Fréttablaðið - 24.11.2010, Blaðsíða 36
28 24. nóvember 2010 MIÐVIKUDAGUR28
menning@frettabladid.is
Myndlist ★★
Functius/Fungus/Funnus
Ingirafn Steinarsson
Kling og bang, Hverfisgötu 42
Listamaðurinn tekinn í gegn af reiðu
hústökufólki
Myndlist Ingarafns Steinarssonar er í takt við tímann, unnin í ýmsa miðla,
tekur á sig margvísleg form. Í Kling og bang sýnir hann myndbönd, teikn-
ingar, skúlptúra. Meginuppistaðan er tvö myndbönd, annað tekið í Noregi
en hitt í Berlín. Berlínarmyndbandið sýnist mér hafa verið sýnt áður, í D-sal
Listasafns Reykjavíkur
2008.
Í innri sal er innsetning
með myndbandi sem
sýnir loftbólur stíga upp í
bjórglasi, eins konar lifandi
skúlptúr. Teikningar og
þrykk sýna einhvers konar
samsetta þætti, minna á
rör eða pípulagnir. Loks eru
fuglabein á stöpli, undir
gleri. Þessi samsetning
hljómar frekar sundurleit
og það er hún líka, með
góðum vilja má tengja milli
ólíkra þátta en það gerist
ekki sjálfkrafa.
Hryggjarstykkið er
myndböndin tvö, en lýsing
í salnum dregur úr áhrifamætti þeirra. Hljóðið sem fylgir þeim er lágt stillt
þannig að þau verða enn fjarlægari. Þó er það sem þar gerist áhugavert,
þar sem listamaðurinn málar hústökuhús að utan með hvítri málningu, í
trássi við þá sem þar halda til. Listaverkið er samfélagslegt inngrip, í anda
tengslalistar eða venslalistar sem hefur verið mikið á döfinni í listheimum
um alllangt skeið. Nýjung Ingarafns felst helst í því að hann grípur inn í lág-
menninguna, það sem hann gerir lítur út eins og inngrip af hálfu yfirvalda
sem ætla sér að „hreinsa til“. Þetta er þó ekki ætlun listamannsins, markmið
hans er að sýna inngripið sjálft, og upp að vissu marki, svar hústökumanna.
Inngripið er sjónrænt séð mjög skýrt, en breytist ekki frá upphafi til enda
myndbands, engin þróun á sér stað. Ingirafn byrjar að mála með hvítu og
heldur því síðan áfram þar til hústökumenn fæla hann frá. Þau samskipti
njóta sín þó ekki til fulls vegna lélegra hljóð- og myndgæða.
Myndböndin eru áhugaverð verk, og væri fróðlegt að sjá meira af hendi
Ingarafns um þetta efni. Þau vekja upp ýmiss konar vangaveltur um menn-
ingu, birtingarmyndir hennar og tilverurétt. Listamaðurinn er í óræðu hlut-
verki, fulltrúi eigin listar og einskis annars, á skýrt skilgreindu yfirráðasvæði
minnihlutahópa hústökufólks sem engin leið er að vita hvernig bregst við.
Skýrari framsetning hefði aukið áhrifavald þessara verka, sýningin líður fyrir
of mörg og ótengd verk og er til vitnis um ómarkviss og dreifð vinnubrögð.
Stundum er minna í alvöru meira. Ragna Sigurðardóttir
Niðurstaða: Áhugaverð myndbönd sýna forvitnileg inngrip listamannsins í
líf hústökufólks í Noregi og Berlín. Ómarkviss framsetning dregur úr áhrifa-
mætti verkanna sem fyrir vikið njóta sín ekki sem skyldi.
HVAÐ? HVENÆR? HVAR?
Miðvikudagur 24. nóvember
2010
➜ Tónleikar
20.00 Tónleikaröðin Tónsnillingar
morgundagsins heldur áfram í kvöld.
Tónleikarnir fara fram í Langholts-
skirkju kl. 20. Fram kemur Gunnhildur
Daðadóttir ásamt Kristni Erni Krist-
inssyni.
22.00 Jazzklúbburinn
Múlinn efnir til tónleika
í Risinu í Tryggvagötu
í kvöld. Fram kemur
tríó Sunnu Gunn-
laugsdóttur ásamt
Þorgrími Jónssyni og
Scott McLemore. Tón-
leikarnir hefjast kl. 22 og
aðgangseyrir 1000
krónur, 500 krónur
fyrir nema.
➜ Dagskrá
20.00 Dagskrá í tilefni af útgáfu á
bókum Akademónanna Steinunnar
Jóhannesdóttur og Guðna Th. Jóhann-
essonar. Dagskrá hefst kl. 20 í Reykj-
arvíkurAkademíunni á Hringbraut 121,
4.hæð. Allir velkomnir.
➜ Tónlist
22.00 Skurken, Beatmakin Troopa,
Arnljótur og Dj Andre spila á Kaffi-
barnum, Bergstaðastræti 1, í kvöld frá
kl. 22. Extreme Chill stendur að dag-
skránni. Frítt inn.
➜ Samkoma
20.00 Classic Quiz á Faktorý í kvöld
kl. 20. Hámark 4 saman í liði. Keppnin
samanstendur af almennum-, krossa-
og myndaspurningum ásamt hljóð-
dæmum. Þátttökugjald er ekkert.
