Fréttablaðið - 14.09.2010, Blaðsíða 20

14. SEPTEMBER 2010 ÞRIÐJUDAGUR2 ● fréttablaðið ● útivist og veiði
● FUGLAHUNDUM FJÖLGAR Hundum sem notaðir eru við fugla-
veiðar hefur fjölgað hér á landi á undanförnum árum. Þeir skiptast flest-
ir í benda og sækja. Bendar hafa þann eigin-
leika að benda á fugl, t.d. rjúpu, en sækjum er
eðlislægt að sækja og veiða bráð. Einnig eru
til hundakyn sem hafa báða þessa eiginleika.
Talsverð vinna er að halda veiðihund. Hann
þarf mikla hreyfingu dags daglega og er nauð-
synlegt að fara langa túra, í allt að þrjár klukku-
stundir einu sinni til tvisvar í viku. Fyrir lang-
ar og strangar veiðiferðir þarf hann sérstaka
hlaupaþjálfun því hann fer yfirleitt mun lengri
leiðir en veiðimaðurinn sjálfur.
Heimild/Skotvís 1.tbl.2010 og www.fugla-
hundadeild.is - gun
Fuglahundar spara veiði-
mönnum sporin og hjálpa
þeim verulega en þurfa
líka mikla umhirðu.
Skortur á fræðslu og reynslu-
leysi eru helstu orsakir fyrir
slæmri umgengni veiðimanna
á fjöllum að mati formanns
Skotveiðifélags Reykjavíkur.
Hann segir þó slæma um-
gengni frekar heyra til undan-
tekninga heldur en hitt.
Umgengni veiðimanna um veiði-
svæði verður oftar en ekki tilefni
neikvæðrar umfjöllunar í fjölmiðl-
um. Að mati Friðriks Garðarsonar,
formanns Skotveiðifélags Reykja-
víkur og nágrennis, er slæm um-
gengni veiðimanna þó óalgeng hér-
lendis. „Það er þá helst að þetta séu
byrjendur, en komi slík dæmi upp
er algengt að þau rati í fjölmiðla
sem hættir til að blása þau upp,“
segir hann og vísar til nýlegs at-
viks við Hálslón þar sem veiðimenn
voru gagnrýndir fyrir að skilja
eftir illa útleikin hræ. „Þetta þótti
sýna fram á vanvirðingu og sóun á
mat meðan hvergi var minnst á að
fjöldi annarra hefði farið um svæð-
ið og gengið vel um það.“
Undir þetta tekur Gunnar Páll
Jónsson matvælafræðingur sem
hefur gert rannsókn sem meðal
annars lýtur að meðferð villibráð-
ar. „Rannsóknin heitir Íslensk villi-
bráð, nýting, öryggi og gæði og
snýst almennt um nýtingu á villi-
bráð og matvælaöryggi í tengslum
við hana. Þar komst ég að þeirri
niðurstöðu að kunnáttuleysi gætir
hjá veiðimönnum, helst nýgræð-
ingum, í meðferð villibráðar, sem
veldur því að þeir nýta hana stund-
um illa.
Vankunnátta getur valdið því að
menn fara af stað illa undirbúnir
og ef menn vilja gera að fugli á
veiðislóð þarf að huga að kælingu.
Innmat skilja menn jafnvel eftir
þar sem kunnáttu skortir um með-
ferð og matreiðslu,“ segir Gunn-
ar og skrifar kunnáttuleysið helst
á skort á fræðslu, sem hann segði
hæglega hægt að bæta úr með út-
gáfu á sérstöku fræðsluefni. „Ég
veit að Skotvís og fleiri hafa unnið
að gerð fræðslumyndbands en
Veiðikortasjóður hefur því miður
verið tregur til að leggja starfinu
lið en er í sama orði að setja út á
kunnáttuleysi veiðimanna þegar
fréttir af vankunnáttu eða slóða-
skap birtast.“
Hann segir ágætt að hafa siða-
reglur Skotveiðifélags Íslands
ávallt til viðmiðunar ásamt því að
fara eftir eftirfarandi reglum við
verkun bráðar. „Mikilvægt er að
gera að henni sem fyrst, sérstak-
lega öndum og gæsum en aðrar
reglur gilda um rjúpur. Hefð er
að hengja gæsir upp á hausnum
en menn ættu að nýta sér kæli-
geymslu hafi þeir aðgang að henni
þar sem hitinn er okkar helsti
óvinur.“
Hann segir misjafnt hversu
lengi gæsir og buslendur séu látn-
ar hanga, góð regla sé að láta bráð-
ina hanga þar til geymsluhitastig-
ið margfaldað með dagafjölda nær
tölunni 40. „Svo er gert að fuglin-
um, hann reyttur eða hamflettur;
innyflin, hjarta, lifur og fóarn eru
hirt, sömuleiðis háls og læri sem
eru skorin af við búk og eru prýð-
ismatur og bringukjötið skorið
frá beini,“ lýsir Gunnar og vísar á
rannsókn sína á Netinu sem hefur
að geyma leiðbeiningar um með-
höndlun villibráðar. - rve
Umgengni almennt góð
„Góð nýting; bringa, læri, vængbein, fóarn, hjarta og lifur, tilbúið til að njóta,“ segir Gunnar Páll og breiðir úr kræsingunum.
