Fréttablaðið - 24.01.2011, Síða 8
8 24. janúar 2011 MÁNUDAGUR
Frummælendur
Halldór Hermannsson, skipstjóri, Ísafirði
Guðmundur Gunnarsson, formaður RAFÍS
Landinn: ESB
og fólkið í landinu
Hádegisfundur Evrópuvaktar Samfylkingarinnar
á Kaffi Sólon þriðjudaginn 25. janúar kl. 12–13.
xs.isAllir velkomnir
Oddi – umhverfisvottuð prentsmiðja.
Höfðabakka 7, 110 Reykjavík, sími 515 5000, www.oddi.is
FJÖLNOTAPAPPÍR25
afsláttur
í janúar
með 25% afslætti 2.996kr5x500 blöð A4 3.995kr
FRÉTTASKÝRING
Er stóriðjufyrirtækjum treystandi til að
gera eigin mengunarmælingar?
Félagið Umhverfisvaktin við Hval-
fjörð skorar á Umhverfisstofnun
að endurskoða starfsleyfi stóriðju-
fyrirtækjanna á Grundartanga.
„Þetta er með það fyrir augum
að færa ábyrgð á framkvæmd
mengunar mælinga frá stóriðju-
fyrirtækjunum til óháðra opinberra
aðila,“ segir í
yfirlýsingu.
Félagið telur
að mælingarnar
séu ekki trúverð-
ugar „ef hinn
mengandi aðili“
sér sjálfur um
þær.
Stefán Gísla-
son, umhverfis-
stjórnunarfræðingur hjá Umís ehf.
Environice, telur ekki auðvelt að
breyta fyrirkomulaginu. Hins vegar
þyrfti að gera meiri kröfur um
framkvæmdina og bæta eftir litið,
þar með talið skoðun á niður stöðum
mælinga og viðbrögð ef um frávik
er að ræða. „Opinberar eftirlits-
stofnanir eiga að mínu mati að vera
mun ákveðnari en þær eru varðandi
kröfur um framkvæmd mælinga,
duglegri við að koma í óundirbúið
eftirlit til að geta staðið menn að
verki ef rangt er mælt, meðal ann-
ars með stikkprufum – og að síðustu
miklu harðari í horn að taka ef skil-
yrðum er ekki fullnægt.“
Stefán segir að mengunar-
mælingar séu í eðli sínu svipað-
ar bókhaldi fyrirtækja. „Fyrir-
tækjunum er skylt, samkvæmt
lögum, reglugerðum eða ákvæðum
í starfsleyfum, að halda bókhald
um ákveðna þætti og skila því til
eftirlitsaðila, hvort sem hann heitir
Heilbrigðiseftirlit, Umhverfisstofn-
un eða Ríkisskattstjóri. Mikið af
þessum bókhaldsgögnum verður til
með þeim hætti, að eðlilegast og ein-
faldast er að haldið sé utan um þau
innan fyrirtækisins. Öðrum þáttum
er auðveldara að úthýsa, til dæmis
mælingum á flúor í gróðri eða bein-
um dýra,“ segir Stefán.
Í tilviki iðjuveranna á Grundar-
tanga, og þá Norðuráls þegar rætt
er um flúor, sér utanaðkomandi
aðili um mengunarmælingar. Sá
er þó ekki alveg óháður iðjuverinu
því fyrirtækið greiðir fyrir mæl-
ingarnar eins og hverja aðra verk-
takavinnu. Hins vegar fer greining
sýna gjarnan fram hjá óháðri opin-
berri stofnun hérlendis eða erlendis,
á kostnað iðjuversins.
„Ég hygg að aðalrökin fyrir því
fyrirkomulagi sem viðhaft er varð-
andi mengunarmælingar frá meng-
andi starfsemi, þar með talið frá
iðjuverum á Grundartanga, séu
þau að með þessu sé ábyrgð á fram-
kvæmd og fjármögnun tryggð, og
tengd með besta mögulega hætti.
Ég treysti þessum fyrirtækjum til
að sjá um þessi mál, að því tilskildu
að regluverkið og eftirlitsaðilar veiti
það aðhald sem þeim ber að veita.“
svavar@frettabladid.is
Eftirlit með mengun
talið vera óskilvirkt
Umhverfisvaktin við Hvalfjörð efast um að stóriðjunni sé treystandi til að gera
eigin mengunarmælingar. Sérfræðingur telur hins vegar að fyrirtækjunum sé
treystandi en eftirlitsstofnanir megi gera meiri kröfur og bæta eftirlit sitt.
STEFÁN GÍSLASON
GRUNDARTANGI Umhverfisvaktin við Hvalfjörð efast um að stóriðjufyrirtækjum sé
sjálfum treystandi fyrir mengunarmælingum. FRÉTTABLAÐIÐ/GVA
SAMFÉLAGSMÁL Misskipting milli
íslenskra barna er í minna lagi
í samanburði við önnur OECD-
lönd að því er fram kemur í nýrri
skýrslu frá Unicef, Barnahjálp
Sameinuðu þjóðanna.
Þar er Ísland í næstefsta hópi
ásamt Noregi, Svíþjóð og Írlandi,
en í efsta hópnum eru Danmörk,
Finnland, Holland og Sviss.
Skýrslan ber yfirskriftina
„Börn skilin útundan“ og er mark-
miðið með henni að varpa ljósi á
misskiptingu í heilbrigði, mennt-
un og efnislegri velferð.
Jöfnuður mælist verulegur
að flestu leyti meðal íslenskra
barna, en í samanburði við önnur
lönd má sjá neikvæðari útkomu
í sjálfsmati barna á eigin heilsu
auk þess sem neysla þeirra á
ávöxtum og grænmeti lækkar
stöðu þeirra.
