bara eitt: draugarnir hafa
verið ánægðir með það sem
þeir sáu,“ segir Benedikt og
bætir því við að þeir geti
nú boðið upp á extra
mikinn draugagang
á Setrinu. „Já, við
höfum náð miklu
betri tökum á
þessu núna.“ - fgg
Uppvakningur gleymdist
FÉKK UPPVAKNING ÚR
BÍÓMYND Benedikt Guð-
mundsson hjá Draugasetr-
inu fékk uppvakning sem
hafði gleymst þar eftir tökur
hjá Grími Hákonarsyni á
Sumarlandinu. Draug-
urinn á myndinni
tengist efni
fréttarinn-
ar ekki
beint.
„Væntanlega kemur þessi mappa með
Ásgríms-myndunum frá gamla Helgafells-
lagernum þegar Ragnar í Smára var upp
á sitt besta,“ segir Jóhann Páll Valdimars-
son bókaútgefandi. Vel á þriðja tug mappa
með eftirprentunum af vatnslitamynd-
um eftir Ásgrím Jónsson fundust nýlega
á lager Forlagsins úti á Fiskislóð. Jóhann
hyggst bjóða þær til sölu gegn vægu verði,
tæplega tuttugu þúsund krónur, á bóka-
markaði Forlagsins en frumskógarlögmál-
ið verður látið gilda; fyrstir koma, fyrstir
fá.
Jóhann segist ekki hafa hugmynd um
hvaðan þessar eftirprentanir komi. Hann
bendir hins vegar á að myndirnar séu
prentaðar á mjög vandaðan pappír og allt
efni í kringum þær sé á ensku. „Við höfum
verið að kanna tilurð þessara mappa, af
hvaða tilefni ráðist var í gerð þeirra. Við
heyrðum af því að svona mappa hefði verið
boðin upp hjá Gallerí Fold fyrir 25 þúsund
krónur og að hún hefði verið prentuð fyrir
heimssýninguna 1967 í Montreal.“
Jóhann segir að hans fólk hafi eytt
lunganum úr gærdeginum í að ræða við
Ásgríms-sérfræðinga landsins. Hann úti-
lokar ekki að kannski hafi Ragnar í Smára
ætlað að koma Ásgrími á framfæri við
útlendinga, möppurnar hafi verið drög
að hálfgerðri útrás útgefandans fyrir
íslenska listamanninn. „Auðvitað ætti
maður að geyma þetta sjálfur, þetta gerir
jú ekkert annað en að hækka í verði.“ - fgg
Fágætar eftirprentanir finnast á lager
DULARFULLUR FENGUR Jóhann Páll með dularfullu möppurnar
sem væntanlega voru pantaðar af Ragnari í Smára en í þeim
eru eftirprentanir af vatnslitamyndum Ásgríms Jónssonar.
FRÉTTABLAÐIÐ/ANTON
Spyrillinn Edda Hermannsdótt-
ir og stigavörðurinn Marteinn
Sindri Jónsson eru ný andlit
spurningakeppninnar Gettu betur
sem hefur göngu sína í Sjónvarp-
inu 19. febrúar. Höfundur spurn-
inga verður sá sami og áður, Örn
Úlfar Sævarsson.
„Það eru spennandi tímar fram
undan. Það fer vissulega svolít-
ill tími í þetta og þetta er ekki
alveg orðið raunverulegt enn þá.
En mér líst rosalega vel á þenn-
an hóp sem verður með mér,“
segir Edda, sem fetar í fótspor
Evu Maríu Jónsdóttur sem hefur
spurt nemendur spjörunum úr
undanfarin tvö ár.
Edda viðurkennir að hún kvíði
því lítillega að koma í fyrsta sinn
fram í sjónvarpi. „Það er pass-
lega mikið stresss, eins og það
á að vera. En ég er búin að fara
á nokkrar æfingar og ætti nú að
vera vel undirbúin.“ Sjónvarps-
mennska ætti henni líka að vera
í blóð borin því hún er dóttir hins
eina og sanna Hemma Gunn.
Edda er Akureyringur og var
formaður nemendafélagsins í
Menntaskólanum á Akureyri.
Hún segist alltaf hafa fylgst vel
með Gettu betur.
„Ég var mjög mikið í tengslum
við Gettu betur í gegnum félags-
lífið. Það er ekkert svo langt
síðan það var,“ segir hin 23 ára
Edda og hlær. „Ég hef alltaf haft
mjög gaman af þessum þætti
og það er frábært að fá að taka
þátt í þessu.“ Hún stundar nám
í hagfræði við Háskóla Íslands
og það var í gegnum námið sem
henni bauðst spyrilsstaðan. „Ég
tók einn áfanga í tengslum við
RÚV í vor. Eftir hann hafði Sig-
rún Stefánsdóttir [dagskrárstjóri
Sjónvarpsins] samband við mig
og bauð mér að koma í prufur,“
segir Edda, sem er einnig í stúd-
entaráði Háskólans.