FRÉTTABLAÐIÐ/ANTON
● BLESGÆSIN ER FRIÐUÐ Blesgæsastofninn á undir högg að
sækja og hafa gæsirnar verið friðaðar hérlendis frá 2006. Þær hafa við-
komu hér á haustin á leið sinni frá
Grænlandi á hin skosku heiðalönd
sem eru vinsæll vetrardvalarstað-
ur blesgæsarinnar.
„Blesgæsum hefur farið
fækkandi af einhverjum ástæð-
um,“ segir Sigmar B. Hauksson, for-
maður félagsins Skotvís, og kveðst
á þeirri skoðun að heiðagæs frá
Kanada sé farin að þrengja að varpstöðvum hennar á Grænlandi.
Blesgæsin er ívið dekkri en heiðagæsin. Sigmar segir veiðimenn geta
þekkt hana úr þar sem hún sitji á túnum, á hvítri rönd meðfram nefinu.
Erfitt sé þó að greina á milli tegundanna á flugi. - gun
Blesgæs er með hvíta rönd meðfram
nefinu og þekkist þannig frá heiðagæs-
inni.
„Konur hafa verið að sækja í sig veðrið jafnt og þétt
sem veiðimenn síðustu fimm árin og í fyrra var hlut-
fall kvenna á skotvopna- og veiðikortanámskeiðum
um níu prósent,“ segir Einar Guðmannsson, sér-
fræðingur hjá Umhverfisstofnun, sem heldur utan
um námskeið sem sitja þarf til að fá skotvopna- og/
eða veiðileyfi.
Metaðsókn var í byssu- og veiðileyfi í fyrra þegar
um 1.200 skráðu sig á námskeiðin hjá Umhverfisstofn-
un en árið þar á undan höfðu þátttakendur verið um
800. Konur, sem þátt tóku í fyrra, voru því yfir eitt
hundrað en þátttakan í ár stefnir í að verða svipuð og
árið 2008, þegar rúmlega átta hundruð manns sóttu
námskeiðin. Hlutfall kvenna á námskeiðunum virðist
þó ætla að halda sér. „Konur náðu því að verða fimm
prósent þeirra sem sitja námskeiðin árið 2004 og
aukningin, fjögur prósent á fimm árum, er því góð.“
Kvenkyns veiðimenn voru lengst af innan við tvö
prósent á Íslandi, eða 1,7 prósent, að sögn Einars en
með aukinni þátttöku á námskeiðunum síðustu árin
eru þær nú um þrjú prósent íslenskra veiðimanna.
„Eftir að þessi aukning varð í fyrra urðu miklar pæl-
ingar um af hverju hún stafaði. Það er erfitt að benda
á einhverja eina skýringu, ástæðurnar eru margar og
samhangandi. Líklega spilar þar þó inn í að við erum
komin með mjög aðgengilegt skráningarkerfi á vef-
síðu okkar, veidikort.is þar sem allar upplýsingar eru
aðgengilegar.“ - jma
Fleiri kvenkyns veiðimenn
Það þykir ekki lengur tíðindum sæta að konur stundi
veiðimennsku og í fyrra var hlutfall kvenna á skotvopna- og
veiðikortanámskeiðum um níu prósent.
● FYRSTA KVENNAMÓTIÐ Í SKOTFIMI
Kvennamótið Ladies International Grand
Prix verður haldið hér á landi dagana 17.
til 18. október næstkomandi, en það er
fyrsta alþjóðlega kvennamótið í skot-
fimi sem haldið hefur verið á Íslandi. „Um
er að ræða vináttumót og er það haldið
í 21. skipti,“ segir skotíþróttakonan Anný
Björk Guðmundsdóttir. Alls munu tuttugu
keppendur frá sjö löndum taka þátt en
þar af eru 6 íslenskir og 14 erlendir. Meðal keppenda eru færustu konur
heims í ólympískri leirdúfuskotfimi (skeet).
Mótið fer fram á skotsvæði Skotfélags Reykjavíkur. Keppt verður til
úrslita í A og B flokkum síðari keppnisdaginn. Anný Björk, sem hefur
keppt í mótinu ytra ásamt Inger Ericson, segist verða vör við aukningu
í skotveiðiiðkun kvenna á Íslandi. „Það sést ef til vill best á því að þrjár
konur tóku þátt í Íslandsmótinu í ár en þær hafa lengi vel látið sig vanta
og yfirleitt ekki verið nema ein til tvær.“ - ve
TIL
BO
Ð!
VETRARDEKK
ÓD
ÝR
T
fólksbíll kr 5.490,- jepplingur kr 6.490,-
Tilboð á umfelgun
Verðtilboð fyrir eldri borgara
Fólksbíll kr 4.990,-
Jepplingur kr 5.990,-
Gerið verðsamanburð
Sama verð fyrir ál- og stálfelgur
Borgartúni 36, (bakvið Cabin hótel) • Sími 588 9747 • www.vdo.is
Opið mán.–fös. 8–18. Lau. 10–14.