Upplýsingar um viðburði sendist á
hvar@frettabladid.is
Bjargey Ólafsdóttir mynd-
listarmaður málar risa-
vaxna mynd af ísbirni á
Langjökul í dag og á morg-
un. Verkið er liður í alþjóð-
legu myndlistarverkefni til
að vekja athygli á loftlags-
breytingum. Meðal þátt-
takenda eru Thom Yorke,
söngvari Radiohead.
Yfirskrift verkefnisins er 350 Earth
og stendur frá 20. til 28. nóvember.
Listamenn á sautján stöðum víðs
vegar um heim
búa til verk um
áhrif hlýnun-
ar jarðar. Hvert
listaverk er nógu
stórt til að sjást
úr geimnum og
verður mynd-
að úr þyrli og
gervihnetti. Til-
efnið er lofts-
lagsráðstefna
Sameinuðu þjóðanna í Cancun í
næsta mánuði.
Bjargey segist hafa fengið hug-
myndina að ísbirninum fljótlega
eftir að aðstandendur verkefnisins
höfðu samband við hana.
„Hlýnun jarðar stefnir heimkynn-
um ísbjarnarins og framtíð hans í
voða,“ segir Bjargey. „Ein birting-
armynd þess eru þessar ísbjarna-
heimsóknir, sem við höfum fengið
á undanförnum misserum. Útfærsl-
an vafðist aðeins fyrir mér þangað
til ég datt niður á þessa hugmynd,
að mála mynd af ísbirni á hopandi
jökli.“
Bjargey heldur á Langjökul í dag
ásamt tíu til tuttugu sjálfboðaliðum.
Hún notar garðúðara og matarlit til
að draga útlínurnar bjarnarins, en
í litinn blandar hún alkóhóli til að
koma í veg fyrir að hann frjósi. Hún
gerir ráð fyrir að endanleg útgáfa
myndarinnar verði 90 sinnum 60
metrar að flatarmáli.
Þegar myndin er tilbúin flýgur
þyrla yfir jökulinn og tekur mynd
af verkinu.
Meðal þeirra listamanna sem taka
þátt í verkefninu er Thom Yorke,
söngvari Radiohead. Hann ætlar
ásamt um tvö þúsund sjálfboðalið-
um að búa til mynd af Knúti Dana-
konungi í Brighton á laugardag, en
sagan segir að Knútur hafi eitt sinn
sest í flæðamálið og reynt að banna
öldunum að skola fætur sína.
Hægt er að fylgjast með verk-
efninu og skoða loftmyndir sem
hafa verið teknar á heimasíðu þess,
earth.350.org. bergsteinn@frettabladid.is
Málar risavaxinn ísbjörn á Langjökul
DRÖG AÐ ÍSBIRNI Uppdráttur að mynd-
inni sem Bjargey ætlar að mála.
ÞAR SEM ÁIN RANN Um þúsund sjálfboðaliðar í 350 Earth-verkefninu minntu á að
Santa Fe-áin í Nýju Mexíkó í Bandaríkjunum væri nánast algjörlega uppþornuð.
BJARGEY
ÓLAFSDÓTTIR
FRIÐRIK ÓMAR Í SALNUM Friðrik Ómar heldur útgáfutónleika í Salnum í kvöld og
annað kvöld í tilefni af nýjum hljóð- og mynddiski þar sem hann flytur lög eftir Elvis Presley.
Með honum er átta manna hljómsveit og alls fá um 25 Elvis lög að hljóma.
STYRKIR TIL STARFS-
MENNTUNAR Í EVRÓPU
WWW.LEONARDO.IS
LEONARDO
STÚDENTA- OG
STARFSMANNASKIPTI
OG STYRKIR TIL
HÁSKÓLASAMSTARFS
WWW. ERASMUS.IS
ERASMUS
MARGVÍSLEGIR STYRKIR
Í FULLORÐINSFRÆÐSLU
WWW.GRUNDTVIG.IS
GRUNDTVIG
RAFRÆNT SKÓLA-
SAMFÉLAG Í EVRÓPU
WWW.ETWINNING.IS
eTwinning
STYRKIR TIL SKÓLA-
VERKEFNA Á LEIK-,
GRUNN- OG
FRAMHALDSSKÓLASTIGI
WWW.COMENIUS.IS
COMENIUS
MENNTUNAR- OG
STARFSHÆFNISMAPPA
WWW.EUROPASS.IS
EUROPASS
AFMÆLISHÁTÍÐ
MENNTAÁÆTLUNAR ESB 2010
COMENIUS 15 ÁRA
LEONARDO 15 ÁRA
GRUNDTVIG 10 ÁRA
ETWINNING 5 ÁRA
EUROPASS 5 ÁRA
Í Ráðhúsi Reykjavíkur fimmtudaginn 25. nóvember kl. 15-18
Kynning á evrópskum samstarfsverkefnum og viðurkenningar
veittar fyrir fyrirmyndarverkefni.
Nánari upplýsingar og dagskrá á www.lme.is.
Um 13.000 Íslendingar hafa fengið styrki til náms og starfs-
þjálfunar í Evrópu síðustu 15 árin. Mun fleiri hafa tekið þátt í
ýmiskonar verkefnum.