Morgunn - 01.06.1976, Page 75

BHAGAVAD GITA
73
og kostgæfni. Slíkt sé nauðsyn bæði honum sjélfum og sam-
ferðamönnunum, sakir eiginleikanna, því ef starfið falli nið-
ur þá muni heimurinn farast. Hann verður að vera sér með-
vitandi um og gleyma ekki hinu mikla lögmáli, sem er undir-
staða alls mannlífs; því lögmáli, sem sett er fram með á’hrifa-
mestum og stórbrotnustum hætti í liinum einföldu orðum
Drottins Jesú Krists, og eru samhljóða innblásnum orðum
spámannanna. „Þú skalt elska Drottinn Guð þinn, af öllu
hjarta, öllum mætti þinum og allri sál þinni, og náunga
þinn eins og sjálfan þig“, — því í þessu felst undirstaða og
grundvöllur alls lifs í heiminum: Að elska Guð merkir að
leitast við að læra að þekkja lögmál Guðs í sjálfum sér og
náttúrunni, og að lifa eftir þeim, ■— að élska náungann,
merkir að vera nytsamur og ástunda með kostgæfni siðræna
alúð í öllum verkum vorum og störfum. Störf vor eru hið
heilaga framkvamii anda vors í heiminum og er sú gagnsemi
sem náungi vor, hvort sem vér þekkjum hann eða ekki, verð-
ur aðnjótandi. — Allt þetta hnigur þannig að hinu sama, —
að kenning og boðskapur Bhagavad Gita sé í rauninni eitt
með hinni kristnu kenningu, enda er eins og áður er sagt
boðskapur allra trúarbragða í grundvallaratriðum einn og
hinn sami, séð frá víðara sjónarmiði, að kenna hið góða og
nytsama lif. — Stundum hefir það verið haft á orði að Bhaga-
vad Gita sé Biblía Hindúatrúarinnar, og er þetta ekki fjarri
sanni. Hinsvegar eru kenningar hennar svo háleitar og víð-
sýnar og óháðar nokkrum trúarkreddum, að hún er hátt yfir
j'fið hafin að vera að kenningum til bundin við eina trú. —
Þar geta allir sem vilja fundið trúarþorsta sínum svölun í
leitinni að svörum við djúpstæðustu spurningum um lífs-
gönguna og vandamál mannlifsins i heild. — Bhagavad Gita
er þannig stórbrotin útlistun á því, hvernig maðurinn getur
náð þvi marki að verða heiminum nýtur og um leið nálgast
það takmark að vera hamingjusamur, sameinaður í anda við
sinn innri verundarþátt, vitur í afstöðu sinni til lifsins, trú-
fastur, frjáls í hugsun og kærleiksrikur í allri sinni fram-
komu til orðs og æðis.