Fréttablaðið - 21.01.2011, Blaðsíða 20

21. janúar 2011 FÖSTUDAGUR20
timamot@frettabladid.is
Ástkær móðir okkar, tengdamóðir,
amma og langamma,
Hrafnhildur Þórðardóttir
lést á Hrafnistu í Hafnarfirði, miðvikudaginn
19. janúar. Útför hennar fer fram frá Bústaðakirkju
föstudaginn 28. janúar kl. 13.00. Sérstakar þakkir
fær allt starfsfólk Hrafnistu Hafnarfirði sem kom að
umönnun hennar í gegnum árin, þið eruð yndisleg.
Þórður G. Lárusson Unnur K. Sigurðardóttir
Halldór R. Lárusson Guðlaug Jónasdóttir
Lárus H. Lárusson Rósa Hallgeirsdóttir
barnabörn og barnabarnabörn.
Innilegar þakkir sendum við öllum
þeim sem heiðruðu minningu og sýndu
okkur samúð og hlýhug við andlát og
útför elskulegs eiginmanns míns, föður
okkar, tengdaföður, afa og langafa
Kjartans Sölva
Einarssonar
Hólavegi 39, Siglufirði.
Sérstakar þakkir sendum við læknum, hjúkrunar-
fræðingum og öðru starfsfólki á Heilbrigðisstofnun
Fjallabyggðar Siglufirði, sem og starfsfólki Heima-
hlynningar LSH, fyrir einstaka umönnun og hlýtt
viðmót. Guð blessi ykkur öll.
Brynja Stefánsdóttir
Herdís Kjartansdóttir Guðmundur Þór Axelsson
Kristrún Kjartansdóttir Ingi Már Aðalsteinsson
Ása Fríða Kjartansdóttir Víglundur Pétursson
afa- og langafabörn.
Innilegar þakkir til allra þeirra sem
sýndu okkur hlýhug og samúð vegna
andláts elskulegrar eiginkonu minnar,
móður okkar, tengdamóður og dóttur
Þóreyjar Þorkelsdóttur
Hörðukór 1, 203 Kópavogi.
Einnig færum við læknum hennar, þeim Friðbirni
Sigurðssyni og Sigurði Böðvarssyni sem og Sonju
S. Guðjónsdóttur hjúkrunarfræðingi á deild 11-B á
Landspítalanum við Hringbraut, okkar innilegustu
þakkir, en þau reyndust henni einstaklega vel í
veikindum hennar. Guð blessi ykkur öll.
Ögmundur H. Runólfsson
Sigurður Þorkell Ögmundsson Erna Gunnarsdóttir
Þorbjörg Hanna Ögmundsdóttir Hafþór Hannesson
Þorkell Sigurðsson Þorbjörg Guðmundsdóttir
Innilegar þakkir færum við öllum þeim
sem heiðruðu minningu og sýndu okkur
samúð og stuðning við andlát og útför
okkar ástkæru
Aðalheiðar
Sigurðardóttur
Skólastíg 14 a, Stykkishólmi.
Sérstakar þakkir sendum við starfsfólki Dvalarheimilis
aldraðra í Stykkishólmi fyrir frábæra umönnun.
Jófríður Sveinbjörnsdóttir
Aðalheiður Sveinbjörnsdóttir
Stefán Sveinbjörnsson
Ástkær eiginmaður minn, faðir, tengda-
faðir, afi og langafi
Guðmundur Sigurjónsson
Glósölum 7, Kópavogi,
sem lést 18. janúar, verður jarðsunginn frá
Bústaðakirkju föstudaginn 28. janúar, kl. 15.00.
Eygló Olsen
Valgerður Anna Guðmundsdóttir Steinþór Óskarsson
Marta Elísabet Guðmundsdóttir Þórður Vilberg Oddsson
afabörn og langafabörn.
Þökkum auðsýnda samúð og
vinarhug við andlát og útför elskulegs
eiginmanns, föður, tengdaföður og afa
Jónasar Helgasonar
frá Stórólfshvoli,
Núpalind 4 Kópavogi.
Guðrún Árnadóttir
Særún Jónasdóttir Kjartan Sigurðsson
Helgi Jónasson Bodil Mogensen
og barnabörn
Ástkær bróðir okkar, mágur og frændi,
Hafsteinn Sigtryggsson
Mosfelli, Ólafsvík,
sem lést á Heilbrigðisstofnun Vesturlands Akranesi,
þriðjudaginn 11. janúar, verður jarðsunginn frá
Ólafsvíkurkirkju laugardaginn 22. janúar kl. 14.00.
Sveinbjörn Sigtryggsson
Bjarný Sigtryggsdóttir Ríkarð Magnússon
og aðrir aðstandendur.
„Verðlaunin eru mér hvatning og hafa
mikla þýðingu fyrir ungan listamann
sem er að koma sér á framfæri,“ segir
Birna Hallgrímsdóttir píanóleikari en
hún hlaut tilnefninguna Bæjarlista-
maður Seltjarnarness 2011 síðastliðinn
laugardag.
Birna er fædd árið 1982 og hóf píanó-
nám fimm ára gömul við Tónlistarskóla
íslenska Suzuki-sambandsins og Tón-
listarskóla Kópavogs. Hún lauk námi
við Listaháskóla Íslands vorið 2006.