„Aðaláherslan er á að greina
hvar þau börn eru sem hafa það
verst,“ segir Stefán Ingi Stefáns-
son, framkvæmdastjóri Unicef á
Íslandi, og segir skýrsluna mikil-
vægt greiningartæki.
Hann segir þó að þetta sé fyrsta
skýrslan af þessari tegund.
„Þess vegna sjáum við ekki enn
neina þróun, en þetta er mikilvægt
sem fyrsta skrefið til að greina
mismunun milli barna.“ - þj
Ný skýrsla frá Unicef varpar ljósi á stöðu barna í löndum OECD:
Greinir misrétti milli barna
TÍMAMÓTASKÝRSLA Stefán Ingi Stefánsson fer yfir skýrsluna með gestum málþings
þar sem niðurstöður hennar voru ræddar. FRÉTTABLAÐIÐ/ANTON
SAMGÖNGUMÁL Ekki er ástæða til að gera breyt-
ingar á umferðarljósum við Snorrabraut, þar
sem banaslys varð skömmu fyrir jól. Þetta er
niðurstaða athugunar Reykjavíkurborgar.
Stefán Agnar Finnsson, deildarstjóri á
umhverfis- og samgöngusviði borgarinnar,
segir að sérfræðingar hafi verið fengnir til
að athuga ljósin eftir banaslysið í desember.
Þá var ekið á gangandi vegfaranda sem lést.
„Niðurstaðan var að þarna væri ekkert óeðli-
legt,“ segir hann. Hins vegar sé málið rann-
sakað af rannsóknarnefnd umferðarslysa og
ef þaðan berist athugasemdir vegna ljósanna
verði það skoðað. Þá hafi verið ákveðið að láta
gönguljós af stað sjálfkrafa allan sólarhring-
inn, svo ekki þurfi að ýta á takka.
Starfsmenn í Draumalandi, frístunda-
heimili Austurbæjarskóla, hafa kvartað yfir
gönguljósunum bæði við lögreglu og borgina.
„Við förum með tíu til tuttugu krakka fjóra
daga vikunnar þarna yfir,“ segir Andrés
Úlfur Helguson, verkefnastjóri Draumalands.
Farið er með börnin yfir götuna á gæsluvöll
sem er hluti af aðstöðu frístundaheimilis-
ins. Andrés segir börnin aldrei komast alla
leið yfir götuna á grænu gönguljósi. Hann
segir umferðaræðina yfir Snorrabrautina
hafa verið foreldrum áhyggjuefni, enda eigi
mörg börn sem sæki Austurbæjarskóla heima
í Norðurmýrinni. Þeim sé fylgt yfir götuna á
leið sinni heim úr Draumalandi vegna þessa.
- þeb
Reykjavíkurborg lét rannsaka ljósin eftir að banaslys varð við Snorrabraut í desember:
Umferðarljósunum verður ekki breytt
SNORRABRAUT Umferðarljósin við Snorrabraut og
Bergþórugötu voru skoðuð í kjölfar banaslyssins í
desember en ekki þykir ástæða til að breyta þeim.
FRÉTTABLAÐIÐ/STEFÁN
1 Hvað heitir Selurinn í Vest-
mannaeyjum sem spáir fyrir um
úrslit í HM í handbolta?
2 Hvað heitir danski stórleikarinn
sem leikur í sjónvarpsþáttaröðinni
Pressu?
3 Íslenskur jarðfræðingur var á
dögunum sæmdur doktorsnafnbót
í heiðursskyni við Háskóla Íslands.
Hvað heitir hann?
SVÖR
Varað við umferð hreindýra
Vegagerðin og Náttúrustofa Austur-
lands vilja vara vegfarendur sem leið
eiga um Austurland við mikilli umferð
hreindýra, sérstaklega á Fagradal.
Hætta á árekstrum við hreindýr er
mest í skammdeginu og þegar hálka
og skafrenningur gera aðstæður
erfiðar.
AUSTURLAND
Hnífamaður handtekinn
Lögreglan handtók mann sem var
vopnaður hnífi í miðborginni í fyrri-
nótt. Maðurinn hafði gengið um og
sveiflað hnífnum. Var vegfarendum
brugðið yfir athæfinu. Maðurinn var
að sögn lögreglu í annarlegu ástandi
og gat ekki skýrt hegðun sína. Hann
fékk að gista í fangaklefa. Þá fékk
lögreglan fjölda tilkynninga um
líkamsárásir, hávaða og eignaspjöll.
Enginn hafði þó verið handtekinn í
gær vegna þess.
LÖGREGLUFRÉTTIR
1. golli 2. Bjarnie Henriksen 3. Dr.
Haraldur Sigurðsson
SJÁVARÚTVEGUR Stóraukið magn
makrílafla Íslands á síðasta ári fór
í frystingu miðað við árið 2009.
Í skýrslu sjávarútvegsráðuneyt-
isins kemur fram að 60 prósent af
þeim 110.000 tonnum sem veidd-
ust voru fryst en 40 prósent fóru
í bræðslu. Til samanburðar fóru
80 prósent af aflanum árið 2009 í
bræðslu.
Þessi þróun er í samræmi við
sameiginlega stefnu stjórnvalda
og Landssambands íslenskra
útgerðarmanna um að hærra hlut-
fall aflans fari til manneldis og
segir í skýrslunni að vonir séu
bundnar við að hlutfallið verði enn
hærra á komandi árum.
Ráðuneytið ákvað á dögunum að
makrílkvóti ársins í íslenskri lög-
sögu yrði 147.000 tonn, en það er í
óþökk Noregs og ESB. - þj
Skýrsla um makrílveiðar:
Hærra hlutfall
til manneldis
VEISTU SVARIÐ?