Fréttablaðið - 21.01.2011, Blaðsíða 6

6 21. janúar 2011 FÖSTUDAGUR
www.sindri .is

/ sími 5 75 0000
OKKAR BESTU VERÐ !
HRINGDU NÚNA !
4.900 m/vsk
Fullt verð 6.900
FASTLYKLASETT 12 STK.
IBTGAAE1210
Stærðir 6 - 19
6.010 STK BOLTAR, RÆR OG SKINNUR
Sverleiki 3 - 12mm | Le
1910 stk boltar 8.8
1.600 stk rær
1.600 stk skinnur
900 stk brettaskinnur
49.900 m/vsk
Fullt verð 103.900
LÍ
FS
TÍÐ
ARÁBYRGÐ
Á
FÖSTUM LYK
LU
M
KL.
08:3
0
- 1
7:00 08:
30
- 18
:00 ME
DIC
O
MEDICO ehf.
Stimpilkort sem
veitir 15% afslátt
Opnunartími:
mánudaga til föstudaga milli kl: 8:30-17:00
fimmtudaga 8:30-18:00
Akralind 3 201 Kópavogur sími: 545 4200 www.medico.is
weider
scitec
nutrition
designer
whey
universal
nutrition
Mikið úrval fæðubótarefna
á sanngjörnu verði
Verð á kolvetnablöndum frá 1.400 kr.
FAGL
EG RÁ
ÐGJÖ
F
Hringdu í síma
ef blaðið berst ekki
VIÐSKIPTI Fjárfesting Framtaks-
sjóðs Íslands í Icelandair Group
hefur skilað sjóðnum 2,2 milljarða
króna hagnaði. Þetta er meðal þess
sem Ágúst Einarsson, stjórnarfor-
maður sjóðsins, kynnti á hluthafa-
fundi hans í gær.
„Icelandair var okkar fyrsta
fjárfesting á síðasta ári. Við fjár-
festum þar fyrir 3,6 milljarða
króna, en sú fjárfesting stendur
núna í 5,8 milljörðum í bókfærðu
virði,“ segir Ágúst. Markmið sjóðs-
ins segir hann tvíþætt, að ávaxta
fé hluthafa og taka þátt í endur-
reisninni. „Og hvað Icelandair
varðar fóru þessi markmið algjör-
lega saman.“
Á hluthafafundinum upplýsti
Ágúst einnig að lokið hafi verið
öllum enda varðandi kaup sjóðsins
á Vestia, eignarhaldsfélagi Lands-
bankans, sem nú á fjórðungshlut í
Framtakssjóðnum, á móti lífeyris-
sjóðunum sextán.
Ágúst segir að Húsasmiðjan
verði á næstunni sett í opið sölu-
ferli og að fyrir dyrum standi
endur skipulagning á fyrirtækjum
innan upplýsinga- og fjarskipta-
geirans, sem nú heyri undir Teymi.
Þau verði seld á næstu árum.
Viðræðum við evrópska fjár-
festingarsjóðinn Triton segir
Ágúst að ljúki fyrir mánaðamót.
„Þessar tölur sem Triton nefndi
voru það háar að enginn hefur
slegið þær út og við vildum kanna
það í þaula. En við vitum svo sem
ekki með niður stöðu á því,“ segir
hann. Náist ekki samkomulag
kunni nálgunin að verða önnur
þegar frekari skref verða tekin í
sölunni á verksmiðjustarfsemi Ice-
landic Group. - óká
Á FUNDI Finnbogi Jónsson framkvæmda-
stjóri og Ágúst Einarsson, stjórnarformaður
Framtakssjóðs Íslands. FRÉTTABLAÐIÐ/GVA
Staða Framtakssjóðs Íslands og áætlanir voru kynntar á hluthafafundi sjóðsins í gær:
Tveggja milljarða hagnaður af Icelandair
ALÞINGI Hugsanlegt er talið að far-
tölvu, sem tengd var við tölvunet
Alþingis og fannst í ónotaðri skrif-
stofu varaþingmanns á fimmtu
hæð húss nefndasviðs Alþingis,
hafi verið ætlað að njósna um
tölvukerfi þingsins og komast yfir
gögn í eigu Alþingis.
Þingvörður fann tölvuna í
febrúar í fyrra. Þingmenn Hreyf-
ingarinnar og nokkrir þingmenn
Sjálfstæðisflokksins eru með skrif-
stofur á hæðinni þar sem tölvan
fannst.
Vika leið frá því tölvan fannst
þar til lögregla komst að þeirri
niðurstöðu að rannsókn málsins og
leit að eiganda tölvunnar hefði ekki
borið árangur, að því er fram kom
í yfirlýsingu sem Ásta Ragn heiður
Jóhannesdóttir, forseti Alþingis,
gaf á þingfundi í gær.
Tölvan var þannig upp sett að
þegar slökkt var á henni eyddust
allar upplýsingar af henni. Auð-
kenni höfðu verið afmáð þannig
að ekki var hægt að rekja hana til
eiganda.
Flestir þingmenn sem tóku til
máls sögðu málið alvarlegt. Það
fæli í sér grófa árás eða innrás í
þingið. Gagnrýnt var að málinu
hefði verið leynt þegar það kom
upp. Þingmenn fréttu fyrst af þessu
í Morgunblaðinu í gær. „Hverra
öryggis er verið að gæta þegar
leynd er slegið yfir mál af þessu
tagi?“ spurði Ólína Þorvarðar-
dóttir, Samfylkingu.
