Morgunn - 01.06.1976, Síða 36

34
MORGUNN
Mikilvægi þeirra liggur vissulega ekki í þvi, að hér sé fram
borin ný hugmynd um heiminn. Hún er í sjálfu sér afarfom
og hefur komið fram meðal hinna ólíkustu þjóða í hverri
heimsálfu. Mikilvægi lestra Cayces eru aðallega tvenns kon-
ar. 1 fyrsta lagi það, að hér koma fram í fyrsta skifti á Vestur-
löndum sérstakar skýrar, skiljanlegar og sálfræðilega trúverð-
ugar frásagnir af hugsanlegum fyrri lífum margra einstakl-
inga. Og þá er hitt ekki síður mikilvægt, að í fyrsta skipti í
þekktri sögu mannkynsins hafa þessar frásagnir verið skráðar
jafnóðum og varðveittar með þeim hætti og þær eru aðgengi-
legar fyrir allan almenning.
Þá er það ekki siður athygli vert, að lestrar Cayces sam-
ræma heimspeki Austurlanda hinum öflugu kenningum krist-
inna lífsviðhorfa, og hafa þannig blásið nýju lífi í hvort-
tveggja. Hér hefur því verið náð hinni mjög nauðsynlegu
tengingu þessara tveggja lifsviðhorfa, sem hvort fyrir sig
hefur einkennt Austur- og Vesturlönd svo lengi.
En það sem þó skiftir mestu er það, að hér hefur lestrum
Cayces tekist að tengja saman vísindi og trúarbrögð. Þeir
gera það með því að sýna fram á það að hinn andlegi eða
siðferðilegi heimur er undiropinn lögmálum orsaka og af-
leiðinga engu síður en efnisheimurinn. Þeir gera það ljóst að
mannleg þjáning á ekki rætur sínar að rekja til óheppni í
efnisheiminum, heldur til rangrar hegðunar og hugsunar.
Hinn gífurlegi ójöfnuður við fæðingu og í meðfæddum hæfi-
leikum stafar því ekki af duttlungum Skaparans eða blindum
erfðalögmálum, heldur á hann rætur sínar að rekja til góðrar
eða illrar breytni í fyrri Hfum. Allar takmarkanir og öll þján-
ing hefur þann tilgang að auka þekkingu. Vanskapanir og
örkuml eiga sér siðferðilegar rætur. Og allt böl mannsins felur
í sér lexíur i löngum skóla visku og fullkomnunar.