Þrátt fyrir að vera aðeins 23
ára er hún gift og á von á sínu
öðru barni í desember. Hún óttast
ekki að barnið muni hafa áhrif á
spyrilsstarfið. „Ég er viss um að
þetta verður skemmtileg blanda.
Ég verð bara að mjólka heima og
æfa mig á spurningunum,“ segir
hún hress.
Marteinn Sindri Jónsson er
21 árs Reykvíkingur sem hefur
starfað talsvert á Rás 1 og stjórn-
aði þættinum Mánafjöll síðasta
vetur. „Það er fyrst og fremst
heiður að fá þetta tækifæri. Ég
er bjartsýnn á að þetta verði
skemmtileg og góð reynsla sem
muni nýtast í önnur verkefni
lífsins,“ segir Marteinn Sindri,
sem les heimspeki við Háskóla
Íslands. Hann fyllir skarð hins
skelegga Ásgeirs Erlendssonar
sem stigavörður í Gettu betur.
Marteinn á sér óvenjulega for-
tíð því hann starfaði sem fyrir-
sæta erlendis eftir stúdents-
próf frá MH og sýndi fyrir hina
frægu hönnuði Marc Jacobs
og Hugo Boss. „Ég fór út í smá
tíma en svo ákvað ég að það byð-
ust stærri verkefni hérna heima.
Minn metnaður lá annars stað-
ar,“ segir Marteinn, sem er sagð-
ur hafa verið í miklu uppáhaldi
hjá Jacobs. „Þetta var gífurleg
reynsla sem víkkaði út sjóndeild-
arhringinn,“ segir hann um fyrir-
sætuferilinn.
Dagskrárstjórinn Sigrún Stef-
ánsdóttir er hæstánægð með nýju
starfsmennina. „Ég hef mikla trú
á þeim. Það er gaman að fá ný
andlit á skjáinn og leyfa þeim að
spreyta sig.“ freyr@frettabladid.is
EDDA HERMANNSDÓTTIR: SPENNANDI TÍMAR FRAM UNDAN
Tvö ný andlit í Gettu betur
NÝIR LIÐSMENN Dómarinn Örn Úlfar Sævarsson (lengst til vinstri) ásamt nýju liðs-
mönnunum Eddu Hermannsdóttur og Marteini Sindra Jónssyni.
„Vorrúllurnar á veitingastaðn-
um Thai Reykjavík á Lækj-
ar götu eru sérstaklega góðar.
Yfirleitt fæ ég mér þó einhverja
blöndu af nokkrum réttum hjá
þeim.“
Jón Pálmar Sigurðsson, vert á Bakkusi.
Fyrirtaka í meiðyrðamáli Pálma
Haraldssonar gegn Maríu Sigrúnu
Hilmarsdóttur, Svavari Halldórssyni
og Páli Magnússyni, starfsmönnum
RÚV, verður í Héraðsdómi Reykja-
ness á föstudaginn. Forvitnilegt
verður að sjá hversu langt þetta
meiðyrðamál nær en
síðast þegar útrásar-
víkingar fóru í mál við
fjölmiðil endaði það
með uppsögn frétta-
stjóra Stöðvar 2,
Óskars Hrafns
Þorvaldssonar.
Bíó Paradís:
Heimili kvikmyndanna verður
opnað á morgun. Og það verður
kvikmyndin Backyard sem mun
vígja kvikmyndahúsið en það er
heimildarmynd Árna Sveinssonar
um ákveðna tónlistarsenu hér á
landi. Aðstandendur hússins réðust
í mjög metnaðarfulla myndbands-
herferð en þar má sjá bregða fyrir
þekktu fólki úr íslensku þjóðlífi
dásama gamlar perlur kvikmynd-
anna, eins og E.T, Shining og
annað í þeim dúr. Meðal þeirra
sem sjá má bregða fyrir eru Harpa
Arnardóttir, Víkingur Kristjánsson,
Ari Eldjárn og Ragnar
Bragason. Þess má geta
að Egill Helgason fagn-
aði komu kvikmynda-
hússins á bloggsíðu
sinni; hann sagðist
vera með dellu fyrir
ítalska nýraunsæinu
þessa dagana.
Búist er við því að nýtt vikublað,
Fréttatíminn, líti dagsins ljós um
mánaðamótin. Í forsvari þar eru
Jón Kaldal, fyrrverandi ritstjóri
Fréttablaðsins, áðurnefndur Óskar
Hrafn, Jónas Haraldsson, fyrrver-
andi aðstoðarritstjóri DV, og synir
hans Teitur og Haraldur. Ritstjórn
blaðsins mun óðum vera
að taka á sig mynd
og hefur Gunnhildur
Arna Gunnarsdóttir,
sem hætti í fússi á
Morgunblaðinu fyrr á
árinu, ráðið sig þar
til starfa. - fgg, hdm
FRÉTTIR AF FÓLKI