Eftir að hafa hlotið önnur verðlaun í
Epta-píanókeppninni á Íslandi sama
ár fór hún til náms við Royal College
of Music í London, þaðan sem hún lauk
meistaranámi árið 2009. Á síðasta ári
dvaldi Birna í Noregi þar sem hún sótti
tíma hjá Håkon Austbø.
„Það er nóg af verkefnum fram
undan,“ segir Birna en hún stefnir á að
gefa út geisladisk á árinu. „Ég er þegar
farin að vinna í þeim verkum sem verða
á diskinum og mun spila þau á tónleik-
um í sumar. Núna er æfingatímabil að
hefjast hjá mér en fyrstu tónleikarnir
hjá mér eftir jólafríið eru Mozart-tón-
leikar Reykjavíkurborgar hinn 27. jan-
úar, svo hefst törnin í mars. Ég æfi á
píanóið frá klukkan 8 á morgnana fram
yfir hádegi og kenni svo eftir hádegi
flesta daga vikunnar,“ segir hún og
þakkar fyrir að eiga góða nágranna sem
kvarta ekki undan píanóleiknum. „Það
búa svo margir tónlistarmenn í blokk-
inni minni, það hittist vel á.“
Birna segir það eiga vel við sig að
kenna píanóleik en hún fær til sín
nemendur heim og kennir bæði við
Píanóskóla Þorsteins Gauta og í Tón-
heimum. Hún segist yfirleitt spila
klassíska tónlist en spili stundum dæg-
urlög til að breyta til. Aðspurð segist
hún ekkert fást sjálf við tónsmíðar utan
einu sinni.
„Ég held að ég hafi prófað að semja
tónverk þegar ég var tíu ára, það heppn-
aðist reyndar bara vel en ég lét samt
gott heita. Ég á mér mörg uppáhaldstón-
skáld en Franz Liszt hefur alltaf fylgt
mér. Hann á 200 ára afmæli á þessu ári
svo megnið af verkunum á diskinum
verður jafnvel eftir hann.”
heida@frettabladid.is
BIRNA HALLGRÍMSDÓTTIR: BÆJARLISTAMAÐUR SELTJARNARNESS
SAMDI EITT TÓNVERK TÍU ÁRA
TILNEFNINGIN ER HVATNING Birna Hallgrímsdóttir er bæjarlistamaður Seltjarnarnessbæjar
2011. FRÉTTABLAÐIÐ/ANTON
62
Merkisatburðir
1793 Rússland og Prússland skipta Póllandi.
1899 Opel-fyrirtækið hefur starfsemi.
1918 38 stiga frost mælist á Grímsstöðum og í Möðrudal.
1924 Vladimír Lenín andast.
1925 Yfir Ísland ganga mestu flóð og fárviðri í eina öld. Miklar
skemmdir urðu í Grindavík, á Eyrarbakka og í Reykjavík.
1932 Sparisjóður Reykjavíkur og nágrennis er stofnaður.
1976 Atli Heimir Sveinsson hlýtur Norrænu tónlistarverðlaunin.
1976 Concorde-þotan fer fyrsta farþegaflugið.
1977 Jimmy Carter, forseti Bandaríkjanna, náðar nær alla þá
bandarísku hermenn sem hlupust undan merkjum í
Víetnamstríðinu.
1982 Fjórir farast við björgunaraðgerðir þegar Pelagus strandar
við Vestmannaeyjar.
2005 Íslendingar biðja Íraka afsökunar með heilsíðuauglýsingu
í The New York Times.
2009 Mótmæli eru við Alþingi og Samfylking slítur samstarfi
við Sjálfstæðisflokkinn.
Spaugstofan hóf göngu sína í sjónvarpi með
þættina 89 af stöðinni í Sjónvarpinu, þetta
kvöld fyrir 22 árum. Árið eftir kallaðist þátturinn
90 af stöðinni og svo Enn ein stöðin. Efni
þáttanna gengur út á að rýna í fréttir og atburði
liðinnar viku gegnum spéspegil og fá stjórn-
málamenn og aðrir opinberir starfsmenn það
gjarnan óþvegið í þáttunum. Þættirnir hafa
verið á dagskrá á laugardagskvöldum og nutu
strax mikilla vinsælda og urðu persónur þátt-
anna þjóðkunnar og heimilisvinir á skjánum.
Þar má nefna Ragnar Reykás,
rónana Boga og Örvar, hinn tauga-
veiklaða Kristján Ólafsson og fleiri.
Spaugstofuna skipuðu þeir Örn
Árnason, Karl Ágúst Úlfsson, Pálmi
Gestsson, Sigurður Sigurjónsson
og Randver Þorláksson, allt til
ársins 2007 þegar Randver sagði
skilið við hópinn.
Þættir Spaugstofunnar eru nú á
dagskrá Stöðvar 2.
ÞETTA GERÐIST 21. JANÚAR ÁRIÐ 1989
89 af stöðinni fer í loftið
KRISTÍN MARJA BALDURSDÓTTIR rithöfundur er 62 ára í dag
„Stjórnvöld studdu auðmenn af heilum hug, blésu út afrek þeirra, þáðu boð þeirra, sleiktu
diska þeirra, en nú eftir hrunið kenna þau þjóðinni um, þjóðin hafði verið á neyslufylliríi.“