„Öryggi og leynd fara ekki alltaf
saman,“ sagði Þórunn Sveinbjarn-
ardóttir, Samfylkingu.
Ragnheiður Ríkharðsdóttir,
Sjálfstæðisflokki, sagði að enginn
kæmist inn í þetta húsnæði nema
nota aðgangskort þingmanna eða
tala við starfsmenn þingsins. Jón
Gunnarsson, Sjálfstæðisflokki,
og fleiri fundu að því að upplýs-
inga um mannaferðir hefði ekki
verið leitað hjá þingmönnum og
starfsmönnum þingsins: „Ég er
í þar næstu skrifstofu og það var
ekki talað við mig um þetta mál,“
sagði Jón. Hann nefndi að Julian
Assange, forsprakki Wikileaks,
hefði komið sem gestur Hreyfingar-
innar í skrifstofur þingsins.
Nokkrir þingmenn kölluðu eftir
því að efnt yrði til nýrrar rann-
sóknar í stað þeirrar sem fram fór
í fyrra.
Ásta Ragnheiður sagðist ein-
göngu hafa sagt forsætisráðherra
af tölvufundinum. Tilmælum lög-
reglu, tölvudeildar og yfirmanna
áAlþingi um meðferð málsins
hefði verið fylgt í einu og öllu. Hún
þakkaði þingmönnum umræður og
ábendingar. Forsætisnefnd mun
fara yfir málið og öryggisreglur
þingsins og ráða bót á þeim ef
nauðsyn krefur. peturg@frettabladid.is
Dularfull fartölva
tengd neti Alþingis
Þingmenn kalla eftir nýrri lögreglurannsókn á því að dularfull fartölva, tengd
neti Alþingis, fannst þar fyrir ári. Forsætisráðherra og forseti Alþingis vissu einar
af málinu. „Öryggi er ekki það sama og leynd,“ sagði Þórunn Sveinbjarnardóttir.
NEFNDASVIÐ Njósnatölvan fannst í ónotaðri skrifstofu sem ætluð er varaþingmanni
á fimmtu hæð í húsi nefndasviðs Alþingis, Austurstræti 10. Gengið er inn í húsið frá
Austurvelli og þarf aðgangskort til að komast inn í húsið og á skrifstofuganga þess.
FRÉTTABLAÐIÐ/STEFÁN
ALÞINGI „Fólk á að fara varlega í að
draga ályktanir af einhverju sem er
einungis byggt á getgátum,“ segir
Birgitta Jónsdóttir, þing maður
Hreyfingarinnar. „En ég er ekki að
taka þessu persónulega.“
Í umræðum á Alþingi í gær var
ýjað að því að þingflokkur Hreyf-
ingarinnar, og þá sér í lagi Birgitta,
sökum hennar tengsla við Wiki-
leaks, hefði átt þátt í að fela fartölvu
í skrifstofuhúsnæði Alþingis og
tengja hana við tölvukerfið. Birgitta
segir málið óþægilegt og þá sérstak-
lega að tölvan hafi fundist í skrif-
stofu sem er við hlið hennar eigin.
„Ég læsi [skrifstofunni minni]
aldrei. Það má vel vera að ein-
hver hafi farið þar inn og skoðað í
gegnum dótið mitt. Þó að það dót sé
reyndar ekki mikið,“ segir Birgitta.
„En mér finnst þetta vera stormur
í vatnsglasi, ef ég á að segja alveg
eins og er. Þó að þetta sé auðvit-
að mjög alvarlegt mál og ólíðandi
að það sé komið fyrir tölvu inni á
skrifstofusvæði þingmanna.“
Helgi Bernódusson, skrifstofu-
stjóri Alþingis, segir engar öryggis-
myndavélar hafa vaktað svæðið
og því sé ekki hægt að skoða neitt
myndefni sem upplýst geti um
mannaferðir við húsið. Tölvan, sem
er lítil fartölva, hafi fundist fyrir til-
viljun um miðjan dag þegar tækni-
menn áttu leið inn í skrifstofuna,
sem var ólæst.
„Þeir tóku tölvuna úr sambandi
eftir að ákveðið var að fara með
hana til lögreglunnar. Þá var auð-
vitað slökkt á henni, en ef til vill
voru það einhver mistök,“ segir
Helgi. „En það er ekkert sem gefur
okkur vísbendingar um að gögnum
hafi verið stolið. En auðvitað er ekki
hægt að útiloka neitt.“
Julian Assange, forsvarsmaður
Wikileaks, var staddur hér á landi
á þeim tíma sem tölvan fannst.
Var hann, ásamt fleiri aðilum, að
vinna í upplýsinga- og málfrelsis-
löggjöfinni. - sv
Þingmaður Hreyfingarinnar tekur tölvufundinn á Alþingi ekki persónulega:
Málið er stormur í vatnsglasi
BIRGITTA JÓNSDÓTTIR Þingmaður Hreyf-
ingarinnar segir að það sé ólíðandi að
farið sé inn á skrifstofusvæði þingmanna
og komið þar fyrir tölvu. FRÉTTABLAÐIÐ/VALLI
Fylgist þú með réttarhöldunum
yfir nímenningunum sem sak-
aðir eru um árás á Alþingi?
Já 29,9%
Nei 70,1%
SPURNING DAGSINS Í DAG
Á að auðvelda forstöðumönnum
ríkisstofnana að segja upp
starfsmönnum?
Segðu þína skoðun á visir.is
KJÖRKASSINN